За основите како да се биде одговорен сопственик, како да е однесуваме кон милениците, колку пати дневно и како да ги храниме, дали и колку често да ги носиме на ветеринар, што значи благосостојбата на милениците, но и како да бидеме одговори и совесни граѓани водејќи сметка и за бездомните животни, се дел од прашањата  на кои во предавањето се осврна универзитетскиот професор од Факултетот за ветеринарна медицина Пламен Тројачанец.

Стотина дечиња од три групи од детската градинка „Чекорче” во скопската населба Аеродром, денес беа дел од едукативниот настан на Агенцијата за храна и ветеринарство (АХВ) за промоција на одговорното сопствеништво, која се реализира во рамки на активностите за одбележување на 28 септември, Светски ден на борба против беснило.

Првиот човек на Агенцијата за храна и ветеринарство, Зоран Атанасов, во придружба на градоначалникот на Берово Звонко Пекевски, вчера вечер одржа средба со жителите на беровското село Двориште.

Агенцијата за храна и ветеринарство и Министерството за здравство во соработка и со поддршка од Светската Здравствена Организација (СЗО) и Светската организација за здравствена заштита на животните (OIE), од 11-13 Септември 2019 година во Скопје, одржува работилници за унапредување и засилување на приодот „Единствено здравство“ за управување со заразните болести на животните и  хуманата популација - зоонозите.

Земјите од Југоисточна Европа, особено балканските, значително да го подигнат нивото на свесност за болеста африканска свинска чума и да преземат соодветни иницијативи за решавање на ситуацијата, а европските земји да вложат напор и да обезбедат транспарентност, доверба и споделување информации за државите во однос на состојбата со болеста.

Наместо, како до пред два месеца, да земаат по 70 денари за килограм, сточарите сега, со депопулацијата на домашните свињи, ќе добијат по 100 денари. Кога на тоа ќе се додадат и предвидените 3.000 денари субвенција, за една свиња тешка 80 – 120 килограми на сметката ќе им легнат вкупно 13 илјади денари, беше речено на вчерашната прес – конференција која се одржа во Стопанската комора на Македонија.

Во организација на Агенцијата за храна и ветеринарство и TAIEX инструментот на Европската комисија од 10-12 септември 2019 година во Скопје се одржува работилница „Хигиена, благосостојба на животни и биосигурносни стандарди на фарма“.

Во рамки на одбележувањето на 8 Септември, Ден на независноста на Република Северна Македонија, како дел од Владината делегација предводена од Претседателот на Владата на Република Северна Македонија, Зоран Заев, претставници од Агенцијата за храна и ветеринарство, на чело со директорот Зоран Атанасов, денес, на Градските гробишта Бутел во Скопје, оддадоа почит и положија свежо цвеќе на вечните почивалишта на порнашените претседатели на државата - Киро Глигоров и Борис Трајковски.

Денеска, во Скопје, Агенцијата за храна и ветеринарство на Р.С.М. беше домаќин на првата национална конференција за подигнување на свеста за ЕФСА и за можностите за соработка во процесот на проценка на ризик.

Агенцијата за храна и ветеринарство, како контакт точка за Кодекс Алиментариус аплицираше на отворениот повик за поддршка од FAO/WHO Codex Trust Fund (Round 2). Апликацијата беше верификувана од повеќе институции вклучени во Кодекс алиментариус од областа на безбедностa на храната, меѓу кои и Министерството за здравство, преку Институт за Јавно здравје на Република Северна Македонија (РСМ), Канцеларијата на Светската здравствена организација (СЗО) во нашаата земја и Организацијата за храна и земјоделство при Обединетите нации (ФАО).

Над 16 тони храна од животинско и неживотинско потекло била уништена минатиот месец како небезбедна, во рамки на 5.904 контроли, кои во јули годинава ги спровеле инспекторите за храна и официјалните ветеринари при Агенцијата за храна и ветеринарство. Најголемиот дел од небезбедната храна, односно 16.039 килограми, била уништена од самите оператори со храна. 

Првите луѓе на македонската Агенција за храна и ветеринарство и Управата за ветеринарство при Министерството за земјоделство, шумарство и водостопанство на Република Србија, Зоран Атанасов и Емина Милакара, денес го потпишаа Протоколот за контроли во патниот сообраќај на граничниот премин Табановце - Прешево. Станува збор за прв договор од ваков вид во регионот со кој се воспоставуваат заеднички гранични контроли во меѓународниот патен сообраќај меѓу Република Северна Македонија и Република Србија.

До крајот на неделата Агенцијата за храна и ветеринарство на Косово треба да испрати извештај до Агенцијата за храна и ветеринарство на Северна Македонија со анализа на соодветната програма за следење на производите од икра и материјал за порибување од Косово. Министерот за економија Крешник Бектеши денеска на средбата со косовскиот министер за трговија и индустрија Ендрид Шала во Приштина кажа дека откако ќе бидат доставени сите потребни документи од косовската страна тогаш ќе биде  донесена одлука со која што ќе се овозможи увоз на икри и материјал за порибување од Косово.

Фармерите и малите производители ќе можат да ги пласираат своите производи до крајните потрошувачи и нема да зависат од откупувачите, но притоа ќе мора да ги исполнат соодветните хигиенски и безбедносни критериуми пропишани во новиот Правилник за барањата и условите и хигиена за производство и ставање во промет на храна од животинско потекло наменета за директно снабдување, локализирана активност и за примена на традиционалните методи на производство, преработка и дистрибуција на храна со традиционални карактеристики, кој денес, во Стопанска комора на Македонија  го промовираше Агенцијата за храна и ветеринарство.

Набавени се опрема и инструменти за подобра подготвеност и ефикасност во случај на појава на особено опасни заразни болести кај животните и тие се дистрибуирани до официјалните ветеринари. Алертот е дигнат на највисоко ниво и на активниот и на пасивниот мониторинг кој го презема Агенцијата за храна и ветеринарство (АХВ) ” – истакна директорот на АХВ Зоран Атанасов, на денешната обука за официјалните ветеринари, која се одржа на Факултетот за ветеринарна медицина во Скопје.

Согласно член 46, 47, 48 и 49 од Законот за користење и располагање со стварите во државна сопственост и со стварите во општинска сопственост („Службен весник на Република Македонија“ бр.78/15, 106/15, 153/15. 190/16 и 21/18 и Службен весник на Република Северна Македонија бр.101/19), а врз основа на Одлука за продажба на движни ствари, донесена од Владата на Република Северна Македонија, бр. 45-4772/1 од 04.07.2019 година, Комисијата за продажба и давање во закуп на движни ствари на Агенцијата за храна и ветеринарство формирана со Решение бр. 02-2230/3 од 18.07.2019, ја дава следната Објава 01/2019 за прва продажба на движни ствари по пат на електронско јавно наддавање.

Вирусот африканска чума не се пренесува кај човекот, туку само кај свињите, објаснуваат надлежните. Сепак, препорачуваат граѓаните да не внесуваат производи од животинско потекло кога одат на патување во странство и кога се враќаат назад. За дилемите на оваа тема, зборувавме со директорот на Агенцијата за храна и ветеринарство Зоран Атанасов.

Не постои законски дефиниран рок во рамки на една календарска година за спроведување на вакцинацијата против болеста антракс од страна на ветеринарните друштва со кои Агенцијата за храна и ветеринарство има склучено договори за спроведување на Годишната наредба за здравствена заштита на животните.

Селските домаќинства кои одгледуваат свињи за сопствена употреба, да ги заколат или да ги понудат за откуп на месната индустрија ако немаат воведено или ако биосигурносните мерки им се на многу ниско ниво, апелира и денеска Агенцијата за храна и ветеринарство (АХВ) со цел спречување евентуална појава и ширење африканска свинска чума во земјава.

Со цел елиминирање на опасноста и спречување на евентуална појава и ширење на болеста африканска свинска чума во Република Северна Македонија, која во соседна Бугарија и дваесеттина други земји се шири и зема се поголеми размери, од состанокот со Ловечката федерација кој се одржа во Велес, директорот на Агенција за храна и ветеринарство упати апел и до селските домаќинства кои одгледуваат свињи за сопствена употреба, а каде биосигурносните мерки на фармите се на многу ниско ниво или во најголемиот број случаи воопшто ги нема - свињите да ги заколат или да ги понудат за откуп на месната индустрија.