Доколку најдете угината дива свиња ве молиме да пријавите на 0800 00 210. Следува награда од 2500 денари

Доколку најдете угината дива свиња ве молиме да пријавите на
0800 00 210
Следува награда од 2500 денари

Бабовски за Утрински брифинг: Будно ја следиме ситуацијата – преземаме соодветни мерки за можното ширење на птичјиот грип

15.03.2022
Бабовски за Утрински брифинг: Будно ја следиме ситуацијата – преземаме соодветни мерки за можното ширење на птичјиот грип

Претходната недела во медиумите проструи информација дека во соседна Грција во областа Мала Преспа потврден е случај на птичји грип откако беше пронајден голем број на мртви пеликани. Тоа пак веднаш го подигна алармот и кај соседните земји, и кај нас во Македонија.

Претходно вирусот во два одделни случај беше потврден и кај нас. Надлежните ја следат состојбата и не се исклучува можноста да бидат забележани нови случаи. Болеста може да предизвика големи загуби во живинарската индустрија. Кај домашната живина, птици кои се чуваат како миленичиња и диви птици, болеста предизвикува висока стапка на смртност.

Во рамки на дефинираните мерки во земјава беа спроведени дополнителни прегледи на одгледувалиштата и попис на живината на фармите. На оваа тема во Утрински брифинг разговаравме со директорот на Агенцијата за храна и ветеринарство, Николче Бабовски.

 

Кај нас се забележани два изолирани случаи. Едниот беше во Злокуќани кај диви птици во текот на февруари, другиот беше во Штип, кај преселна птица Корморан. Мошне будно ја следиме ситуација и на дневна база ги разменуваме информациите со соседните земји, Европа и светот, односно навремено се преземаат соодветни мерки за спречување на појава и ширење на одредени болести во нашата држава, вели Бабовски.

 

Тој додава дека во периодот на декември 2021 и јануари 2021 се вршел засилен мониторинг на живина, со тоа што не бил откриен ниту еден случај.

 

Овој прв изолиран случај беше потврден на 17-ти февруари, од тогаш наваму, со исклучок на Корморанот во штипско немавме забележано нов случај. Карактеристично е во овој период на годината, кога е вториот бран на преселба на птиците, да дојде до појава на изолирани на ова заболување, бидејќи главниот резервоар за оваа болест, за птичјиот грип, се токму птиците преселници, односно дивите птици, вели Бабовски.

 

2


 


 

Ознаки
Категорија