Standardi ISO 9001 : 2015
Menaxhimi sistematik i cilësisë në Agjencinë e Ushqimit dhe të Veterinarisë të Republikës së Maqedonisë së Veriut është përcaktim strategjik i Agjencisë, i cili në këto katër vite të kaluara, ka kontribuar për përmirësimin e efikasitetit dhe efektivitetit të punës për të plotësuar nevojat dhe pritjet e operatorëve të biznesit dhe të qytetarëve, të cilët janë shfrytëzues të shërbimeve tona.
Pas zbatimit të standardit ISO 9001:2015, përfitimet e zbatimit të tij në punë janë me vlerë të madhe për Agjencinë, për shkak se ai ka kontribuar që institucioni të fitojë vlerë të shtuar në raport me cilësinë e shërbimeve që ofron.
Në vitin 2017, përqendrimi u vendos në tranzicionin e Sistemit të cilësisë së AUV-së dhe përshtatja e tij me kërkesat e standardeve të reja ISO 9001 : 2015 për të vendosur menaxhimin e proceseve nëpërmjet rreziqeve të përcaktuara. Në vitin 2018, Agjencia e Ushqimit dhe e Veterinarisë u bë institucioni i parë shtetëror i cili e fitoi certifikatën e cilësisë ISO 9001:2015.
Pas zbatimit të standardit ISO 9001:2015 në punë, Agjencia e Ushqimit dhe e Veterinarisë edhe më shumë e përforcoi famën e saj si institucion i cili garanton ushqim të sigurt dhe cilësor për njerëzit, ushqim cilësor për kafshët, garanci që jep shërbime cilësore dhe që kujdeset për mbrojtjen shëndetësore dhe mirëqenien e kafshëve.
Menaxheri i cilësisë
Kontakt: Radmila Jovanovic Nikolovska (Këshilltari shtetëror i punëve profesionale dhe administrative)
Tel:+389 2 2457 895 ext.185