Претставници на АХВ дел од објаснувачкиот скрининг на ЕУ за заштита на потрошувачите

29.03.2019

Претставници од Агенцијата за храна и ветеринарство, вчера и денес зедоа учество на објаснувачкиот скрининг за 28 Поглавје - Заштита на потрошувачите и јавно здравје. Преставници од Агецијата преку видео конференција во просториите на СЕП учествуваа на состанокот во делот на темите во кои Агенцијата е партнерска институција односно соработува со релевантните надлежни институции како што се Министерството за економија и Министерството за здравство во делот на заштита на потрошувачите и здравствена заштита на населението.

Ветеринарните друштва да ги забрзаат активностите на терен за дијагностицирање на бруцелозата

28.03.2019

Директорот на Агенција за храна и ветеринарство Зоран Атанасов денес одржа работен состанок со претседателот на Ветеринарната комора на Република Северна Македонија, Томислав Николовски на кој беше разгледана динамиката на активностите кои ги спроведуваат ветеринарните друштва на терен за реализација на Годишната наредба за здравствена заштита на животните.

Во февруари спроведени 4.997 инспекциски контроли

28.03.2019

Инспекциските служби на Агенција за храна и ветеринарство во февруари годинава спроведоа вкупно 4.997 контроли, од нив 3.537 редовни, 452 контролни и 1.008 вонредни. За констатираните недоследности со контролите издадени се 364 решенија за нивно отстранување, изречени се 156 мерки едукација на операторите и поднесени се 8 прекршочни пријави.

Атанасов за МИА: Сакаме да ја сведеме бруцелозата на еден процент во одгледувалиштата

26.03.2019

Од вкупно 16.052 во 2008 година, бројот на заболени овци и кози од бруцелоза лани се сведе на само 373. Нашата цел е намалување на вкупниот број заболени грла на еден процент на ниво на одгледувалиште, односно на 0,05 отсто на индивидуално ниво на целата територија на земјава, вели за МИА директорот на Агенција за храна и ветеринарство, Зоран Атанасов.

Се усогласуваат санитарните и фитосанитарните сертификати за олеснување на трговијата во рамки на ЦЕФТА

25.03.2019

Во својство на годинешен претседавач со Поткомитетот за земјоделство во рамки на ЦЕФТА, денес, директорот на Агенција за храна и ветеринарство Зоран Атанасов, го отвори Третиот состанок на ад хок екпертстката група за електронска размена на податоци во областа на земјоделството, санитарните и фитосанитарните мерки.

 Соопштенија АРХИВА НА ОДНОСИ СО ЈАВНОСТ  Видео