Производи со поминат рок, артикли на чии декларации не пишува од каде потекнува и што содржи производот се само дел од недостатоците на македонскиот пазар. За првите пет месеци од годинава Агенцијата за храна и ветеринарството уништила речиси 70 тони храна која била небезбедна за потрошувачите.

Агенцијата за храна и ветеринарство, утре ќе се приклучи на глобалната кампања за одбележување на 7 јуни  -  Светски ден на безбедна храна, кој во 2019 година за прв пат беше востановен од Организацијата за земјоделство и храна на Обединетите Нации - ФАО.

Вебинар во организација на ФАО и СЗО на тема Безбедност на храна во контекст на одржливи системи за храна: „Moving Forward for a Healthy Tomorrow in Europe and Central Asia“

Во 2020 година, резолуцијата со наслов „Зајакнување на напорите за безбедност на храната“(Strengthening efforts on food safety) беше усвоена од 73то Светско собрание за здравство (73rd World Health Assembly). 

Агенцијата за храна и ветеринарство (АХВ) денес ги доби резултатите од лабораториските испитувања на земените мостри храна (јајца, мајонез и пилешки гради) од кујната на детската градинка Ангел Шајче од Куманово, каде пред неколку дена беше пријавен сомнеж за труење со храна

Министерот за земјоделство, шумарство и водостопанство Арјанит Хоџа, директорот на Агенцијата за храна и ветеринарство Николче Бабовски и градоначалничката на општина Битола, Наташа Петровска, денес ги посетија реновираните простории на подрачните единици на Министерството и Агенцијата и Градскиот пазар во Битола каде финишира реконструкцијата.

Во пресрет на велигденските празници и зголемената побарувачка на јајца, бои за јајца, месо и други прехранбени производи, инспекциските служби на Агенцијата за храна и ветеринарство (АХВ) спроведуваат засилени контроли во производството и прометот.

Заради елиминирање на ризикот од појава и ширење на болеста африканска чума кај свињите во земјава, имајќи ја во предвид епизотиолошката соостојба со болеста во регионот каде е потврдено нејзиното присуство, Агенцијата за храна и ветеринарство (АХВ) донесе Решение со сет на мерки кои треба да ги применуваат одгледувачите на свињи во држава за да се заштитат. 

Во рамки на проектот Подобрување на спроведувањето на законодавството за здравствена заштита на животните, безбедноста на храна и фитосанитарното законодавство и соодветните информативни системиКОЈ Агенцијата за храна и ветеринарство го реализира со поддршка од Европската унија, на 8, 12 и 14 април реализирани беа обуки на тема официјални контроли за нус производи од животинско потекло (НПЖП).

Гаранција за координираност и соработка на институциите на полето на спречување на измамите со храна во рамки на официјалните контроли, е клучна за фукционирање на системот, кој покрај заштитата на здравјето на потрошувачите треба да обезбеди и заштита на нивните права.

Агенцијата за  храна и ветеринарство го ресертифицираше Системот за квалитет и од страна на Quаlity Austria по трет пат го доби сертификатот за управување со квалитет согласно барањата на стандардот ISO 9001:2015.

Агенцијата за аудио и аудиовизуелни медиумски услуги и Агенцијата за храна и ветеринарство денеска потпишаа Меморандум за соработка, во врска со рекламирање, телешопинг, пласирање производи и спонзорство за храна и додатоци во исхрана во програмите на радијата и телевизиите, особено во поглед на здравствените и нутритивни тврдења, за тврдењата за намалување на ризикот од болест и за измамите поврзани со храна.

Владата на Република Северна Македонија ја донесе Стратегијата за безбедност на храната и храната за животни за периодот 2021-2025, документ кој го подготви Агенцијата за храна и ветеринарство. Во него се отцртани правците на развој на националниот систем за безбедност на храна во наредниот петгодишен период, со основна цел овозможување на соодветно и навремено ефективно справување со сите предизвици од областа на безбедноста на храната и храната за животни. 

Инспекциските служби на Агенцијата за храна и ветеринарство продолжуваат со спроведување на вонредни контроли во магацините на сите увозници на сусам, по добиените нотификации од Системот за брзо предупредување за храна и храна за животни на Европската Унија - (Rapid Alert System for Food and Feed), дека ваков небезбеден производ по потекло од Индија е увезен и во земјава.

Агенцијата за храна и ветеринарство објавува ЈАВЕН ПОВИК БР. 1 /2021 за вршење на активности од јавен интерес од областа на здравствена заштита на животните

Во рамки на засилените контроли во трговијата со млечни производи, инспекциските служби на Агенцијата за храна и ветеринарство на пазарот најдоа нови количини небезбеден путер, деклариран како Битолски путер Гурман (Bitolski Puter Gurman), во пакување од 0,5 до 1 килограм. Станува збор за производ произведен и пакуван во објект кој не е одобрен од Агенција за храна и ветеринарство, без надзор и инспекциска контрола и без идентификациска ознака.

Денес на депонијата Дрисла уништени беа 4.325 килограми небезбеден путер со изминат рок кој го увезла млекарницата Евро Млекара ДООЕЛ Скопје. Како што истакна во изјава за медиумите директорот на Агенцијата за храна и ветеринарство (АХВ) Николче Бабовски, станува збор за количина која во рамки на двонеделната инспекцика контрола беше запленета од страна на официјален ветеринар на АХВ, како дел од 20 тонски увоз на путер од страна на компанијата, за која со контролите е утврдено дека манипулирала со документацијата за увоз и за складирање на производот, со рокот на употреба, која  путерот го чувала во неодобрени објекти – ладилници за складирање на храна од животинско потекло.

Агенцијата за храна и ветеринарство изминативе две недели спроведе акција за контрола на млечни производи од увоз во млекарницата „Евро Млекара ДООЕЛ“, Скопје. Во неколку последователни контроли во млекарницата и кај дел од нејзините дистрибутери, повлечени се вкупно 4.325 килограми увозен путер, за кој е утврдено дека е со изминат рок до 2019 година. Производот е повлечен бидејќи е утврдено дека рокот на декларацијата на производот (13.02.2021 година) не соодвествува со увознатна документација за производот, според која, рокот на употреба бил до 2019 година.

Продолжување и унапредување на десетгодишната соработката на полето на безбедноста на храната и здравствената заштита на животните, развој на трговијата со стоки и услуги и размена на експертски мислења и искуства, договорија на денешната прва работна средба, Николче Бабовски, директор на Агенција за храна и ветеринарство и Хенрик Маркуш, амбасадор на Словачката Република во Република Северна Македонија.

Во координација со Министерството за внатрешни работи, вчера, во Струмица,  инспекциски служби на Агенцијата за храна и ветеринарство (АХВ) спроведоа акција за спречување на продажба на храна од животинско протекло без соодветна документација, надвор од зелените пазари, во нехигиенски услови и без воспоставен термички режим за нејзино чување.