Одделение за храна произведена со иновирани технологии, храна третирана со јонизирачко зрачење и други видови храна

Одделението за храна произведена со иновирани технологии, храна третирана со јонизирачко зрачење и други видови храна во рамки на Секторот за нови прехранбени технологии е организирано со цел да врши одобрување на храна или состојки на храна произведени со иновирани технологии, храна третирана со јонизирачко зрачење, природни минерални води, изворски води и пакувани води кои за прв пат се ставаат на пазарот на Република Северна Македонија, а кои поради своите специфики подлежат на посебни барања за безбедност и задолжително одобрување пред да бидат пуштени на пазарот.

Во рамки на одделението се водат и регистрите за одобрени производи од групите на  храна или состојки на храна произведени со иновирани технологии, храна третирана со јонизирачко зрачење, како и природните минерални води, изворски води и пакувани води. Овие регистри редовно се ажурираат и се објавуваат на web страницата на Агенцијата за храна и ветеринарство. Одделението активно учествува и во подготовката на националната мониторинг програма за безбедноста на  храната произведена со иновирани технологии, храната третирана со јонизирачко зрачење и други видови храна во неговиот делокруг.

Меѓу надлежностите на Одделението е и следење на европската легислатива од својата област со цел навремено и ефикасно усогласување на националното законодавство во делот на храна произведена со иновирани технологии, храна третирана со јонизирачко зрачење и природните минерални води, изворски води и пакувани води со правото на Европската Унија.

Со оглед на динамичниот развој на новите прехранбени технологии, сѐ почестата употреба на нови прехранбени состојки чија безбедност е предмет на проценка како и спецификите во однос на безбедноста на храната третирана со јонизирачко зрачење и минералните води, во Одделението работат висококвалификувани кадри кои континуирано соработуваат со стручни лица од други сектори во рамки на АХВ, но исто така по потреба воспоставуваат и соработка со научни институции за важни прашања во врска со овие видови храна.