Codex Alimentarius | Агенција за Храна и Ветерина

Доколку најдете угината дива свиња ве молиме да пријавите на
0800 00 210
Следува награда од 2500 денари

Codex Alimentarius е збир на меѓународно признаени стандарди, правила на постапување, насоки и други препораки поврзани со храната, производството на храна и безбедност на храната со цел заштита на потрошувачите.

Овие стандарди се развиваат и одржуваат од страна на Комисијата на Кодекс Алиментариус (Codex Alimentarius Commission), тело основано во ноември 1961 година од страна на ФАО (Организацијата за храна и земјоделство на Обединетите нации). Кон овој проект подоцна се приклучи и Светската здравствена организација (СЗО).

Главните цели на Комисијата на Кодекс Алиментариус се заштита на потрошувачите, како и обезбедување фер практики во меѓународната трговија со храна.

Codex Alimentarius е признаен од страна на Светска трговска организација (СТО) како меѓународна референтна точка за решавање спорови кои се однесуваат на безбедност на храната и заштитата на потрошувачите. Освен стандардите за одредени видови храни, Codex Alimentarius содржи општи стандарди кои ги опфаќаат прашањата како означување на храна, хигиена на храна, додатоци во исхрана, резидуи од пестициди, итн.

Во исто време, Codex Alimentarius содржи и насоки за увоз и извоз, како и инспекција и сертификација на системите за храна.

Агенцијата за храна и ветеринарство, како контакт точка за Codex Alimentarius аплицираше на отворениот повик за поддршка од FAO/WHO Codex Trust Fund (Round 2). Апликацијата беше верификувана од повеќе институции вклучени во Codex Alimentarius од областа на безбедност на храната, помеѓу кои и Институт за јавно здравје на Република Северна Македонија, Канцеларијата на СЗО во Република Северна Македонија, претставникот на FAO за Република Северна Македонија.

Проектот ќе биде насочен кон зајакнување на капацитетите за воспоставување на оперативна национална Кодекс структура, и ефикасно вклучување на Република Северна Македонија во Кодекс системот, со активно учество во работата на Кодекс, како рамноправна членка.

Кодекс алиментариус соопштенија

Се дистрибуираат материјали за подигнување на јавната свест за болестите Африканска чума кај свињите, Чвореста кожа кај говедата и за Беснило

Агенцијата за храна и ветеринарство (АХВ) преку ветеринарните друштва, почна со дистрибуција на постери, флаери, брошури и прирачници за подигање на јавната свест во однос на болестите Африканска чума кај свињите, Чвореста кожа кај говедата и болеста Беснило.

Раната детекција и брзото пријавување на сомнеж, клучни во борбата против болеста чума кај малите преживари

Воспоставен е засилен 24 часовен надзор на сите гранични премини, со акцент на премините кон земјите каде е потврдено присуство на болеста Чума кај малите преживари, остварени се средби и координирани се активностите со Министерството за локална самоуправа

АХВ донесе Решение за безбедносни мерки во однос на болеста Чума кај малите преживари

Врз основа на член 55 става 3 и 6, точка 2 од Законот за ветеринарно здравство, поради неповолната епидемиолошка состојба со болеста Чума кај малите преживари која е потврдена во Република Грција и заради ризикот од проширување на болеста во земјава, Директорот на Агенција за храна и ветеринарство донесе Решение за безбедносни мерки во однос на оваа болест.

Одгледувачите на овци и кози да ги засилат мерките за заштита од болеста Чума кај малите преживари

Агенцијата за храна и ветеринарство ја следи состојбата со болеста Чума кај малите преживари (Peste des Pestitis Ruminants) која е потврдена во регионов. Со цел зачувување на статус земја слободна од болеста, на сила се решенијата за забрана на увоз и транзит на живи животни (домашни и диви овци и кози) и производи и нус производи од животинско потекло од регионите каде е потврдена болеста

Отповикување на небезбедни производи КОЛИОС Грчки јогурт, 0%, 500 г, Лот:4243250644 и КОЛИОС Грчки јогурт, 0%, 150 г, Лот: 4243025064

Агенцијата за храна и ветеринарство ги информира потрошувачите дека операторот со храна ДТГМУ ТИНЕКС-МТ ДООЕЛ експорт-импорт Скопје, врши отповикување на следниве небезбедни производи: КОЛИОС Грчки јогурт, 0%, 500 г. и КОЛИОС Грчки јогурт, 0%, 150 г.

Храната и твоето здравје - продолжување на кампањата Safe2Eat

Би сакале да ве информираме дека Агенцијата за храна и ветеринарство во соработка со EFSA ги продолжува активностите на Safe2Eat кампањата за 2024 година, во различни тематски области.

Потенцијално небезбедните коцки за супа не се пуштени во промет, целокупното количество складирано во магацинот на увозникот

Во врска со шпекулациите објавени на социјалните мрежи дека на пазарот се продаваат небезбедни производи, утврдено е дека целокупното увезено количество од производите со посочените серии и рокови на употреба не е пуштено во промет, односно, потенцијално небезбедните производи се наоѓаат во магацинот на увозникот.

АХВ почна итна постапка за повлекување од пазарот на потенцијално небезбедни коцки за супа

Агенцијата за храна и ветеринарство (АХВ) почна итна постапка за повлекување од пазарот на потенцијално небезбедни коцки за супа од Хрватска, поради можно присуство на туѓо тело. Станува збор за говедска коцка за супа на производителот „Подравка“, серија 0507241, со рок на употреба до 05.07.2025 година и пилешка коцка за супа серија 0307241, со рок до 03.07.2025 година

Миланов оствари средба и со првиот човек на македонската дипломатија Тимчо Муцунски

Целосно усогласување на македонското законодавство со европското со цел непречен увоз на прехранбени производи од земјите членки на Европската унија и зголемен извоз на прехранбени производи произведени од нашите домашни компании, како основа за развој на македонската економија.

За заштита од болеста чума кај мали преживари, забранети за увоз по еден регион од Грција и Романија

Агенцијата за храна и ветеринарство донесе Решенија за забрана на увоз и транзит на живи животни (домашни и диви овци и кози), производи и нус производи од животинско потекло од регионот Тулчеа/Tulcea во Република Романија и регионот Трикала/Trikala во Република Грција.