Категоризација на нус производите од животинско потекло (НПЖП)

Нус производите од животинско потекло (НПЖП) се поделени во три категории, врз основа на ризиците што ги претставуваат.

Категорија 1 материјали

НПЖП од Категорија 1 материјали се класифицираат како материјали со највисок ризик.
Тие вклучуваат:

• трупови и сите делови од телото на животни за кои постои сомневање дека се заразени со ТСЕ (трансмисивна спонгиформна енцефалопатија);
• трупови на диви животни за кои постои сомневање дека се заразени со болест што може да се пренесе на луѓето или животните;
• трупови на животни кои се користат во експериментите;
• делови од животни кои се контаминирани поради недозволени третмани;
• меѓународен угостителски отпад;
• трупови и делови од телото од животните од зоолошки градини и циркуски животни или домашни миленици;
• специфичен ризичен материјал (делови од телото кои претставуваат посебен ризик од болести, на пример ’рбетен мозок);

Категорија 2 материјали

НПЖП од Категоријата 2 материјали се класифицирани како материјали со висок ризик.
Тие вклучуваат:

• трупови од животни отфрлени од кланици заради заразни болести;
• трупови кои содржат резидуи од одобрени третмани;
• неизведена живина која умрела во нејзината лушпа;
• трупови на животни убиени заради контрола на болести;
• трупови на мртви животни;
• ѓубриво;
• содржина на дигестивниот тракт.

Категорија 3 материјали

НПЖП од Категоријата 3 материјали се класифицирани како материјали со низок ризик.
Тие вклучуваат:

• трупови или делови од тело погодни за исхрана на луѓе, добиени во кланица;
• производи или храна од животинско потекло првично наменети за исхрана на луѓе, но повлечени од комерцијални причини, а не поради тоа што не се погодни за исхрана на луѓето;
• домашен угостителски отпад;
• меко ткиво од школките;
• јајца и нус-производи од јајца, нус-производи од инкубаторски центри и лушпи од јајца;
• водни животни, водни и копнени без 'рбетници;
• кожи од кланици;
• кожи, копита, пердуви, волна, рогови и влакна кои немаат знаци на заразна болест при смртта;
• преработени животински протеини (ПАП).

Преработените животински протеини (ПАП) се животински протеини преработени од било која Категорија 3 материјали, освен:

• млеко, колострум или производи добиени од нив;
• јајца и нус-производи од јајца, нус-производи од инкубаторските центри и лушпи од јајца;
• желатин;
• колаген;
• хидролизирани протеини;
• дикалциум фосфат и трикалциум фосфат од животинско потекло.
• производи од крв. 

Законодавство:

Листа на категоризирани нус-производи од животинско потекло [врска]
Решение за определување на одредени нус-производи од животинско потекло како специфичен ризичен материјал од аспект на трансмисивните спонгиоформни енцефалопатии [врска]