Мајчиното млеко универзално е прифатено како најсоодветна исхрана за доенчиња и се верува дека е поврзано со други здравствени придобивки за доенчето. Мета-анализи за здравствените придобивки од доењето во развиените земји беа објавени од Холандскиот државен институт за исхрана и здравје и Американската Агенцијата за истражување и квалитет на здравствената заштита, Американското Министерство за здравство и човечки услуги.

Растението Алое се користи како додаток во исхраната во различни видови храна и како состојка во козметички производи. Распространетата човечка изложеност и потенцијалниот токсичен и канцероген ефект предизвикуваат загриженост за безбедноста по човековото здравје.

L-леуцин, L-изолеуцин и L-валин се есенцијални амино киселини со разгранет ланец (BCAA) и се наоѓаат во прехранбени производи кои содржат протеини како млечни производи, месо, јајца, јаткасти плодови, цели зрна, семиња, авокадо и алги.

Ефектот на креатин монохидрат врз вежбите за тренинзи со отпор е опширно истражуван. Постојат бројни контролирани студии кои пријавиле зголемување на перформансите и мускулната сила при вежбите со краткотраен и максимален интензитет.  Значителен број докази упатуваат дека креатинот ги зголемува перформансите при краткотрајни тренинзи при отпор со максимален интензитет. Постојат спротивставени докази во врска со ефектот на суплементацијата на креатин врз анаеробните перформанси.

Спортската исхрана влијае на здравјето и спортските перформанси на спортистите. Спортисти прибегнуваат кон користење суплементи за подобрување на нивните атлетски перформанси. Додатоци во исхраната се наменети за покривање на специфичните нутритивни потреби на физички активните популации кои може да варираат во зависност од интензитетот и времетраењето на вежбањето, спортската дисциплина, сезоната, возраста, физичката состојба и надворешната средина.

Проценката на ризик како дел од анализата на ризик е научно-заснoвана евалуација на познатите или потенцијалните несакани ефекти што резултираат од изложување на луѓето на опасности што потекнуваат од храната. Се состои од четири последователни чекори: идентификација на опасноста, карактеризација на опасноста, проценка на експозиција (диететска експозиција,експозициона статистика, моделирање со софтверски алатки) и карактеризација на ризик. Микробиолошката проценка на ризик се разликува од проценката на ризик од хемиски опасности (токсиколошка проценка на ризик).