Агенцијата за храна и ветеринарство ги засили мерките за надзор и контрола на болеста Африканска свинска чума, по добиената потврда на 31 август годинава, дека оваа болест е присутна во селото Тутраканци во реонот на Варна, во соседна Бугарија. Агенцијата донесе решение за забрана за увоз увоз и транзит на свињи, производи и нус производи од свинско месо од регионот во Бугарија каде е потврдено присуство на болеста, со цел заштита од внесување на вирусот на Африканска свинска чума во нашата земја.

Тригодишното улично куче Изи, вдомено во Скопје, прво доби бесплатен микрочип, со што и официјално почна кампањата на Агенцијата за храна и ветеринарство за идентификација и регистрација на домашните миленици. Микрочипот на Изи денеска му го аплицираше директорот на Агенцијата Зоран Атанасов, кој воедно е и ветеринарен лекар.

На 1 септември почнува кампањата за бесплатна идентификација и регистрација на домашните миленици при што бесплатно ќе се изврши нивно микрочипирање. Кампањата ќе трае до 31 март идната година, односно до целосно искористување на набавената количина од 100 илјади микрочипови. Кампањата ќе се спроведе по принципот „прв дојден, прв услужен“.

Агенцијата за храна и ветеринарство објавува ЈАВЕН ПОВИК БР. 1 /2018 за вршење на активности од јавен интерес од областа на здравствена заштита на животните. Врз основа на член 40 став (8) од Законот за ветеринарно здравство („Службен весник на Република Северна Македонија“ бр. 113/07, 24/11, 136/11,

Поедноставување на процедурите за добивање одобренија за лекови кои се користат во ветеринарството, поевтинување на постапката за одобрување на лековите за ретки болести и ретки животни, како и поголема контрола на употребата на лековите кај животните за да се заштитат луѓето, предвидуваат предложените измените на Законот за ветеринарно медицински препарати подготвени од Агенцијата за храна и ветеринарство. Измените на законот, информира МИА, предвидуваат и воспоставување на национален центар за информирање од каде што ќе можат да се добијат податоци за тоа кој лек на кое животно и во која фарма е користен.

Дефинирање на потребите и предизвиците за зајакнување на интегрираниот надзор и контрола на инфекции со арбовируси, давајќи приоритет на јакнење на регионалните и прекуграничните стратегии и активности се дел од заклучоците од научната конференција на која вчера и денес се одржа во Рим Италија, а на која учествуваше директорот на Агенција за храна и ветеринарство Зоран Атанасов.

До крајот на септември се очекува да биде подготвен текстот на нацрт Правилникот за ставање во промет на мали количини производи од животинско потекло и во географско ограничени услови, кој го подготвува работната група во која учествуваат претставници од Агенцијата за храна и ветеринарство, Факултетот за земјоделски науки и храна и невладината организација Слоу Фуд, информира на работниот состанок кој вчера го одржа директорот на Агенција за храна и ветеринарство Зоран Атанасов и раководни лица од Агенцијата со претставници на невладината организација Национална федерација на фармери.

Агенцијата за храна и ветеринарство ги доби резултатите од суперанализите на соините трошки и соините шницли, кои, на барање на операторот со храна се вршеа во референтна лабораторија во Европската унија. Истите, како што беше констатирано и со првичната лабораториска анализа, потврдија присуство на ГМО.

Агенцијата за храна и ветеринарство (АХВ) во маркети низ Македонија открила мелено месо за ќебапи и плескавици со пилешко кое било декларирано како свинско, говедско или мешано (говедско и свинско).Месото е повлечено од продажба, информира Македонската информативна агенција МИА, а операторите со храна се парично казнети – со по 5.000 евра како правен субјект, односно со по 1.700 евра одговорните лица во компанијата.

Агенцијата за храна и ветеринарство издаде налог и во моментов врши вонредна инспекциска контрола кај операторот со храна производител на леб и бели печива, по објавената фотографија на социјалните мрежи за еден од објектите на операторот, на која се гледа глодар на една од масите каде се послужува храна. Во рамки на законските надлежности, инспекциските служби на Агенцијата вршат проверка дали од страна на овој оператор со храна се почитуваат пропишаните општи и посебни барања за безбедност на храната, вклучително и тоа дали се спроведени мерките за дезинфекција, дезинсекција и дератизација.

Инспекциските служби на Агенцијата за храна и ветеринарство, во ек на туристичката сезона, спроведоа вонредни контроли во хотели, ресторани, пицерии, слаткарници, бурекчилници, пекарници, сендвичарници, ќебапчилници, кафе барови, во маркетите и во други објекти каде се подготвува, послужува или се продава храна во туристичките центри Охрид, Струга и Дојран.

Врз основа на член 10 став (1), (3) и (12) од Законот за заштита и благосостојба на животните (“Службен весник на Република Северна Македонија” бр. 149/14, 149/15 и 53/16) и Правилникот за постапката за именување и разрешување на членовите на Комисијата за заштита и благосостојба на животните, содржината на деловникот за работа на комисијата и висината на надоместокот за работата на комисијата (“Службен весник на Република Северна Македонија” бр.51/18), Агенцијата за храна и ветеринарство на Република Северна Македонија објавува соопштение за покажување на интерес за именување на пет члена од редот на истакнати стручни и научни лица од областа на заштитата и благосостојбата на животните и едно лице претставник на невладините организации заради формирање Комисија за заштита и благосостојба на животните.

Труењето со храна е особено честа појава во летните месеци, бидејќи високите температури придонесуваат за полесно и побрзо развивање на микроорганизмите во храната. Од друга страна пак, луѓето во текот на летото повеќе консумираат ладна и сирова храна како што се: сладоледи, салати, брза храна (сендвичи) и сл.

Kалендарски се наоѓаме на почеток на летото, во период во кој се очекува пораст на температурите над 30 степени Целзиусови, што за секое животно претставува исклучително голем стрес кој може да се манифестира со намалено консумирање на храна, зголемена потреба за вода, намалено производство на млеко и слаб прираст.

Врз основа на законските надлежности и воспоставениот интегриран систем на контрола, Агенцијата за храна и ветеринарство врши постојан надзор над операторите со храна во поглед на исполнување на општите и посебните услови за безбедност на храната и за заштита на правата на потрошувачите.

Кај овците и козите во Македонија не е евидентирана болеста Чума кај малите преживари која беше потврдена на 22 јуни во Бугарија. На терен се спроведува мониторинг и ако се забележат какви било симптоми, ќе се реагира соодветно- изјави за медиумите директорот на Агенцијата за храна и ветеринарство Зоран Атанансов, по промоцијата на резултатите од твининг проектот „Натамошно развивање на контролните системи на надлежните

Зајакнување на пазарната економија и конкурентноста на македонските производи на европскиот пазар, но и гарантирање на заштитата на правата на потрошувачите преку обезбедување на високи стандарди за безбедност на храната, се дел од придобивките постигнати со реализација на активностите од проектот “Понатамошно развивање на контролните системи на надлежните институции за заштита на здравјето на луѓето, животните и растенијата”, чија реализација беше промовирана денес.

Како контакт точка на Системот за брзо предупредување за небезбедна храна и храна за животни на Европската унија, Агенцијата за храна и ветеринарство досега нема добиено нотификација за пласирано небезбедно пилешко месо по потекло од Бразил во Република Северна Македонија.

Од вкупно увезените 14.010.681 килограми пилешко месо од Полска, Хрватска, Словенија, Бразил, Бугарија, Германија, Грција и Србија и други земји, оваа година, заклучно со јуни, од Бразил се увезени вкупно 3.391.011 килограми.

Со цел спречување на внесување, навремено забележување и пријавување на болеста Чума кај мали преживари, која од 22 јуни годинава е потврдена и во соседна Бугарија, а во земјите од регионот присутна е и во Турција, Агенцијата за храна и ветеринарство донесе Решение за забрана за увоз и транзит на живи домашни и диви мали преживари, семе, јајце клетки и емброни од домашни и диви мали преживари, месо од домашни и диви мали праживари, производи и преработки од месо од домашни и диви мали преживари, млеко и производи од млеко од домашни и диви мали преживари, како и нуспроизводи од домашни и диви мали преживари во Република Северна Македонија од Република Бугарија како и мерки за брза реакција и успешно справување при евентуална појава на болеста и кај нас.

Врз основа на член 6 став (1) и (2) од Законот за ветеринарно – медицински препарати (“Службен весник на Република Северна Македонија” бр. 42/10, 136/11, 149/15 и 53/16), Агенцијата за храна и ветеринарство на Република Северна Македонија објави оглас за прибирање понуди за избор на надворешни членови во Комисијата за ветеринарно медицински препарати.