По вонредните засилени контроли кои Агенцијата за храна и ветеринарство (АХВ) ги спроведе во туристичките центри во земјава, покрај редовните контроли, инспекциските служби на АХВ продолжуваат со спроведување на засилени контроли на целата територија на државава. Во моментов во тек е спроведување на вонредни контроли  во угостителските објекти во целата земја

Ефикасно спроведување на системот за контрола на болести кај животните со десет различни активности, зајакнување на капацитетот за безбедност на храната со четири активности, подобрен систем на официјална контрола со четири активности и подобрен систем за собирање на податоци и проценка на ризикот со четири активности

Координирана акција во однос на воспоставување на мерки за  спречување на појава и ширење на болеста Чума кај малите преживари, размена на информации и планирање на активностите преку интерактивно поврзување на сите чинители, почнувајќи од примарните производители, ветеринарните друштва, науката и институциите на системот, се клуч за успешна превенција и заштита од појава на оваа, за овците и козите исклучително опасна заразна болест

Агенцијата за храна и ветеринарство (АХВ) преку ветеринарните друштва, почна со дистрибуција на постери, флаери, брошури и прирачници за подигање на јавната свест во однос на болестите Африканска чума кај свињите, Чвореста кожа кај говедата и болеста Беснило.

Воспоставен е засилен 24 часовен надзор на сите гранични премини, со акцент на премините кон земјите каде е потврдено присуство на болеста Чума кај малите преживари, остварени се средби и координирани се активностите со Министерството за локална самоуправа

Врз основа на член 55 става 3 и 6, точка 2 од Законот за ветеринарно здравство, поради  неповолната епидемиолошка  состојба со болеста Чума кај малите преживари која е потврдена во Република Грција и заради ризикот од проширување на болеста  во земјава, Директорот на Агенција за храна и ветеринарство  донесе Решение за безбедносни мерки во однос на оваа болест. 

Во врска со шпекулациите објавени на социјалните мрежи дека на пазарот се продаваат небезбедни производи, утврдено е дека целокупното увезено количество од производите со посочените серии и рокови на употреба не е пуштено во промет, односно, потенцијално небезбедните производи се наоѓаат во магацинот на увозникот.

Агенцијата за храна и ветеринарство (АХВ) почна итна постапка за повлекување од пазарот на потенцијално небезбедни коцки за супа од Хрватска, поради можно присуство на туѓо тело. Станува збор за говедска коцка за супа на производителот „Подравка“, серија 0507241, со рок  на употреба до 05.07.2025 година и пилешка коцка за супа серија 0307241, со рок до 03.07.2025 година

Целосно усогласување на македонското законодавство со европското со цел непречен увоз на прехранбени производи од  земјите членки на Европската унија и зголемен извоз на прехранбени производи произведени од нашите домашни компании, како основа за развој на македонската економија.

Агенцијата за храна и ветеринарство донесе Решенија за забрана на увоз и транзит на живи животни (домашни и диви овци и кози), производи и нус производи од животинско потекло од регионот Тулчеа/Tulcea во Република Романија и регионот Трикала/Trikala во Република Грција.

Поради утврдени потенцијали ризици од употребата на мускулниот дел од желудникот на живината по здравјето на луѓето, Агенцијата за храна и ветеринарство ( АХВ) донесе решение за забрана за увоз и употреба на пилешки желудник наменети за човечка исхрана, во производство на подготовки и производи од месо.

Инспекциски тимови на Агенцијата за храна и ветеринарство (АХВ) минатата недела (од 16 до 19 јули), спроведоа вонредни заселени контроли во објекти и оператори со храна (хотели, ресторани, времени - кетеринг објекти,месарници и маркети) во туристичките центри  Дојран,Охрид,Струга и Преспа.

Инспекциските служби на Агенција за храна и ветеринарство, денес во Гостивар, спроведоа вонреден инспекциски надзор во пицерија ресторан, по добиена информација од гостиварскиот Центар за јавно здравје дека вчера 9 лица биле пријавени со симптоми за труење со храна.

Комплетирање на дигитализацијата на услугите кои ги дава Агенцијата за храна и ветеринарство (АХВ) кон граѓаните и бизнис заедницата со цел унапредување на економијата на земјава, водејќи грижа за безбедноста на податоците со максимално искористување на современата технологија,  дефинирање кои услуги може полесно и побрзо да се дигитализираат со цел да бидат побрзо достапни до корисниците. Ова се дел од темите за кои на вчерашниот работен состанок дискутираа директорот на Агенција за храна и ветеринарство министерот за дигитална трансформација, Стефан Андоновски  и Оливер Миланов, директор на АХВ.

Во услови на високи надворешни температури Агенцијата за храна и ветеринарство (АХВ) апелира да се води грижа и за домашните животни и милениците. Намалено консумирање на храна, зголемена потреба за вода, намалено производство на млеко и слаб прираст се дел од последиците врз здравјето на животните кои може да ги предизвикаат високите температури.

По добиено  известување од ЈЗУ Центар за јавно здравје Скопје, за сомнеж за можно труење, инспекциските служби на Агенција за храна и ветеринарство во координација и соработка со стручни лица од Центарот за јавно здравје, Институтот за јавно здравје и Државниот здравствен и санитарен инспекторат, вчера, 10.07.2024 година, спроведоа вонреден инспекциски надзор во сендвичарница во скопски Аеродром.

Интензивирање и унапредување на соработката во делот на контрола на храната од животинско и неживотинско потекло и на производите и материјалите кои доаѓаат во контакт со храната при увоз во земјава, во насока на заштита на здравјето на потрошувачите и економските и трговските интереси на операторите со храна, договорија вчера на првата официјална средба директорот на Агенција за храна и ветеринарство Оливер Миланов и првиот човек на Царинска управа, Бобан Николовски.

Инспекциските служби на агенција за храна и ветеринарство (АХВ), во соработка со припадници на Министерството за внатрешни работи (МВР), вчера, 09.07.2024 година, открија и спречија нелегален промет на јагниња, со намера истите да бидат илегално извезени во Република Албанија

Засилени инспекциски контроли најавува директорот на АХВ, Оливер Миланов. Во летниот период зголемен е ризикот од расипливост на храна и труење. АХВ ќе постапува и по спреченото криумчарење на два тона месо од Царинската управa.