Доколку најдете угината дива свиња ве молиме да пријавите на 0800 00 210. Следува награда од 2500 денари

Доколку најдете угината дива свиња ве молиме да пријавите на
0800 00 210
Следува награда од 2500 денари

Ќе расте побарувачката за животински протеин, аквакултурата - алтернативен извор

06.02.2020
Ќе расте побарувачката за животински протеин, аквакултурата - алтернативен извор

Светската стручна јавност алармира за се поголем недостиг од животински протеин во наредните триесет години, а ваквата состојба ја наметнува потребата од наоѓање на алтернативни извори за негово обезбедување. Аквакултурата е еден од нив и затоа во годините пред нас, како држава, институција и ветеринарна фела, треба да посветиме се поголемо внимание за нејзин развој. Во функција на унапредување на рибарството во земјава е финансиската поддршка која сега ја дава државава за развој на сточарството, за отворање на нови и осовременување на постоечките објекти за аквакултура. Можност за унапредување на оваа гранка, има и преку европските фондови.

Ова, денес го истакна директорот на Агенција за храна и ветеринарство Зоран Атанасов,  на отворањето на дводневната работилница за болести кај животни од аквакултурата, која на барање на Агенција за храна и ветеринарство ја организира Ветеринарна комора на Република Северна Македонија, со цел утврдување на нивото на знаење во оваа област на докторите по ветеринарна медицина и планирање на понатамошни форми за континуирана едукација.

 

Ќе расте побарувачката за животински протеин, аквакултурата - алтернативен извор


Во однос на аквакултурата, како што истакна директорот Атанасов, различни се принципите во делот на производството во споредба со останатите гранки од сточарството и во Европа и затоа, како држава аспирант за членство во Унијата, како институции и оператори, ќе треба се прилагодиме и да ги следиме овие принципи. Тоа, додаде тој, бара од нас и како стручна фела, постојано да ги унапредуваме знаењата од областа на ветеринарството кои се однесуваат на аквакултурата.

 

Ќе расте побарувачката за животински протеин, аквакултурата - алтернативен извор


На работилницата која и денес и утре се одржува во Скопје, како што информира претседателот на Ветеринарната комора, Томислав Николовски, своите знаења и искуства од оваа гранка од сточарството ќе ги пренесат домашни и странски експерти. За епидемиологијата, дијагностиката и клиничката слика  на болестите кај пастрмките, денес Проф.д-р Стојмир Стојановски од Хидробиолошкиот завод – Охрид, изведе практична вежба на која беше објаснет и начинот на земање и дистрибуција на мостри.

Претставници од Агенцијата за храна и ветеринарство ги презентираа обврските согласно Годишната наредба за здравствена заштита на животните, а во текот на утрешниот ден   ќе се дискутира и за законската рамка за производство и ставање во промет на аквакултура, биосигурносните мерки како и пристапот во оваа област од аспект на ветеринарното јавно здравство.
 

Ознаки
Категорија