Европската агенција за безбедност на храна (ЕФСА) објавува јавен повик за членство во научните панели и научниот комитет. Повикот е отворен до 17 април 2023 година.
Научниот комитет и научните панели на ЕФСА се одговорни за изготвување на научни мислења и совети на ЕФСА и кои служат како поддршка на менаџерите за ризик при донесувањето одлуки и претставуваат солидна основа на европските политики. Научните совети на ЕФСА се резултат на работата на експерти, во соработка со националните и меѓународни партнери, како и преку отворен дијалог со општеството. Тоа придонесува за заштита на здравјето на луѓето, животните и растенијата, како и на животната средина.
Јавниот повик е упатен до научниците кои сакаат да бидат земени предвид за членство или во Научниот комитет (SC) или во еден од десетте (10) научни панели на EFSA, имено: здравствена заштита и благосостојба на животните (AHAW), Биолошки опасности (BIOHAZ), Контаминенти во синџирот на исхрана (CONTAM), Адитиви и производи или супстанци кои се користат во храната за животни (FEEDAP), Генетски модифицирани организми (ГМО), Исхрана, Храна произведена со иновирани технологии и алергени во храна (NDA), Здравје на растенијата (PLH), Производи за заштита на растенија и нивни резидуи ( PPR), Прехранбени адитиви и ароми (FAF), Материјали во контакт со храна, ензими и помошни техничко-технолошки средства (CEP).
Членовите на Научниот комитет и Научните панели на ЕФСА се именуваат со мандат од пет (5) години.
Кандидатите треба да ги исполнуваат следните услови на крајниот датум на поднесување на апликацијата:
- Универзитетско образование во област релевантна за работата на Научниот комитет/панели на ЕФСА;
- Најмалку 7 години релевантно работно искуство;
- Искуство во научна проценка;
- Искуство во ревизија на научна работа;
- Научни публикации/проценки во последните 5 години;
- Познавање на англиски јазик.
Повеќе информации за јавниот повик се достапни на следниот линк: