Codex Alimentarius

Codex Alimentarius е збир на меѓународно признаени стандарди, правила на постапување, насоки и други препораки поврзани со храната, производството на храна и безбедност на храната со цел заштита на потрошувачите.

Овие стандарди се развиваат и одржуваат од страна на Комисијата на Кодекс Алиментариус (Codex Alimentarius Commission), тело основано во ноември 1961 година од страна на ФАО (Организацијата за храна и земјоделство на Обединетите нации). Кон овој проект подоцна се приклучи и Светската здравствена организација (СЗО).

ЦЕЛИ

Главните цели на Комисијата на Кодекс Алиментариус се заштита на потрошувачите, како и обезбедување фер практики во меѓународната трговија со храна.
Codex Alimentarius е признаен од страна на Светска трговска организација (СТО) како меѓународна референтна точка за решавање спорови кои се однесуваат на безбедност на храната и заштитата на потрошувачите.
Освен стандардите за одредени видови храни, Codex Alimentarius содржи општи стандарди кои ги опфаќаат прашањата како означување на храна, хигиена на храна, додатоци во исхрана, резидуи од пестициди, итн.
Во исто време, Codex Alimentarius содржи и насоки за увоз и извоз, како и инспекција и сертификација на системите за храна.

Агенцијата за храна и ветеринарство, како контакт точка за Codex Alimentarius аплицираше на отворениот повик за поддршка од FAO/WHO Codex Trust Fund (Round 2). Апликацијата беше верификувана од повеќе институции вклучени во Codex Alimentarius од областа на безбедност на храната, помеѓу кои и Институт за јавно здравје на Република Северна Македонија, Канцеларијата на СЗО во Република Северна Македонија, претставникот на FAO за Република Северна Македонија.

Проектот ќе биде насочен кон зајакнување на капацитетите за воспоставување на оперативна национална Кодекс структура, и ефикасно вклучување на Република Северна Македонија во Кодекс системот, со активно учество во работата на Кодекс, како рамноправна членка.

Кодекс алиментариус соопштенија

Гостување на директорот на АХВ Николче Бабовски на Утринска програма на ТВ Телма

Првиот човек на Агенцијата за храна и ветеринарство, Николе Бабовски, во гостувањето на утринската програма на ТВ Телма се осврна на актуелната состојба со болеста африканска чума кај сињите во нашата земја.

Отповикување на небезбедни серии виршли Вуди

АХВ ги информира потрошувачите дека од пазарот се отповикуваат небезбедни производи виршли од брендот Wudy поради присуство на атогена бактерија Lysteria monocitogenes ST 155

АХВ нареди итно повлекување на виршли Wudy поради присуство на бактерија

Врз основа на добиена нотификација за пласиран небезбеден производ на пазарот во Република Северна Македонија, – виршли од брендот Wudy, кај кои вo земја членка на ЕУ, било утврдено присуство на бактерија Listeria мonocytogenes ST 155, како контакт точка на Системот за брзо предупредување за храна и храна за исхрана на животни (RASSF) на Европската унија, Агенцијата за храна и ветеринарство (АХВ), нареди итно повлекување...

Техничко упатство за имплементација на системи за е-известување за контрола на храната

Комплексноста на синџирите за снабдување со храна и зголемената важност на глобалната трговија со земјоделски производи создаваат нови и уште поголеми предизвици за управување со безбедноста на храната.

Повеќе простор, пониски температури, пократки патувања

Според препораките објавени од Европската агенција за безбедност на храна (ЕФСА), обезбедување повеќе простор, намалување на максималните температури и одржување на времето на патување на минимум се потребни за да се подобри благосостојбата на фармските животни за време на транспортот.

Реализирана е првата работилница за анализа на ризик

Во рамките на проектот како дел од активностите опфатени со четвртата проектна компонента на 7 септември 2022 година се одржа првата еднодневна работилница за Анализа на ризик...

Меѓународен систем на ФАО за следење на антимикробна отпорност (InFARM) и ИТ платформа

Еден од клучните елементи за зајакнување на капацитетот на една земја за надзор и следење на антимикробната отпорност (АМО) и употребата на антибиотици во храната и земјоделството е преку обезбедување стандардизиран пристап за собирање, анализа, толкување и споделување податоци.

Oд пазарот повлекува небезбедна серија од органски БИО сок од јаболко од брендот ХИПП

Врз основа на нотификацијата која преку Системот за брзо предупредување за храна и храна за исхрана на животни (РАССФ) на Европската унија, Агенцијата за храна и ветеринарство (АХВ) ја доби вчера во доцните попладневни часови, утрово, врз основи на извршена вонредна инспекциска контрола, на компанијата увозник и издаде решение и забрани пуштање во промет на небезбеден производ - Органски био сок од јаболко, во пакување од 0,2 литри, со лот А98967,од брендот HIPP, со рок на траење 31.10.2023 година.

Отповикување на небезбеден производ HIPP органски сок од јаболко 200 мл

АХВ ги информира потрошувачите дека се отповикува следниот небезбеден производ ХИПП Органски сок од јаболко 200 мл, поради детектирана опасност - туѓо тело во производ од серијата А98967.

Одржан првиот состанок на Координативното тело за справување со африканската чума кај свињите

Во својство на претседател, денес, во Министерството за земјоделство,шумарство и водостопанство (МЗШВ), директорот на Агенција за храна и ветеринарство (АХВ), Николче Бабовски, ја одржа првата седница со членовите на Координативно тело за подобрување на институционалната координација и преземање на мерки за справување со африканската чума кај свињите, кое беше формирано со одлука на Владата на Република Северна Македонија.