Доколку најдете угината дива свиња ве молиме да пријавите на 0800 00 210. Следува награда од 2500 денари

Доколку најдете угината дива свиња ве молиме да пријавите на
0800 00 210
Следува награда од 2500 денари

Codex Alimentarius

ЗА CODEX
СООПШТЕНИЈА
ПРОЕКТИ

Codex Alimentarius е збир на меѓународно признаени стандарди, правила на постапување, насоки и други препораки поврзани со храната, производството на храна и безбедност на храната со цел заштита на потрошувачите.

Овие стандарди се развиваат и одржуваат од страна на Комисијата на Кодекс Алиментариус (Codex Alimentarius Commission), тело основано во ноември 1961 година од страна на ФАО (Организацијата за храна и земјоделство на Обединетите нации). Кон овој проект подоцна се приклучи и Светската здравствена организација (СЗО).

Главните цели на Комисијата на Кодекс Алиментариус се заштита на потрошувачите, како и обезбедување фер практики во меѓународната трговија со храна.

Codex Alimentarius е признаен од страна на Светска трговска организација (СТО) како меѓународна референтна точка за решавање спорови кои се однесуваат на безбедност на храната и заштитата на потрошувачите. Освен стандардите за одредени видови храни, Codex Alimentarius содржи општи стандарди кои ги опфаќаат прашањата како означување на храна, хигиена на храна, додатоци во исхрана, резидуи од пестициди, итн.

Во исто време, Codex Alimentarius содржи и насоки за увоз и извоз, како и инспекција и сертификација на системите за храна.

Агенцијата за храна и ветеринарство, како контакт точка за Codex Alimentarius аплицираше на отворениот повик за поддршка од FAO/WHO Codex Trust Fund (Round 2). Апликацијата беше верификувана од повеќе институции вклучени во Codex Alimentarius од областа на безбедност на храната, помеѓу кои и Институт за јавно здравје на Република Северна Македонија, Канцеларијата на СЗО во Република Северна Македонија, претставникот на FAO за Република Северна Македонија.

Проектот ќе биде насочен кон зајакнување на капацитетите за воспоставување на оперативна национална Кодекс структура, и ефикасно вклучување на Република Северна Македонија во Кодекс системот, со активно учество во работата на Кодекс, како рамноправна членка.
 

Кодекс алиментариус соопштенија

Објавен е јавик повик бр.1/2022 за вршење на активности од јавен интерес од областа на здравствена заштита на животните
Предмет на овој јавен повик e давање на јавно овластување за вршење на активности од јавен интерес од областа на здравствена заштита на животните согласно Законот за здравствена заштита на животните, Законот за идентификација и регистрација на животните, Годишната наредба за здравствена заштита на животните, како и други мерки за превенција и сузбивање на заразни болести кои ќе бидат наредени од Агенцијата на ветеринарни амбуланти, клиники, болници и ветеринарни служби на одгледувалишта одобрени по јавниот повик спроведен во април 2021 година согласно член 40 став 1 од Законот за ветеринарното здравство.
Проценка на ризик на регулирани производи - летна школа во Парма 2022
Во организација на Европската агенција за безбедност на храна (ЕФСА), Универзитетот во Парма, Факултет за напредни студии за храна и исхрана и Католичкиот универзитет Сакро Куоре од Пјаченца, од 28 до 30 септември 2022 година, ќе се одржи летна школа во Парма 2022 на тема „Проценка на ризик на регулирани производи“.
Отповикување на небезбеден производ Суви смокви НАТУРА
АХВ ги информира потрошувачите дека се отповикува следниот небезбеден производ Суви смокви НАТУРА, поради поголемо од максимално дозволено количество на афлатоксин...
Вебинар за софтверска алатка за проценка на ризикот за болеста глутен сензитивна ентеропатија (целијакија) од протеини
Согласно Упатството на ЕФСА ГМО панелот за алергеност, за да се процени капацитетот на новел протеините во храната и храната за животни за предизвикување на болеста глутен сензитивна ентеропатија (целијакија), треба да се примени пристап за моделирање на пептид HLA-DQ, од случај до случај.
И годинава АХВ со поддршка на глобалната иницијатива за одбележување на 7 Јуни - Светски ден на безбедна храна
АХВ и оваа година ја поддржува глобалната кампања за одбележување на Светскиот ден на безбедна храна – 7-ми Јуни, која годинава по четврти пат ќе се одржи утре под мотото "Побезбедна храна, подобро здравје". Како одговорна институција за контрола и унапредување на безбедноста на храната, во интерес на здравјето на граѓаните, АХВ континуирано работи на превенирање и управување со ризиците поврзани со храната, а со тоа за зголемување на економскиот развој на земјава, на земјоделството и пазарите.
Побезбедна храна, подобро здравје
По повод Светскиот ден за безбедност на храната во организација на Организацијата за храна и земјоделство при Обединетите нации (FAO) и Светската здравствена организација (WHO)  на 07 јуни 2022 година, од 14 до 15h ќе се одржи виртуелна панел дискусија.
Поради високите температури - внимавајте на безбедноста на храната и здравјето на милениците и домашните животни
Најавено зголемување на дневните температури ги зголемуваат ризиците од појава на труење со храна. За да се спречи ова неопходно е да се направи правилен избор на храна при нејзина набавка и да се обезбеди соодветен транспорт и услови за чување.
Отповикување на небезбеден производ Пане Пуро 30%
Агенцијата за храна и ветеринарство (АХВ) ги информира потрошувачите дека операторот со храна ДАМЕКС ДОО Скопје, од пазарот врши отповикување на Пане Пуро 30%, поради утврдено присуство на глутен (пестицид 2  chloroethanol) со вредност 0,031 мг/кг-ррм.
Светски ден за безбедност на храната 2022 година
Четвртиот Светски ден за безбедност на храната (World Food Safety Day) ќе се одбележи на 7 јуни 2022 година и ќе биде насочен кон привлекување внимание и инспирирање на акција за да се помогне во спречување, откривање и управување со ризиците поврзани со храната, придонесувајќи за сигурност на храната, здравјето на луѓето, економскиот просперитет, земјоделското производство, пристап до пазарот, туризмот и одржливиот развој.
4та конференција за проценка на ризик од храна во организација на HAPIH
Во пресрет на Светскиот ден за безбедност на храна, Хрватската агенција за земјоделство и храна (HAPIH) организира 4та конференција за проценка на ризици кои потекнуваат од храна која ќе се одржи на 6 и 7 јуни 2022 година на Факултетот за агробиотехнички науки во Осјек, Република Хрватска.