Директорот на Агенцијата за храна и ветеринарство продолжува со одржување работни состаноци со операторите со храна на кои претставниците од компаниите подетално го запознаваат со своето работење, новините, но и пречките со кои се соочуваат во текот на својата работа. Во таа насока, директорот Атанасов денес оствари средба со менаџерскиот тим на Ука Комерц, фамилијарна компанија која е основана во 1991 година и чија основна дејност е производство и ставање во промет на сувомеснати производи.

Директорот на Агенцијата за храна и ветеринарство, Зоран Атанасов, денес оствари работна средба со првите луѓе на компанијата Пекабеско АД од Скопје, уште една од компаниите чие работење, успех и препознатливост на домашниот и меѓународниот пазар е доказ за професионалната, транспарентна и посветена соработка.

Директорот на Агенцијата за храна и ветеринарство, Зоран Атанасов учествуваше на отворањето на 85 Зелена недела која се одржува од 17 до 26 јануари 2020 година во Берлин, под покровителство на Европската комисија

Агенцијата за храна и ветеринартво преку посветена и транспарентна работа гради партнерски однос со сите засегнати субјекти. Доказ за успешната соработка на Агенцијата со компаниите и засегнатите субјекти се и  меѓународнте успеси. По барање на Агенцијата за храна и ветеринарство, во Јули 2017 година, компанијата МЕТРО беше прва компанија која доби право на извоз во земјите на Европската Унија.

Се зголемува будноста за следење на африканската свинска чума откако вчера се отвори уште едно жариште во Србија, кај Пирот, а пред една недела болеста беше потврдена и во уште четири реони на Бугарија. Во земјава африканска чума нема, но во сила остануваат веќе донесените мерки и забрани, рече на денешната средба со новинарите директорот на Агенцијата за храна и ветеринарство (АХВ), Зоран Атанасов. Тој нагласи дека опасноста не е помината и дека ќе трае повеќе години.

Директорот на Агенцијата за храна и ветеринарство, Зоран Атанасов, оствари средба со претседателот на Ветеринарната комората на Република Северна Македонија, Томислав Николовски, на која се дискутираше за активностите кои треба да се реализираат од страна на ветеринарните друштва оваа година.

Министерот за земјоделство, шумарство и водостопанство Трајан Димковски и првите луѓе на Агенцијата за храна и ветеринарство Зоран Атанасов и Николче Бабовски од Агенцијата за финансиска поддршка во земјоделството и руралниот развој, денес во битолското село Логоварди направија обиколка на објектот каде во карантин се чуваат 159 јуници набавени преку мерката 1.2.1 од Програмата за рурален развој.

По новиот случај на потврдено присуство на болеста африканска свинска чума кај заловена дива свиња во реонот на Благоевград во соседна Бугарија, која од страна на бугарските ветеринарни власти била пријавена во Светската организација за здравствена заштита на животните – ОИЕ на 17 овој месец, со цел спречување на појава и ширење на болеста и во нашата земја, Агенцијата за храна и ветеринарство (АХВ) ги потсетува одгледувачите на свињи, ловните друштва и граѓаните да се почитуваат донесените решија за  спроведување на заштитни мерки кои ги пропиша Агенцијата, бидејќи опасност од појава на болеста се уште постои.

Во близина на прилепското село Славеј денеска беше поставен камен-темелник на земјоделско - сточарскиот комплекс „Голд ленд“, наменет за примарна обработка на земјоделски производи, во чии рамки ќе биде изградена и современа фарма на говеда со годишен капацитет од преку 1.000 грла

Директорот на Агенција за храна и ветеринарство (АХВ) Зоран Атанасов, денес одржа работен состанок со Игор Маниќ, директор на компанијата “Подравка” во Република Северна Македонија. На состанокот Маниќ изрази задоволство од досегашната транспарентна и ефикасна соработка со Агенцијата и иницираше соработка за размена на искуства меѓу бизнис заедницата и администрацијата на полето на примена на најсовремените технологии  во производството на храна и консултација на бизнис секторот при имплементирање на новите европски регулативи од областа на безбедноста на храната и здравствената заштита на животните во националното законодавство.

Агенцијата за храна и ветеринарство се приклучи на денешната еко акција во која државната администрација заедно со граѓанското здружение „Не биди ѓубре“  го чистеше главниот град  Скопје. Вработените од Агенцијата со неколку други државни институции ја чистеше околината на месноста Јурија во скопскта општина Ѓорче Петров.

Да водам сметка за тоа како се хранам, значи да се грижам на сопственото здравје, за самиот себе. За жал, не го правиме тоа, иако информациите се достапни за нас. Во ерата на интернетот, делумни се познавањата на нас младите за храна и исхраната, за тоа како здраво и правилно да се храниме, како на најдобар начин да ги задоволиме дневните потреби од храна. Во ова брзо време на живеење, ваквиот тип на едукација и за нас младите е повеќе од потребна” Ова се дел од размислувањата на учениците од неколку средни училишта кои присуствуваа на промоцијата на брошурите за правилна исхрана, труењата со храна и за тоа како да ја читаме и користиме нутритивната табела на етикетите на прехранбените производи, која се одржа во Агенцијата за храна и ветеринарство.

Секој одговорен сопственик треба да ги микрочипира домашните миленици, а нивното напуштање е казниво со закон. Ова се двете пораки кои од денеска по скопските улици ќе ги пренесува автобусот број „2“ како дел од кампањата за благосостојба на животните што ја спроведува Агенцијата за храна и ветеринарство (АХВ). Автобусот што сообраќа на реалацијата Автокоманда - Сарај е веќе облепен со паролите и така ќе вози низ градот еден месец.

Планот за итни мерки на Агенцијата за храна и ветеринарство (АХВ) за справување со болеста Африканска свинска чума, обезбедува висок степен на заштита и спречување на ширење на болеста, заклучија денес експертите на Организацијата за земјоделство и храна на Обединетите нации – ФАО, по завршувањето на дводневната симулациска вежба која се одржа во Беровско, а на која се проверуваше функционалноста на Планот и координираноста на институциите и протокот на информации за да се одговори брзо и правилно, при евентуална појава на болеста.

Агенцијата за храна и ветеринарство во соработка со Организацијата за земјоделство и храна  на Обединетите Нации – ФАО, утре и задутре во Берово, во рамки на проектот “Африканска чума кај свињите – подготвеност и брзо постапување”, ќе одржи симулациска (практична) вежба за тестирање на системот на подготвеност во справувањето со оваа болест.

Агенцијата за храна и ветеринарство во соработка со Институтот за јавно здравје ја спроведоа четвртата (последна) фаза од истражувањето на навиките во исхраната на деца од 1 до 9 годишна возраст. Проектот се спроведува со поддршка на Европската агенција за безбедност на храна (ЕФСА) и со него беа опфатени вкупно 1080 дечиња

Во услови на максимално подигнати безбедносни мерки за заштита од појава и ширење на вирусот на болеста африканска свинска чума во нашата земја и интензивирање на активностите на колење на свињи во селските домаќинства, Агенцијата за храна и ветеринарство апелира оваа активност да се изврши крајно внимателно, со преземање на сите безбедносни мерки пред, за време, по колењето, конфекционирањето и подготовката на месото.

Петстотини евра казна во денарска противвредност изрече Агенцијата за храна и ветеринарство (АХВ) на неодговорен сопственик кој го напуштил својот миленик – куче, во рамки на зајакнатите инспекциски контроли за справување со неодговорните сопственици на миленици.

Од  18 до 24 ноември се одбележува светската недела на свесност за антибиотските средства (World Antibiotic Awareness Week). Целта на оваа кампања е да се подигне свеста за ризиците по здравјето предизвикани од отпорноста кон антибиотици и да се промовираат добри практики, со цел, ограничување на појавата и ширењето на отпорни микроорганизми низ целиот свет.