Одделението за генетски модифицирана храна во рамки на Секторот за нови прехранбени технологии е надлежно за подготовка на легислатива и мониторинг планови за контрола на храната која содржи или е составена од генетски модифицирани организми.
Согласно организацијата и систематизација на надлежностите, ова одделение е задолжено за континуирано следење на европската легислатива за ГМО храната и предлагање соодветни измени во националната легислатива согласно Законот за безбедност на храната.
Една од основните активности на одделението е и учеството во креирањето на националната мониторинг програма за безбедност на храната, во делот на ГМО храната, како и во анализа на добиените резултати од спроведувањето на оваа програма во РСМ. Одделението исто така учествува во подготовка на планот за контрола на ГМО храна и има надлежност да одобрува ГМО храна и да води регистри за одобрената ГМО храна.
Поради брзиот технолошки развој и континуираната авторизација на нови генетски модифицирани организми од страна на Европската Комисија – DG Sante, Одделението ги следи новините поврзани со ГМО храната, истите ги обработува и проследува до администраторот на веб - страната на АХВ.
Исто така, Одделението воспоставува соработка со научни институции за прашања поврзани со ГМО храната и претставува контакт точка на Република Северна Македонија за ГМО храна - платформата на FAO, на која може да се пристапи преку следниот линк:
 |
 |