Codex Alimentarius

Доколку најдете угината дива свиња ве молиме да пријавите на
0800 00 210
Следува награда од 2500 денари

Codex Alimentarius е збир на меѓународно признаени стандарди, правила на постапување, насоки и други препораки поврзани со храната, производството на храна и безбедност на храната со цел заштита на потрошувачите.

Овие стандарди се развиваат и одржуваат од страна на Комисијата на Кодекс Алиментариус (Codex Alimentarius Commission), тело основано во ноември 1961 година од страна на ФАО (Организацијата за храна и земјоделство на Обединетите нации). Кон овој проект подоцна се приклучи и Светската здравствена организација (СЗО).

ЦЕЛИ

Главните цели на Комисијата на Кодекс Алиментариус се заштита на потрошувачите, како и обезбедување фер практики во меѓународната трговија со храна.
Codex Alimentarius е признаен од страна на Светска трговска организација (СТО) како меѓународна референтна точка за решавање спорови кои се однесуваат на безбедност на храната и заштитата на потрошувачите.
Освен стандардите за одредени видови храни, Codex Alimentarius содржи општи стандарди кои ги опфаќаат прашањата како означување на храна, хигиена на храна, додатоци во исхрана, резидуи од пестициди, итн.
Во исто време, Codex Alimentarius содржи и насоки за увоз и извоз, како и инспекција и сертификација на системите за храна.

Агенцијата за храна и ветеринарство, како контакт точка за Codex Alimentarius аплицираше на отворениот повик за поддршка од FAO/WHO Codex Trust Fund (Round 2). Апликацијата беше верификувана од повеќе институции вклучени во Codex Alimentarius од областа на безбедност на храната, помеѓу кои и Институт за јавно здравје на Република Северна Македонија, Канцеларијата на СЗО во Република Северна Македонија, претставникот на FAO за Република Северна Македонија.

Проектот ќе биде насочен кон зајакнување на капацитетите за воспоставување на оперативна национална Кодекс структура, и ефикасно вклучување на Република Северна Македонија во Кодекс системот, со активно учество во работата на Кодекс, како рамноправна членка.

Кодекс алиментариус соопштенија

Соработката на АХВ со науката и живинарите, клучна за добивање дозвола за извоз на јајца и живинско месо во ЕУ

Врз основа на надлежностите од Законот за безбедност на храната, Агенцијата за храна и ветеринарство, преку контролата на целиот синџир за безбедност на храна по принципот ‘’Од нива до трпеза’’, во кој е вклучено и примарното производство, создаде услови и го отвори европскиот пазар за извоз на конзумни јајца.

Казни за пуштање во промет на брашно без лабораториски анализи

Агенцијата за храна и ветеринарство изрече глоби на две компании увозници на брашно за непочитување на изречена забрана за пуштање во промет на храна до добивање на резултати од извршени лабораториски испитувања, односно без решение со кое се одобрува пуштање во промет. Едниот оператор од увезените 50 илјади килограми брашно, непочитувајќи ја изречената забрана од инспекторите за храна, на пазарот пласирал 13.425 килограми брашно увезени од Република Србија.

Во тек вакцинацијата против беснило - не ги допирајте мамките!

Агенцијата за храна и ветеринарство почна со реализација на пролетната кампања за вакцинација на лисиците против беснило со авионско фрлање на вакцинални мамки од аеродромите во Скопје и во Штип.

АХВ и ОПМ го издадоа првиот е - билтен „Потрошувачите и храната“

Агенцијата за храна и ветеринарство и Организацијата на потрошувачите на Македонија го издадоа првиот електронски билтен „Потрошувачите и храната“.

Со засилените контроли пред Велигден уништени над 31 илјади небезбедни јајца

Инспекциските служби на Агенцијата за храна и ветеринарство, пред Велигденските празници спроведоа вкупно 181 вонредни, засилени контроли, во производството, преработката, дистрибуцијата и продажбата на јајца на македонскиот пазар. Како небезбедни поништени се над 31 илјада јајца.

Нова динамика во соработката на АХВ и Сојузот на стопански комори

“Реалниот сектор треба да е двигател на економијата и да ги интегрира интересите на Владата и бизнис заедницата. Неговото зајакнување е генератор на јакнењето на секоја економија. Како институција ориентирани сме кон поддршка на компаниите, создавање на услови за унапредување на бизнис климата и отворање на нови пазари за извоз на македонските производи.

АХВ домаќин на конференцијата "Соработка на тема - Едно здравје на ниво на земјите од регионот"

Во рамки на меѓународно дефинираниот концепт Едно Здравје, денес и утре, во Скопје, Агенцијата заа храна и ветеринарство е домаќин на регионалната конференција "Соработка на тема - Едно здравје на ниво на земјите од регионот". Конференцијата се реализира со поддршка на Твининг проектот финансиран од Европската унија - "Понатамошен развој на контролните системи на надлежните органи за заштита на здравјето на луѓето, животните и растенијата" и на неа се разгледуваат можностите за воспоставување на хармонизиран систем и идентификување на најдобрите практики поврзани со ново-појавените инфективни болести и антимикробната резистенција во земјите од регионот.

Засилени контролите и за боите за вапсање

Освен јајцата, чиј увоз деновиве, пред велигденските празници, подлежи на засилени контроли, интензивно се следат и производството и увозот на бои за јајца. Досега не се евидентирани отстапувања во однос на безбедноста на увезените прехранбени бои.

Oдржан работен состанок со Националниот демократски институт

Преку одржување на работилници да се ги утврдат проблемите и недостатоците кои се јавуваат при изработката и донесувањето на законските и подзаконските акти, почнувајќи од иницијативата за донесување на новото решение, следејќи го текот на сите активности за негово креирање, во насока на подобрување на процедурите за носење на законските и подзаконските акти. Ова се дел од темите на кои на вчерашниот состанок разговараа директорот на Агенцијата за храна и ветеринарство Зоран Атанасов и претставниците на Националниот демократски институт.

На македонскиот пазар нема небезбедно месо од Белгија

На македонскиот пазар не е реализиран узвоз на небезбедно месо од белгиска компанија Валомел, која според пишувањата на некои медиуми, наводно извезувала небезбедно месо на косовскиот пазар. Како контакт точка на Системот за брзо предупредување за небезбедна храна и храна за животни на Европската унија, Агенцијата за храна и ветеринарство досега нема добиено нотификација дека оваа белгиска месна индустрија има пласирано небезбедно месо во Република Северна Македонија.