Селските домаќинства кои одгледуваат свињи за сопствена употреба, да ги заколат или да ги понудат за откуп на месната индустрија ако немаат воведено или ако биосигурносните мерки им се на многу ниско ниво, апелира и денеска Агенцијата за храна и ветеринарство (АХВ) со цел спречување евентуална појава и ширење африканска свинска чума во земјава.

Со цел елиминирање на опасноста и спречување на евентуална појава и ширење на болеста африканска свинска чума во Република Северна Македонија, која во соседна Бугарија и дваесеттина други земји се шири и зема се поголеми размери, од состанокот со Ловечката федерација кој се одржа во Велес, директорот на Агенција за храна и ветеринарство упати апел и до селските домаќинства кои одгледуваат свињи за сопствена употреба, а каде биосигурносните мерки на фармите се на многу ниско ниво или во најголемиот број случаи воопшто ги нема - свињите да ги заколат или да ги понудат за откуп на месната индустрија.

Бледа телевизиска сапуница е и денешната прес конференција за членот на Извршниот комитет на ВМРО ДПМНЕ, Цветан Трипуновски, кој во име на неговата партија, ја обвинува Агенцијата за храна и ветеринарство за нереализирање на мерката вакцинација на добитокот против болеста антракс, која неодамна беше детектирана и на одгледувалиште во Кичевско. 

По официјално потврдување на присуство на болеста африканска свинска чума во реоните на Белград и Смедерево, во соседна Србија, заради заштита од внесување на вирусот на африканска чума кај свињите во Република Северна Македонија, денес, Агенцијата за храна и ветеринарство донесе решение за забрана за увоз и транзит на домашни и диви свињи, семе, јајца и ембриони од свињи од оваа земја.

Појавата на антракс не е ништо ново, ниту невообичаено. И досега во земјава болеста била регистрирана. Присутна е тука со децении. Нема потреба да се шири паника и да се сее страв кај граѓаните, а уште помалку да се прави сензација, порача на денешната прес конференција директорот на Агенцијата за храна и ветеринарство, Зоран Атанасов. Тој нагласи дека нов случај на антракс кај животните нема, а нема ни заразени луѓе.

Собирање  на ситни политички поени преку злоупотреба  на народот и непотребно кревање на паника е  денешната прес - конференција на Цветан Трипуновски од Извршниот комитет на ВМРО ДПМНЕ, партија која и овој пат, во недостиг на идеи како да го ,,анимира,, народот, ја манипулира јавноста, непотребно се обидува да влее страв преку лиферување на лажни информации.

Да се најде законско решение за воведување на забрана за чување на свињи на одгледувалишта кои немаат воспоставено соодветни биосигурносни мерки со цел спречување на појава и ширење на болести кај животните, вклучително и на африканската свинска чума, за која алармот за опасност од појава и на институциите и на одгледувачите е дигнат на највисоко ниво.

Иако мерките против африканска свинска чума се на највисоко ниво, не е исклучена можноста од појава на болеста во земјава, заклучија ветеринарите на денешниот координативен состанок. Државата, како што оценија, е максимално подготвена да се справи со ризиците зашто во континуитет постапува согласно меѓународните стандарди и практики.

Новото најавено зголемување на дневните температури, кои според метеоролозите во одредени региони ќе надминат 40 степени Целзиусови, ги зголемуваат ризиците од појава на труење со храна. Високите температури претставуваат потенцијална опасност и за здравјето на животните доколку за нив, навреме не се преземат мерки за обезбедување на доволни количини безбедна храна и вода за пиење.

Вкупно 4536 инспекциски надзори од кои 3389 редовни, 316 контролни и 831 вонредни, спроведоа инспекторите за храна и официјалните ветеринари на Агенцијата за храна и ветеринарство во јуни годинава.

Поради опасност од болеста „африканска чума“, Министерството за земјоделство, шумарство и водостопантсво донесе Решение со кое се одобрува отстрел на дивите свињи во земјава. Како што соопшти на денешната прес конференција министерот за земјоделство, шумарство и водстопанство Трајан Димковски, со оваа превентивна мерка почнува и ловната сезона, 60 дена пред рокот утврден со закон.

Во рамки на активностите за подигнување на нивото на безбедносни мерки со цел спречување на појава и ширење на  заразни болести кај животните, вклучително и на африканската свинска чума која е веќе присутна во соседна Бугарија, во Романија, Унгарија и голем број европски земји, Агенцијата за храна и ветеринарство набави опрема и инструменти  за подобра подготвеност и ефикасност во случај на појава на особено опасни заразни болести кај животните.

Во земјава нема „африканска чума“, ниту кај свињите на комерцијалните фарми, ниту кај популацијата диви свињи, соопшти денес на прес конференција директорот на Агенцијата за храна и ветеринарство (АХВ), Зоран Атанасов.

Инспекциските служби на Агенцијата за храна и ветеринарство (АХВ), од 5 до 11 јули, спроведоа вонредни инспекциски контроли кај операторите со храна во туристичките центри Дојран, Охрид и Струга.

Без последици по здравјето, возрасните лица може да консумираат најмногу два енергетски пијалаци дневно. Ризик по здравјето постои доколку овој, на пазарот релативно нов тип пијалаци, се комбинираат со алкохол, пракса се поприсутна кај младата популација, кој е и најголем консумент на енергетски пијалаци.

Според Светската Здравствена Организација над 30-40% од случаите на заболувања поврзани со храната се јавуваат во домот. Многу истражувања и студии докажаа дека несоодветна манипулација со храната, лоша хигиена и практики во домот го зголемуваат ризикот од инфекции во домаќинствата.

Од задолжена институција со натрупани повеќегодишни финансиски долгови кои до јуни 2017 година достигнаа 498 милиони денари или околу 8,1 милиони евра, кон сточарите, ветеринарните друштва, лабораториите и другите испорачатели на услуги и состојба пред колапс на целокупниот систем за контрола на безбедноста на храната и здравствената заштита на животните, Агенцијата за храна и ветеринарство (АХВ), само за две години, прерасна во финансиски солвентна институција која редовно и навремено ги исплаќа обврските.

Интензивирање и унапредување на соработката  во делот на безбедноста на храната, храната за животни и здравствената заштита на животните, договори на денешниот работен состанок директорот на Агенцијата за храна и ветеринарство Зоран Атанасов со претставници на Агенција за храна и ветеринарство на Република Косово.

На прагот сме на летото кога со порастот на температурите се зголемуваат и потенцијалните ризици од појава на труење со храна. Високите температури се потенцијална опасност и за здравјето на животните доколку за нив, навреме не се преземат мерки за обезбедување на доволни количини храна и вода за пиење.