Соопштение | Агенција за Храна и Ветерина

Се испитува здравствената состојба на овците во Симница

Официјални ветеринари од Агенцијата за храна и ветеринарство, во соработка со надлежното ветеринарно друштво и стручни лица од Факултетот за ветеринарна медицина вршат контрола на одгледувалиштето за овци во гостиварското село Симница, со цел утврдување на евентуално присуство на заразна болест кај добитокот и евентуалната причина за појава на болест од која две лица починаа, а уште 7 се лекуваат на скопската Клиника за инфективни болести.

Општините да ја почитуваат законската обврска за изградба на прифатилишта за бездомни кучиња

Директорот на Агенција за храна и ветеринарство Зоран Атанасов денес оствари работен состанок со Саша Богдановиќ, директор на ЈП ,,Паркинзи,, на Општина Центар, единица на локална самоуправа заинтересирана за изградба на прифатилиште за бездомни кучиња. Од надлежните од Секторот за здравствена заштита и благосостојба на Агенцијата, побарани беа детали за начинот и постапката за одобрување на прифатилиште за бездомни животни.

Неопходна е размена на информации за заштита на здравјето на потрошувачите

АХВ Надградување на постоечките искуства и подобрување на знаењето за комуникацијата со ризик, во услови кога од ден на ден во европски и во светски рамки се заоструваат критериумите за безбеноста на храната се предизвиците со кои се соочува Агенцијата за храна и ветеринарство како институција одговорна за безбедноста на храната и здравствената заштита и благосостојбата на животните.

Инспекциска контрола во Леар по новиот случај на труење со храна

Инспектори за храна од Агенцијата за храна и ветеринарство во соработка со Санитарната инспекција, во текот на вчерашниот ден направија вонредна инспекциска контрола во фабриката Леар во Тетово, каде 23 лица пријавиле лесни симптоми на труење со храна. Направена е контрола во мензата каде се послужувала храна за вработените при што е констатирано дека истата била дистрибуирана, чувана и послужена во услови на соодветен температурен режим, во оригинално пакување, со адекватен рок на употреба.

Белгиската компанија Приморис заинтересирана за проширување на соработката во Република Северна Македонија

Директорот на Агенција за храна и ветеринарство Зоран Атанасов, денес, одржа работен состанок со претставникот за економија и трговија на Белгиската амбасада и првите луѓе на специјализираната лабораторија за анализи во областа на безбедноста на храната Приморис Белгија. Компанијата го изрази интересот за проширување на нивните активности и во Република Северна Македонија и воспоставување на повисоко ниво на соработка со бизнис операторите од земјава и со Агенцијата за храна и ветеринарство.

АХВ активно вклучена во контролата и на органските производи

Производителите на органска храна да преземат конкретни чекори за поголема конкурентност, првенствено со вложување во современи технологии, зашто државите во регионот интензивно работат на развојот и се далеку пред нас, е пораката од тркалезната маса „Развојни трендови во земјоделскиот сектор во ЦЕФТА-регионот - Основа за поголема конкурентност на пазарот на ЕУ“, што се одржа денеска во Стопанската комора на Македонија, на која учествуваше и директорот на Агенција за храна и ветеринарство (АХВ), Зоран Атанасов.

Првите луѓе на Ветеринарната комора на РМ остварија работна средба со новиот директор на АХВ Зоран Атанасов

Делегација на Ветеринарната комора на Репубалика Македонија ,предводена од претседателот на Ветеринарната комора на РМ д-р Томислав Николовски, на 22 јуни 2017 година остварија прва официјална средба со новоназначениот директор на Агенција за храна и ветеринарство д-р Зоран Атанасов.

Нова опрема и возила за осовременување на работењето на инспекторите на АХВ

Директорот на Агенцијата за храна и ветеринарство Зоран Поповски очекува во наредниот период најмалку двојно да се зголеми ефективноста и ефикасноста во работењето на институцијата.Тоа, како што кажа, го овозможува донацијата од Европската унија во опрема и возила во вредност од околу еден милион евра, чие официјално примопредавање беше извршено денеска.

Агенцијата за храна и ветеринарство стана член на Извршниот комитет на Европската комисија за контрола на болеста Лигавка и шап

Eвропската комисија за контрола на болеста Лигавка и шап (EuFMD) - една од најстарите комисии на Организацијата за храна и земјоделство на Обединетите Нации – ФАО, на 42- та седница на Генералното собрание коja се одржа од 20 до 21 април годинава, по 11 годишно членство на Република Северна Македонија во оваа Комисија, ја избра Агенција за храна и ветеринарство за член на Извршниот комитет на Комисијата за период од наредните две години.

Ќе се интензивира соработката на македонската и Агенцијата за безбедност на храна од БиХ

Интензивирање на започнатата билатерална соработка на пoлето на безбедноста на храната и здравствената заштитита на животните и размена на искуства и работа на реализација на регионалните преиоритети во оваа област, договорија на вчерашниот состанок директорот Зоран Атанасов и заменик директорот на Агенцијата за безбедноста на храна на Босна и Херцеговина Драган Брењо.

Македонските традиционални јадења ќе станат дел од европското мени

Агенцијата за храна и ветеринарство потпиша договор со Европската Агенција за безбедност на храната - ЕФСА за реализација на проект за спроведување на истражувања на навиките во исхраната на деца од 1 до 9 годишна возраст, кој ќе го реализира во соработка со Институтот за јавно здравје. Истражувањата ќе се спроведат согласно европската методологија за ваков вид истражувања.

Република Северна Македонија доби дозвола од ЕУ и за извоз на говедско месо

Македонија и официјално е ставена на листата земји кои може да извезуваат свежо (разладено или замрзнато) говедско месо и преработки од говедско месо во Европската унија, соопшти денеска директорот на Агенцијата за храна и ветеринарство Зоран Поповски.

ЕФСА: Брза проценка на жаришта на Salmonella Agona во формулата за новороденчиња

Европската агенција за безбедност на храна (EFSA) преку својата мрежа на фокални точки проследи информација дека во соработка со Европскиот центар за превенција и контрола на болести (ECDC) имаат изработено заедничка брза проценка на појава на жаришта на Salmonella Agona поврзана со формула за новороденчиња во повеќе земји.

Детални информации и нацрт текстот на документот се достапни на следниот линк:

ЕФСА|: Дебата и за слободните шеќери

Европската агенција за безбедност на храна (EFSA) преку својата мрежа на национални координари проследи информација за отпочнување на јавна консултација во однос на нацрт протокол за научно мислење за слободни шеќери од сите диететски извори.

Промовиран нов твининг проект за подобра контрола на храната и болестите кај растенијата и животните

Јакнење на пазарната економија и подобрување на конкурентноста на македонските земјоделско-прехранбени производи на пазарите на ЕУ преку ефикасна, гарантирана заштита на потрошувачите и стандардите за безбедност на храната, е целта на новиот твининг проект што во наредните 17 месеци ќе го спроведува Агенцијата за храна и ветеринарство (АХВ) со финансиска поддршка на ЕУ.

АХВ, прва државна институција ресертифицирана по стандардот ISO 9001:2015

Агенцијата за храна и ветеринарство е прва државна институција ресертифицирана по стандардот ISO 9001:2015 за управување со квалитет, што претставува значаен меѓународен сертификат за управување со квалитетот во организацијата. Аудитори од сертификациското тело МКС, дел од меѓународната групација Quality Austria, на 12 и 13 февруари, по спроведената проверка за усогласеност со барањата на ISO 9001:2015 стандардот за управување со квалитет дадоа позитивна оценка за сработеното и го ресертифицираа Системот за квалитет на Агенцијата за храна и ветеринарство.

Нема небезбедни производи на Лакталис на македонскиот пазар

Како контакт точка за Системот за брзо предупредување за храна и храна за животни (Rapid Alert System for Food and Feed) на Европската Унија, Агенцијата за храна и ветеринарство досега нема добиено нотификација дека на македонскиот пазар се пласирани небезбедни количини млеко и над 600 млечни производи на компанијата „Лакталис“ за кои Француската влада соопштила дека се повлекуваат од продажба поради стравување дека постои опасност тие да се заразени со салмонела.

Мобилната апликација Органски пат претставена и пред АХВ

Заменик директорот на Агенцијата за храна и ветеринарство Фирус Мемед и претставници од Одделението за заштита на потрошувачите, денес одржаа работен состанок со првите луѓе на Организацијата на потрошувачи на Македонија, здружението на агроновинари на Република Северна Македонија Медиа плус и Асоцијацијата за развојни иницијативи – Зенит. Претставниците на невладиниот сектор го образложија проектот „Преминете на органско – потрошувачите во центарот на земјоделската политика“, што е финансиран од Европската унија, кој заедно го реализираат трите невладини организации.

ФАО им помага на ветеринарите на Балканот, во Источна Европа да се борат против болестите кај говедата

Теренски прирачник на ФАО за ветеринари за болеста Чвореста кожа е сега достапен на шест јазици да помогне во превенирање и контрола на оваа болест кај говедата која зема замав во Европа од 2015 година. Ова е надополнување на неодамна спроведената обука за обучувачи во Македонија со помош на ФАО, за болеста која исто така ги напаѓа преживарите - Син јазик.

Министрите за земјоделство ја поддржаа посветеноста на Светската организација за здравствена заштита на животните да ја обликуваат иднината на сточарството

На 20 јануари 2018 година во Берлин, Германија се одржа десеттиот Глобален форум за храна и земјоделство на кој учествуваше и г-дин Љупчо Николовски, Министер за земјоделство, шумарство и водостопанство. На Глобалниот форум учествуваат вкупно 69-те делегации на министри кои до генералниот директор на Светската организација за здравствена заштита на животните (ОИЕ) и Организацијата за храна и земјоделство (ФАО) доставија документ со предлози за преземање активности во насока на дефинирање иднината на поодржливо, одговорно и ефикасно сточарско производство.

Subscribe to Соопштение