Доколку најдете угината дива свиња ве молиме да пријавите на 0800 00 210. Следува награда од 2500 денари

Доколку најдете угината дива свиња ве молиме да пријавите на
0800 00 210
Следува награда од 2500 денари

Годишен план за мониторинг на резидуи и недозволени супстанции кај живи животни, производи и суровини

Годишниот план за мониторинг на резидуи и недозволени супстанции кај живи животни, производи и суровини од животинско потекло е наменет за набљудување и откривање на причините за ризиците од појава на резидуи во храната од животинско потекло на ниво на фарма (одгледувалиште), во кланици, млекарници, во објекти за одгледување и преработка на риби, во центари за собирање и пакување на јајца и мед, како и кај дивеч од ловишта. 

Годишниот план за мониторинг на резидуи и недозволени супстанции кај живи животни, производи и суровини од животинско потекло се спроведува во Република Северна Македонија од 2002 година со стапување на сила на Правилникот за ветеринарно - санитарни прегледи, контрола и евиденција за резидуи од одредни супстанции во суровини, живи животни и производи од животинско потекло  објавено во “Службен весник на Република Северна Македонија” бр. 08/02.

Целта на Годишниот план за мониторинг на резидуи и недозволени супстанции кај живи животни, производи и суровини од животинско потекло е утврдување на присуството на резидуи и супстанции наведени во Прилог I од Правилникот за начинот на вршење на мониторинг и контрола на присуството на резидуи и контаминенти во живите животни и храната од животинско потекло, начинот на вршење на официјалните контроли и постапките за мониторинг и контрола на резидуи и недозволени супстанции и мерките кои се преземаат во случај на сомнение и на позитивен наод на присуство на резидуи и недозволени супстанции (“Службен весник на Република Северна Македонија” бр. 80/11) во живи животни, нивните екскременти, телесни течности и ткива, храна за животни и вода за пиење и примарни производи од животинско потекло, преку:

  • утврдување на недозволено администрирање на неодобрени супстанции и недозволено администрирање на одобрени супстанции;
  • контрола на усогласеноста со максимално дозволени нивоа на резидуи од ветеринарно - медицински препарати и други производи, максимални нивоа  на пестициди и мониторинг на концентрацијата  на контаминентите од природната средина;
  • набљудување и откривање на причините за присуство на резидуи во храна од животинско потекло, превземање на корективни мерки  како и транспарентност на резултатите.

Селекцијата на фармаколошки активни супстанции кои ќе бидат вклучени во Годишниот план за мониторинг на резидуи и недозволени супстанции кај живи животни, производи и суровини од животинско потекло, се врши согласно: 

  • Прилог I од Правилникот за начинот на вршење на мониторинг и контрола на присуството на резидуи и контаминенти во живите животни и храната од животинско потекло, начинот на вршење на официјалните контроли и постапките за мониторинг и контрола на резидуи и недозволени супстанции и мерките кои се преземаат во случај на сомнение и на позитивен наод на присуство на резидуи и недозволени супстанции;
  • Листата на фармаколошки супстанции одобрени за употреба во ветеринарната медицина;
  • Списокот на ветеринарно - медицински препарати за кои е дадено решение за одобрение за ставање во промет;
  • Решението за забрана за производство, увоз, поседување, продажба, снабдување и/или употреба на одредени видови ветеринарно - медицински препарати;
  • Правилникот за општите барања за безбедност на храната;
  • Правилникот за општите барања за безбедност на храната во однос на максималните нивоа на одделни контаминенти;
  • Правилникот за општите барања за безбедност на храната во однос на максимално дозволените нивоа на резидуи од пестициди во или врз храната и
  • Правилникот за условите за ставање во промет на медицирана храна за животни, формата и содржината на ветеринарниот рецепт за медицирана храна за животни и начинот на негово издавање.

Законски и подзаконски акти

  • Закон за безбедност на храна („Службен весник на Република Северна Македонија” бр. 157/10, 53/11, 1/12, 164/13, 187/13, 43/14, 72/15, 129/15, 213/15, 39/16 и 64/18)
  • Правилник за начинот на вршење на мониторинг и контрола на присуството на резидуи и контаминенти во живите животни и храната од животинско потекло, начинот на вршење на официјалните контроли и постапките за мониторинг и контрола на резидуи и недозволени супстанции и мерките кои се преземаат во случај на сомнение и на позитивен наод на присуство на резидуи и недозволени супстанции (“Службен весник на Република Северна Македонија” бр. 80/11)
  • Годишен план за мониторинг на резидуи и недозволени супстанции кај живи животни, производи и суровини од животинско потекло 
  • Програма за користење на средствата за ветеринарно јавно здравство

Извештај од спроведувањето на Годишниот план за мониторинг на резидуи и недозволени супстанции кај живи животни, производи и суровини од животинско потекло