Codex Alimentarius

Codex Alimentarius е збир на меѓународно признаени стандарди, правила на постапување, насоки и други препораки поврзани со храната, производството на храна и безбедност на храната со цел заштита на потрошувачите.

Овие стандарди се развиваат и одржуваат од страна на Комисијата на Кодекс Алиментариус (Codex Alimentarius Commission), тело основано во ноември 1961 година од страна на ФАО (Организацијата за храна и земјоделство на Обединетите нации). Кон овој проект подоцна се приклучи и Светската здравствена организација (СЗО).

ЦЕЛИ

Главните цели на Комисијата на Кодекс Алиментариус се заштита на потрошувачите, како и обезбедување фер практики во меѓународната трговија со храна.
Codex Alimentarius е признаен од страна на Светска трговска организација (СТО) како меѓународна референтна точка за решавање спорови кои се однесуваат на безбедност на храната и заштитата на потрошувачите.
Освен стандардите за одредени видови храни, Codex Alimentarius содржи општи стандарди кои ги опфаќаат прашањата како означување на храна, хигиена на храна, додатоци во исхрана, резидуи од пестициди, итн.
Во исто време, Codex Alimentarius содржи и насоки за увоз и извоз, како и инспекција и сертификација на системите за храна.

Агенцијата за храна и ветеринарство, како контакт точка за Codex Alimentarius аплицираше на отворениот повик за поддршка од FAO/WHO Codex Trust Fund (Round 2). Апликацијата беше верификувана од повеќе институции вклучени во Codex Alimentarius од областа на безбедност на храната, помеѓу кои и Институт за јавно здравје на Република Северна Македонија, Канцеларијата на СЗО во Република Северна Македонија, претставникот на FAO за Република Северна Македонија.

Проектот ќе биде насочен кон зајакнување на капацитетите за воспоставување на оперативна национална Кодекс структура, и ефикасно вклучување на Република Северна Македонија во Кодекс системот, со активно учество во работата на Кодекс, како рамноправна членка.

Кодекс алиментариус соопштенија

Бабовски за Ал Џезеира: Состојбата со африканската чума кај свињите е стабилна

Ситуацијата со африканската свинска чума во последниве три месеци е стабилна, изјави за ТВ Ал Џезеира, директорот на Агенција за храна и ветеринарство Николче Бабовски...

Храна базирана на клетки

Производството на храна базирана на клетки, исто така познато како клеточно земјоделство, вклучува култивирање на клетки изолирани од животни проследено со преработка заради производство на прехранбени производи кои се споредливи со соодветните животински верзии, како што се месо, живина, производи од аквакултура, јајца, итн.

Бабовски учесник на 87 состанок на Советодавниот форум на Европската агенција за безбедност на храната (EFSA)

Јакнење на националните капацитети во областа на проценка на ризик за безбедноста на храната и подобрување на алатките за репортирање на националните податоци од спроведувањето на мониторинг програмите, во насока на поддршка на земјите во процесот на усогласување на националните, со системот на Европската унија, со цел обезбедување унифицирани, квалитативни и квантитативни податоци.

Јавен настан за објавено научно мислење | Телиња, млечни крави, патки, гуски и потполошки

Благосостојбата на животни претставува интегрален дел од стратегијата “Од Фарма до Вилушка” (F2F) на Европската унија која има цел земјоделските пракси во Европа да ги направи поодржливи.

Директорот на АХВ одржа работен состанок со здружението Анима мунди

Директорот на Агенција за храна и ветеринарство Николче Бабовски денес одржа работен состанок со претставници на здружението за заштита на животните Анима мунди.

Спроведена е втората работилница за анализа на ризик

На 20 и 21 февруари оваа година се одржа втората работилница за анализа на ризик предводена од експертот Лука Бусани.

АХВ доби позитивна оценка од сертификационо тело QualityAustria за квалитетот на услугите

Позитивни оценки од страна на сертификациското тело MQS, регионален парнер на австриското национално сертификационо тело QualityAustria за Република Северна Македонија за функционалноста на документираниот Систем за квалитет, неговата усогласеност со барањата на стандардот за квалитет ISO 9001:2015 и примената во пракса.

АХВ учесник на билатералниот скрининг со ЕУ за Поглавјето 3 - „Право на основање и слобода на давање услуги“

Стручен тим од Агенцијата за храна и ветеринарство, од 23 до 24 јануари, во Брисел, Белгија, беа дел од делегацијата на Република Северна Македонија која учествуваше на состаноците во рамки на билатералниот скрининг со Еворопската унија (ЕУ) за Поглавјето 3 - „Право на основање и слобода на давање услуги“.

Бабовски учесник на првиот Управен комитет на ЕУ проектот за развој на капацитетите на ветеринарните и фитосанитарните служби на Западен Балкан

Директорот на АХВ Николче Бабовски, со тим од стручни лица од институцијата, денес, во Будва, Република Црна Гора, учествува на првиот Управен комитет на регионалниот проект “Capacity building of veterinary and plant health services in the Western Balkans - Lot 1 - Animal Health” - ADEWB II, кој е финансиран од Европската Комисија.

Одржана обука за билатералниот скрининг и преговорите на земјава за членство во ЕУ за Поглавјето 12

Обуката е една од подготвителните активности за успешна подготовка за билатералниот скрининг и преговорите на земјава за членство во ЕУ и таа е вистинска прилика во насока на успешна подготовка.