Соопштение

Демант: Oвошјето и зеленчукот во РМ се безбедни

Како одговорна институција за безбедноста на храната и здравствената заштита на животните, Агенцијата за храна и ветеринарство најостро го демантира објавениот напис на интернет порталот news24.mk - “Намирници полни со пестициди на македонските пазари:листа со 12 најотровни” со кој свесно, без аргументи се дезинформира македонската јавност дека овошјето и зеленчукот кој се продава во Република Северна Македонија е небезбедно и полно со пестициди.

Oдземена лиценцата за извоз на месо на бразилската компанија Seara Alimentos LTDA

Агенцијата за храна и ветеринарство ги известува операторите со храна дека преку Министреството за надворешни работи на Република Северна Македонија, добиено е известување од дипломатско конзуларното претставништво на Федерална Република Бразил во Софија, Република Бугарија, дека на компанијата Seara Alimentos LTDA, која извезува месо и во Република Северна Македонија и е одземена лицернцата за извоз.

АХВ го подигна нивото на внимателност по појавата на птичји грип во Европа и соседството

Бидејќи станува збор за болест која има специфичен начин на ширење, односно најчесто се шири преку птиците преселници кои се сметаат за нејзин резервоар, до одгледувачите на живина и до ветеринарните друштва дадени се насоки кои биосигурносни мерки треба да се преземат на фармите и какви мерки за заштита треба да преземат категориите на лица кои се изложени на ризик, бидејќи станува збор за болест од која првенствено заболуваат птиците, но и луѓето.

Апел до одгледувачите на животни од поплавените региони

Сопствениците на животни да го пријават секое угинато или исчезнато грло на матичниот ветеринар од надлежното ветеринарно друштво со кое имаат склучено договор или до Агенцијата за храна и ветеринарство. Сами да не вршат подигање и отстранување на мршите бидејќи истите се потенцијален извор за појава и ширење на зарази.

Во ек акција за отстранување и закопување на угинатиот добиток во поплавените региони

Стручни тимови од Агенцијата за храна и ветеринарство во соработка со Министерството за земјоделство,шумарство и водостопанство и ветеринарните друштва, со цел превенција и спречување на појава на заразни болести во поплавените подрачја во скопскиот и тетовскиот регион, по поплавите, активно работат на отстранување и закопување на угинатите животни.

Препораки до населението во поплавените региони

За време на поплавите постојано да се следат информациите за водоснабдувањето и безбедноста на водата за пиење преку локалните и националните телевизии, радиjа и преку интернет порталите.

Во Брисел одржан првиот регионален состанок на Европската експертска група за справување со болеста јазлеста кожа

Македонија добро се справува со болеста Јазлеста кожа, рече директорот на Агенцијата за храна и ветеринарство Зоран Поповски за ТВ Канал 5 по првиот регионален состанок на Европската експертска група за справување со меѓугранични болести кај животните, организиран од страна на Светската здравствена организација, поддржана од Европската комисија кој во понеделникот и вторникот се одржа во Брисел. Состанокот беше посветен на регионалниот проблем за справување со болеста јазлеста кожа и на него беа присутни сите балкански земји.

Пристигнаа 250.000 вакцини против болеста Чвореста кожа

Агенцијата за храна и ветеринарство ја информира јавноста дека 250 илјади дози од вакцината за превенција од болеста Чвореста Кожа кај говедата денеска пристигна во Република Северна Македонија.

Извршени превентивни контроли и едукативни посети на операторите со храна во поплавените подрачја

Инспекциските служби на Агенцијата за храна и ветеринарство се постојано на терен во поплавените региони. Покрај извлекувањето на домашните животни, донирањето на сточна храна за истите, извршени се и превентивни контроли, едукативни посети на на операторите со храна кои претрпеа штети од невремето и чии објекти беа поплавени на кои е укажано како да се изврши чистење и дезинфекција на објектите пред да се почне повторно со работа.

АХВ подготви Упатство за сточарите за преземање на биосигурносни мерки за заштита од ширење на болеста Чвореста кожа кај говедата

Агенцијата за храна и ветеринарство подготви Упатство за примена на биосигурносни мерки на одгледувалиште, заштита на животните од убоди од инсекти и безбедно користење на ѓубриво од животинско потекло, со цел да се спречи ширењето на болеста Чвореста кожа кај говедата која се појави и во Република Северна Македонија.

Регистриран прв случај на болеста „чвореста кожа кај говедата“, нема опасност по здравјето на луѓето

Регистриран е прв случај на болеста „чвореста кожа“ кај говедата во Република Северна Македонија, информира денеска на прес конференција директорот на Агенцијата за храна и ветеринарство м – р Зоран Поповски. Станува збор за прв, лабораториски потврден случај на заболено животно во Демир Капија, од кои се земени мостри кои се и анализирани во Бугарија.

АХВ подготви флаер за запознавање со симптомите и превенцијата на заболувањето Болест на чвореста кожа

Со цел информирање на јавноста и запознавање на сточарите за тоа какво заболувње претставува Болеста на чвореста кожа, што ја предизвикува оваа болест, кои животни се приемчиви, каде е распространета, како се пренесува, кои се нејзините клинички и знаци, дали и колку е опасна за здравјето на луѓето и за други прашања кои се однесуваат на ова заболување, Агенцијата за храна и ветреринарство подготви информативно - едукативен флаер со цел полесно препознавање на симптомите на Болеста на чвореста кожа и навремено преземање на потребните меерки за превенција и заштита.

ЕУ даде дозвола за извоз на конзумни јајца од Македонија

Европската унија ја стави Република Северна Македонија на листата на трети земји одобрени за извоз на конзумни јајца на пазарите во Унија. Од страна на Европската комисија одлуката е донесена во почетокот на годинава, кога е одобрен и планот на Република Северна Македонија за контрола на Салмонела кај кокошките несилки.

Успешно заокружен проект '' Градење на капацитетите на надлежните институции за безбедност на храната, ветеринарната и фитосанитарната политика ''

Современо водење и управување на службите за безбедност на храната, ветеринарната и фитосанитарната политика, како и изготвување на голем број имплементивни документи, прирачници и контролни листови за подобрување и унифицирање на работата на инспекциските служби се дел од спроведените активности од проектот „Јакнење на институционалните капацитети за безбедност на храната и фитосанитарната политика“.

Сопствениците на зајаци, глувци и глодари да пријават сомнеж за туларемија кај надлежниот ветеринар

Првите симптоми кај луѓето кои вообичаено настапуваат за 3 – 5 дена се ненадејна треска и грозница, отечени и болни жлезди, главоболка, повраќање и дијареа, болки во мускулите и зглобовите, сува кашлица, малаксаност. Може да се јават и рани по кожата и устата, воспалено грло, отеченост и болка на очите или на жлездите на вратот како и под пазувните жлезди.

АХВ подготви едукативни постери за да спречи диво и незаконско тргување и колење на добиток

Агенцијата за храна и ветеринарство подготви и испечати информативни двојазични постери (македонско-албански и македонско- турски јазик), наменети за одгледувачите на добиток и за граѓаните, кои во пресрет на муслиманскиот празник Курбан Бајрам планираат да продаваат или да купат добиток.

Мигрантите добиваат безбедна хуманитарна помош во храна

Агенцијата за храна и ветеринарство е во постојана, секојдневна комуникација и координација со Центарот за управување со кризи и ресорните министерства за здравство, за внатрешни и надворешни работи, со Царинската управа на Македонија и другите надлежни институции, како и со невладините организации вклучени во давање помош и делење на хуманитарна помош во храна за мигрантите.

Презентирани првичните оценки од контролите на Федералната служба за ветеринарен и фитосанитарен надзор на Руската Федерација

Еден од приоритетите на државата е максимално искористување на капацитетите и воспоставување на фарми со доволен број добиток со цел да се обезбедат потребите на месната и млечната индустрија кои ќе ги исполнат условите за извоз на рускиот пазар. Обезбедувањето домашна суровина за месната индустрија, ќе се развива етапно, со цел да се задоволат потребите на домашниот пазар и да се произведат доволни количини и за извоз – потенцира тој.

Промовиран нов твининг проект за институционално зајакнување на капацитетите за безбедност на храна, ветеринарината и фитосанитарната политика

Ова се дел од целите кои треба да се постигнат со Твининг проектот „Институционално зајакнување на капацитетите на надлежните служби за спроведување на законодавството на ЕУ од областа на безбедноста на храна, ветеринарната и фитосанитарната политика“.

АХВ за сточарите испечати информативни летоци за превенција на болеста Син јазик

Одгледувачите на животни за совет треба да се обратат кај ветеринар од надлежното ветеринарно друштво, а се препорачува и редовно следење на известувањата од Агенцијата за храна и ветеринарство.

Subscribe to Соопштение

Агенција за храна и ветеринарство