Доколку најдете угината дива свиња ве молиме да пријавите на 0800 00 210. Следува награда од 2500 денари

Доколку најдете угината дива свиња ве молиме да пријавите на
0800 00 210
Следува награда од 2500 денари

АХВ ги намалува директните средби со странки, комуникацијата ќе се одвива телефонски или по електронски пат

13.03.2020
АХВ ги намалува директните средби со странки, комуникацијата ќе се одвива телефонски или по електронски пат

Во насока на почитување на препораките на Владата на Република Северна Македонија за превенција и спречување на ширењето на КОВИД 19 вирусот, Агенцијата за храна и ветеринарство донесе одлука да го намали бројот на директни средби со странки и корисници на услугите на АХВ.

Одлуката е донесена со цел превенција и елиминирање на секоја можност од ширење на вирусот.

Сите странки кои имаат потреба за контакт со Агенцијата за храна и ветеринарство, тоа можат да го направат на телефонскиот број 02 2457 895 секој работен ден од 08:30 до 16:30 часот и преку електронското сандаче info@fva.gov.mk

 

Им препорачуваме на сите корисници на услугите на Агенцијата за храна и ветеринарство кои имаат потреба од достава на документи за мислење, истите да ги достават во скенирана форма по електронски пат до релевантните сектори во нашата институција.

 

Апелираме до нашите соработници и корисници на услугите, да ги почитуваат превентивните мерки кои ги донесе Владата на Република Северна Македонија и да сториме се што е во наша можност за да го спречиме ширењето на КОВИД 19 вирусот во државата.
 

 

Ознаки
Категорија