Унапредување на соработката на македонската и бугарската институција за безбедност на храната на полето на безбедноста на храната, здравствената заштита на животните беа дел од темите на денешниот работен состанок директорот на Агенција за храна и ветеринарство Зоран Атанасов и Иваило Стефанов, економски советник во Амбасадата на Република Бугарија во Република Северна Македонија.

Агенцијата за храна и ветеринарство со поддршка од Меѓународната агенција за атомска енергија, денес ја заокружи реализацијата на двонеделната Регионална обука за опциите за управување при справување со радиолошки и нуклеарни кризи во системите за производство на животните. Директорот на Агенцијата Зоран Атанасов, на учесниците им додели сертификати за учество и се заблагодари за активната вклученост во реализацијата на обуката, која ја водеа експерти од Белорусија и Украина, изразувајќи надеж дека стекнатите знаења на обуката, учесниците ќе ги применат во нивните земји.

Со поддршка на Европска комисија за контрола на болеста лигавка и шап (ЕуФМД) при Организацијата за земјоделство и храна на Обединетите нации – ФАО, Агенцијата за храна и ветеринарство денес, во Струмица, успешно ја реализира Симулациската вежба за лигавка и шап.Преку теоретскиот и практичниот дел од вежбата кој се реализираше на краварска фарма, со помош на експерт од ЕуФМД, стручни лица од секторите за инспекциски надзор, за здравствена заштита и благосостојба на животните, официјални ветеринари, претставници од лабораторијата при Факултетот за ветеринарна медицина, од македонската ветеринарна комора и од ветеринарните друштва, извршија тестирање на и зајакнување на воспоставениот систем и мерките за контрола и справување со болеста Лигавка и шап.

>Што е акриламид, како настанува во храната, каква е европската регулатива за воспоставување мерки и која е референтната точка за ублажување на неговото присуството во храната, во кој вид храна најчесто се сретнува, дали постои и која е толерантната доза, што говорат податоците од Системот за брзо предупредување за храна и храна за исхрана на животни на Европската унија? Ова се дел од прашањата на кои се дискутираше денес, на третиот состанок на Националниот совет за безбедност на храна и храна за животни, кој го организираше Агенцијата за храна и ветеринарство.

Во период од 21 до 25 мај 2018 година, директорот на Агенцијата за храна и ветеринарство, г-дин Зоран Атанасов, во улога на делегат и главен ветеринарен службеник, учествува на 86 Генерално Собрание на Светската организација за здравствена заштита на животните (ОИЕ) кое се одржува во Париз, Франција. Основна тема на Генералното собрание на ОИЕ оваа година се новите стандарди кои се воспоставуваат од аспект на мерки за контрола на болести кај животните, вклучително и мерките за контрола на болестите кај животните кои се пренесуваат на луѓето, мерки за обезбедување безбедност при меѓународна трговија со животни и производи од животинско потекло, како и благосостојбата на животните.

ФАО ја зголемува поддршката за македонското земјоделство за 1,5 милиони долари со реализација на 4 проекти за регионална соработка во областа на здравјето на животните и растенијата, намалувањето на загубите и отпадот на храна и за одржливо управување со рибните ресурси. На денешната заедничка прес конференција, министерот за земјоделство,шумарство и водостопанство Љупчо Николовски ја официјализираше соработката потпишувајќи ги четирите проекти.

Во организација на Агенцијата за храна и ветеринарство во соработка со Европска комисија за контрола на болеста лигавка и шап (ЕуФМД) ..

Агенцијата за храна и ветеринарство во соработка со Царинска Управа на Република Северна Македонија организира еднодневна обука од областа на Управување со ризик во рамите на официјалните контроли на раководните структури на Секторот за инспекциски надозр во АХВ, на преставници на Државниот пазарен инспекторат, како дел од обврските кои произлегуваат од имплементација на Дополнителниот протокол 5 на CEFTA договорот.

До крајот на 2020 година, Агенцијата за храна и ветеринарство треба да го заврши процесот на категоризација на одгледувалиштата на молзни крави и унапредувањето на производството и квалитетот на суровото млеко согласно европските стандарди за бројот на микроорганизми и соматски клетки во милилитар сурово млеко.

Почнувајќи од денес во наредниве две недели, Агенцијата за храна и ветеринарство ќе биде домаќин на Регионалната обука за опциите за управување при справување со радиолошки и нуклеарни кризи во системите за производство на животните. На обуката учествуваат четириесеттина претставници од 16 земји меѓу кои од Албанија, Азејбеџан, Бугарија, Грузија, Унгарија, Португалија, соседна Србија, Словенија и други држави.

Согласно законските обврски за континуирана едукација пропишани во Законот за ветеринарно здравство и Законот за безбедност на храната, но и обврските кои произлегуваат од учеството на програмата “Подобра обука за побезбедна храна” под покровителство Европската комисија, во периодот 19 до 22 ноември 2018 година во Струмица, Агенцијата за храна и ветеринарство одржува прва во низата интерни обуки за пренесување на знаењето и искуствата стекнати за време на меѓународни обуки.

Европската агенција за безбедност на храна преку својата мрежа на фокални точки проследи информација за објавен научен извештај “Болест на чвореста кожа: научна и техничка поддршка при спроведување на активности за контрола и надзор на болеста”.

Европската агенција за безбедност на храна во соработка со Европскиот центар за превенција и контрола на болести објавија заеднички извештај со брза проценка во однос на појавата на Listeria monocytogenes тип 8 во повеќе земји на Европската унија, поврзана со консумирање на производи од лосос.

Од 12 до 16 ноември се спроведува кампања за одбележување на Светската недела за подигнување на свеста за употреба на антибиотици (World Antibiotic Awareness Week). Целта на оваа кампања е да се подигне свеста во однос на ризиците по здравјето на луѓето и животните предизвикани од отпорноста кон антибиотици и да се промовираат добрите практики, но ида се ограничи појавата и ширењето на отпорни бактерии на глобално ниво.

Агенцијата за храна и ветеринарство донесе Решение за спроведување на заштитни мерки – попис и идентификација на приемчиви животни на болеста Африканска чума кај свињите, со што ги прошири превентивните мерки за спречување на појава и ширење на оваа болест. Согласно решението, пописот ќе го спроведат ветеринарните друштва кои со Агенцијата имаат потпишано договор за реализација на активности од јавен интерес, почнувајќи од 8 ноември и истиот ќе заврши на 31 декември годинава.

Директорот на Агенција за храна и ветеринарство Зоран Атанасов и триесеттина вработени во Агенцијата, денес со доброволно дарување крв ја потврдија својата хуманост и беа дел од крводарителната акција која се одржа во Агенцијата за храна и ветеринарство. Акцијата се реализира во организација на Црвениот крст на општина Центар и Заводот за трансфузициона медицина.

Под покровителство на Глобалната рамка за прогресивна контрола на прекугранични болести кај животните (GF-TADs), вчера и денес во Охрид, Агенцијата за храна и ветеринарство беше домаќин на Седмиот состанок на Постојана експертска работна група на југоисточна Европа за болеста на Чвореста кожа. На состанокот присуствува високи претставници од Европската комисија, од Генералниот директорат на ЕК за здравје и безбедност на храна, претставници од Светска организација за здравствена заштита на животните, Европска агенција за безбедност на храна, како и високи претставници од Организацијата за земјоделство и храна на Обединетите нации – ФАО, EU FMD, Европската референтна лабораторија, како и претставници од Факултетот за ветеринарна медицина – Скопје, во својство на Национална референтна лабораторија за болеста на Чвореста кожа.

Утре завршува реализацијата на есенската кампања на Агенцијата за храна и ветеринарство за орална вакцинација на лисците против беснило. Акцијата почна на 11 октомври од спортските аеродроми во Скопје и Штип. Во оваа кампања, заклучно со петок, авионски ќе бидат фрлени 500 илјади вакцинални мамки на целата територија на Република Северна Македонија, со исклучок на населените места, водените површини и високите планински врвови. Тринаесеттата вакцинација на лисиците против беснило Агенцијата ја реализира со финансиска поддршка од Европската унија.

На територијата на Република Северна Македонија е детектиран азиски-тигрест комарец. Се врши мапирање на целата територија за да се утврди каде се е проширен овој комарец. Агенцијата спроведува дополнителни програми за евентуално утврдување дали овој комарец има пренесено болести кај животните, информираше на денешната прес-конференција во Владата на РМ, директорот на Агенцијата за храна и ветеринарство Зоран Атанасов, заедно со епидемиологот од Институтот за јавно здравје д-р Жарко Караџовски.

Како контакт точка на Системот за брзо предупредување за храна и храна за исхрана на животни (РАССФ) на Европската унија, Агенцијата за храна и ветеринарство досега нема добиено нотификација за небезбедна пратка сурими ракчиња по потекло од Јапонија. Како одговорна институција за безбедноста на храната ги информираме потрошувачите дека според Системот за евиденција на влез и транзит на пратки од животинско потекло на Агенцијата за храна и ветеринарство, увоз на ваков вид производ од Јапонија не е извршен.