Двете главни класи на полинезаситени масни киселини (PUFAs) се омега-3 и омега-6 масните киселини.Постојат неколку различни омега-3, а од научен интерес се три: алфа-линоленска киселина (ALA), еикозапентаеноична киселина (EPA) и докозахексаеноична киселина (DHA). Препораките за внес на масни киселини и други хранливи материи се дадени во Диететските референтни дози (DRIs). Растителните масла кои содржат ALA вклучуваат ленено семе, соја и масла од канола. Чија семето и оревите исто така содржат АЛА. Содржината на омега-3 во рибата варира во голема мера. Масните риби од ладна вода, како што се лососот, скушата, туната, харингата и сардините, содржат големи количини на LC омега-3, додека рибите со помала содржина на маснотии - како што се бас, тилапија и бакалар - како и школките содржат пониски нивоа. Содржината на омега-3 во рибата зависи и од составот на храната што рибата ја консумира. LC омега-3 се присутни во неколку формулации за додатоци во исхраната, вклучувајќи рибино масло, масло од крил, масло од црн дроб на бакалар и вегетаријански производи кои содржат масло од алги. Типичен додаток за рибино масло обезбедува околу 1.000 mg рибино масло, кое содржи 180 mg EPA и 120 mg DHA, но дозите варираат во голема мера. Додатоци на масло од црн дроб на бакалар обезбедуваат витамин А и витамин Д како додаток на LC омега-3.
По барање на Европската комисија, од Панелот за диететски производи, исхрана и алергии во 2012 беше побарано да даде научно мислење за толерантно горно ниво на внес (UL) на n-3 LC PUFAs еикозапентаеноична киселина (EPA), докозахексаеноична киселина (DHA) и докозапентаеноична киселина (DPA). Достапните податоци не биле доволни за да се утврди UL за n-3 LC PUFA (поединечно или комбинирано) за која било популациона група. При опсервираните диететски нивоа на внес, потрошувачката на n-3 LC PUFA не била поврзана со негативни ефекти кај здрави деца или возрасни. Долгорочниот дополнителен внес на EPA и DHA комбиниран до околу 5 g/ден не го зголемил ризикот од спонтани епизоди на крварење или други хеморагични компликации или влијаел на имунолошката функција, хомеостазата на гликозата или липидната пероксидација. Дополнителен внес на EPA и DHA комбинирани заедно во дози од 2-6 g/ден и на DHA во дози од 2-4 g/ден, предизвикуваат зголемување на концентрациите на LDL-холестерол од околу 3%, што нема значително негативно влијание врз ризикот од кардиоваскуларни болести, додека EPA во дози до 4 g/ден нема значаен ефект врз нивоата на LDL холестеролот. Дополнителните дози на EPA и DHA комбинирани во дози до 5 g/ден и дополнителните дози на EPA само до 1,8 g/ден, не предизвикуваат загриженост по здравјето и безбедноста за возрасни лица. Препораките за диететски внес на EPA и DHA врз основа на ризик стратификацијата за настанок на кардиоваскуларни заболувања и настани за возрасни Европејци се движи помеѓу 250 и 500 mg/ден. Дополнителниот внес само на DHA до околу 1 g/ден не предизвикува загриженост по здравјето и безбедноста на општата популација.
Во овој научно-базиран документ наведени се препорачаните дози за дневен диететски внес, нутритивни табели - извори од растително и животинско потекло, преглед на додатоци во исхрана што содржат полинезаситени масни киселини, поврзаноста со кардиоваскуларни заболувања и ризик факторите за настанок на кардиоваскуларни заболувања вклучувајќи исхемична срцева болест, акутен коронарен синдром (ST сегмент елевациски миокарден инфаркт и не-ST сегмент миокарден инфаркт), венски тромбоемболизам (длабока венска тромбоза - DVT и пулмонален емболизам - PE), дислипидемии (примарни и секундарни, особено хипертриглицеридемии), карцином на дојка, колоректален карцином и карцином на простата, Алцхајмерова деменција, невролошкиот развој и здравјето кај доенчиња, ксерофталмија, ревматоиден артритис, макуларна дегенерација поврзана со возраста. Наведени се и најнови податоци за позитивните ефекти врз стабилизација на мембраната на срцевите мускулни клетки преку PIEZO протеините и протективното дејство во однос на настанок на вентрикуларни (коморски) аритмии и ремоделирање на преткоморите на срцето.
Дополнително наведени се и постари и најнови студии за безбедноста на PUFA, со осврт на склоноста кон крварење и хеморагични компликации, тромбоцитната функција, имунолошката функција, липидната пероксидација и зголемениот ризик од настанок на срцева суправентрикуларна (преткоморска) аритмија - атријална фибрилација (AF), интеракцијата со лекови при суплементација.
Опишани се генерално и сите интернистички заболувања што се тангирани со полинезаситените масни киселини и нивната суплементација во овој научен документ, со дефиниции, патогенеза, клиничка слика, дијагностика, терапија и генерални најнови препораки, со ЕКГ стрипови, ехокардиограми и други записи од имиџинг методи, како и табели од водичи и стручна литература, согласно со професионалните компетенции и професионалното работно искуство на авторот на овој документ, како доктор на медицина - специјалист интернист.
На крајот на документот наведени се референците од пребаруваната и користената научна литература.
Овој документ во целост е научно изработен, стручно преведен, адаптиран, научно систематизиран, ажуриран со најнови научни податоци од релевантна стручна литература, трудови/стручни публикации и монографии, како и научни мислења од страна на Д-р Виктор АРСОВ, дипломиран доктор по медицина, специјалист интернист, експерт за здравствена проценка на ризик поврзана со опасности во храната, нутриција, диететски производи и алергии, помлад соработник за логистика за информации за здравствена проценка на ризик поврзани со опасности во храната, со речиси 18 годишно работно и професионално искуство во Секторот за проценка и комуникација на ризик (СПКР).