Паушални и непроверени се наводите за потребата од поголема контрола на безбедноста на храната од страна на државните институции, особено во услови на пандемија со Ковид 19. Построгите контроли за кои како потреба алармирале експертите на неодамна одржаната меѓународна конференција за квалитет и безбедност на храна во Охрид, треба да знаат дека тие одамна се спроведуваат и се дел од секојдневните активности на Агенцијата за храна и ветеринарство и подеднакво се однесуваат на домашното производство и прометот и на храната која се увезува во земјава.

Организацијата за земјоделство и храна на Обединетите Нации – ФАО објавува оглас за ангажирање на Национален финансиски експерт за проектот на ФАО и Агенцијата за храна и ветеринарство “Зајакнување на националната Кодекс структура во Северна Македонија“.

Огласот е активен од денес - 27 август 2020 година, а крајниот рок за аплицирање е на 6 септември 2020 година.

Огласот е објавен и на официјалната интернет страница на Обединетите нации во Република Северна Македонија: https://un.mk/vacancies/. 

Агенцијата за храна ветеринарство во соработка со Организацијата на  потрошувачи, во рамки на Програмата за заштита на потрошувачи за 2020 година изработи Прирачник за оператори со храна во предучилишни установи.

Во рамки на напорите за рано откривање и реагирање на болестa африканска свинска чума, Организацијата за земјоделство и храна на Обединетите Нации – ФАО, заедно со проектниот тим MammalNet, додадоа нови функции во бесплатната мобилна апликација iMammalia, со цел навремено известување за пронајдени трупови на диви свињи низ Балканот и пошироко. Апликацијата, која веќе се користи во Европа, првично беше дизајнирана за лесно снимање и евидентирање на присуството на цицачи. 

На 10 и 11 август се одржа дводневна работилница каде беше презентиран и разгледуван нацрт Законот за вршење на официјални контроли.

Агенцијата за храна и ветеринарство најостро го осудува обидот за манипулирање на јавноста и пласирање на невистини дека стационарот за бездомни кучиња во Охрид, се уште чека дозвола за работа од Агенцијата за храна и ветеринарство, вест која вчера, беше објавена на медиумот Супер радио на порталите OhridPress и Inpress.

Инспекциските служби на Агенцијата за храна и ветеринарство беа дел од големата акција ОПСОН 9 на ИНТЕРПОЛ и Еуропол, во која Република Северна Македонија, учествуваше заедно со уште 82 држави и во која акцент беше ставен на трговијата со фалсификувана и неквалитетна храна и пијалаци. Акцијата се реализира во временски период од декември 2019 до јуни 2020 година.

Во пресрет на големиот муслимански празник Курбан Бајрам, како одговорна институција за безбедноста на храната и здравствената заштита и благосостојбата на животните, Агенцијата за храна и ветеринарство апелира до граѓаните да не купуваат добиток од дивите пазари, каде нема гаранција за здравствената состојба на животните, со што во прашање се доведува здравјето на купувачите, а во услови на потврдено присуство на болеста син јазик кај овци и кози и во прашање се доведува и здравствената заштита на оваа категорија животни. 

Африканската чума кај свињите (АЧС) е инфективна  болест на домашните и дивите свињи. Во последните неколку години драстично се зголеми бројот на земји кои се зафатени со оваа болест. Како резултат на утврдениот зголемен глобален ризик за сите земји и значајното влијание на болеста врз здравјето и благосостојбата на животните, безбедноста на храната, националните и глобалните економии, руралниот развој и социјалното и политичкото однесување, на 87-та генерално собрание на Светско собрание на делегати на Светската организација за здравствена заштита на животните (ОИЕ) беше започната иницијатива за глобална контрола на АЧС.

Новонастанатата ситуација која ја наметна светската пандемија со корона вирусот и која и кај Агенцијата за храна и ветеринарство (АХВ) од март годинава наложи функционирање по нови правила, во нови услови, не е се одрази негативно на работењето и реализацијата на програмите за безбедност на храната и здравствената заштита и благосостојбата на животните на Агенцијата.

Најавата на метеоролозите за зголемување на температурите, го подигна алармот за заштита на луѓето од можно труење со храна. Високите температури претставуваат голем стрес за животните поради кои тие може да јадат помалку храна, имаат зголемена потреба за вода, а можно е и намалување на производството на млеко и слаб прираст. Како одговорна институција за безбедноста на храната и здравствената заштита на животните, Агенцијата за храна и ветеринарство ги потсетува граѓаните и сточарите за нужноста од  преземање сет мерки за консумирање на безбедна храна и за заштита на животните и домашните миленици од високите температури. 

Во завршна фаза на реализација се активностите на Агенцијата за храна и ветеринарство (АХВ) за категоризација на одгледувалиштата на свињи кои имаат минимум една единка, со цел утврдување на степенот на ризик.

По пријава од надлежно ветеринарно друштво (08.07.2020 година), за сомнеж на болеста Син јазик кај овци и кози на територија на општините Македонски Брод и Кичево, Агенцијата за храна и ветеринарство (АХВ) спроведе епидемиолошко испитување во овие региони.

Претставници од Агенцијата за храна и ветеринарство и официјални ветеринари се дел од педесеттина учесници од земјава на онлајн обуката која почнувајќи од 1 јули ќе се реализира во наредните 6 недели.

Агенцијата за храна ветеринарство во соработка со  Организацијата на  потрошувачи, во рамки на Програмата за заштита на потрошувачи за 2020 година, изработи прирачници наменети за операторите кои приготвуваат храна за градинките и основните  училишта.

Директорот на Агенција за храна и ветеринарство Зоран Атанасов, денес во рамки на теренските активности, посети три компании од земјоделско прехранбениот сектор од кавадаречкиот регион – мелничко пекарската индустрија „Жито Југ“, компанијата „Слога пром”, која се занимава со увоз и дистрибуција на месо и храна од неживотионско потекло и месната индустрија „Дироко”.

Агенцијата за храна и ветеринарство  презема активности за унапредување на системот за навремена идентификација и одговор на појавата на зоонози, зоонотски агенси и изворите на инфекции и за воспоставување на систем за побрз проток на информации за нив, меѓу институциите на системот и бизнис секторот.

Директорот на Агенција за храна и ветеринарство Зоран Атанасов, денес ја посети свињарската фарма “Вини фарм” од виничкото село Пеклане.

Грубо пласирана и непроверена лажна вест за стотици затруени во скопска сендвичарница, е денешната изјава на дополнителниот заменик министер за земјоделство, шумарство и водостопанство Цветан Трипуновски, со која, по кој знае  кој пат, неаргументирано ја напаѓа за негрижа за јавното здравје работата на  Агенцијата за храна и ветеринарство.

Директорот на Агенција за храна и ветеринарство Зоран Атанасов, денес, со претставници од компанијата, го посети преработувачкиот капацитет на месната индустрија “Челопек” од тетовското село Челопек