Codex Alimentarius | Агенција за Храна и Ветерина

Доколку најдете угината дива свиња ве молиме да пријавите на
0800 00 210
Следува награда од 2500 денари

Codex Alimentarius е збир на меѓународно признаени стандарди, правила на постапување, насоки и други препораки поврзани со храната, производството на храна и безбедност на храната со цел заштита на потрошувачите.

Овие стандарди се развиваат и одржуваат од страна на Комисијата на Кодекс Алиментариус (Codex Alimentarius Commission), тело основано во ноември 1961 година од страна на ФАО (Организацијата за храна и земјоделство на Обединетите нации). Кон овој проект подоцна се приклучи и Светската здравствена организација (СЗО).

Главните цели на Комисијата на Кодекс Алиментариус се заштита на потрошувачите, како и обезбедување фер практики во меѓународната трговија со храна.

Codex Alimentarius е признаен од страна на Светска трговска организација (СТО) како меѓународна референтна точка за решавање спорови кои се однесуваат на безбедност на храната и заштитата на потрошувачите. Освен стандардите за одредени видови храни, Codex Alimentarius содржи општи стандарди кои ги опфаќаат прашањата како означување на храна, хигиена на храна, додатоци во исхрана, резидуи од пестициди, итн.

Во исто време, Codex Alimentarius содржи и насоки за увоз и извоз, како и инспекција и сертификација на системите за храна.

Агенцијата за храна и ветеринарство, како контакт точка за Codex Alimentarius аплицираше на отворениот повик за поддршка од FAO/WHO Codex Trust Fund (Round 2). Апликацијата беше верификувана од повеќе институции вклучени во Codex Alimentarius од областа на безбедност на храната, помеѓу кои и Институт за јавно здравје на Република Северна Македонија, Канцеларијата на СЗО во Република Северна Македонија, претставникот на FAO за Република Северна Македонија.

Проектот ќе биде насочен кон зајакнување на капацитетите за воспоставување на оперативна национална Кодекс структура, и ефикасно вклучување на Република Северна Македонија во Кодекс системот, со активно учество во работата на Кодекс, како рамноправна членка.

Кодекс алиментариус соопштенија

Извештај на Европската унија за надзор за присуство на трансмисивни спонгиформни енцефалопатии (ТСЕ) во 2019 година

Европската агенција за безбедност на храна подготви извештај во кој се содржани деталните резултати од спроведените активности за надзор на трансмисивните спонгиформни енцефалопатии (ТСЕ) во 2019 година во 28 земји членки на Европската унија и 6 земји кои не се членки на ЕУ (Северна Македонија, Црна Гора, Исланд, Норвешка, Србија и Швајцарија), како и активностите поврзани со генотипизација на податоците за овци.

Се одбележува светската недела за рационална употреба на антимикробните средства

Од 18 до 24 ноември 2020 година се одбележува светската недела на свесност за антимикробна отпорност (World Antimicrobial Awareness Week).

Се одбележува светската недела за рационална употреба на антимикробните средства

EFSA додели сертификат на Агенцијата за храна и ветеринарство

Како партнер во спроведувањето на регионалната кампања, Европската агенција за безбедност на храна и додели сертификат на Агенцијата за храна и ветеринарство како благодарница за заедничкиот вложен труд и посветеноста во насока на подигнувањето на јавната свест и спречувањето на ширењето на оваа болест која со големи економски последици.

25 години од формирањето на Комитет за санитарни и фитосанитарни мерки на Светската трговска организација (СТО СПС комитет)

Договорот за санитарни и фитосанитарни мерки ги охрабрува Владите „да воспостават национални СПС мерки во согласност со меѓународните стандарди, упатства и препораки“, како што се оние развиени од Владите на земјите членки на Светската трговска организација (СТО) во други меѓународни организации. Новина во Договорот за СПС е што експлицитно се споменуваат три организации за поставување стандарди („трите сестри“), и тоа: Комисијата на Кодекс алиментариус во однос на безбедност на храната; Светската организација за здравствена заштита на животните (OIE) во однос на здравјето на животните, и Меѓународната конвенција за заштита на растенијата (IPPC) во однос на здравјето на растенијата.

Благосостојба на говеда за време на колење

На барање на Европската комисија, Европската агенција за безбедност на храна објави научно мислење на тема проценка на благосостојбата на говеда за време на колење. Научното мислење е засновано врз најсовремени научни студии и истражувања, а следува по проценките на благосостојба на живина, зајаци и свињи за време на колење.

Годишна публикација на Кодекс

Во година кога светот се соочува со невидена закана поради пандемијата КОВИД-19, оваа публикација

ЕФСА изврши евалуација на соодветноста на постојните упатства за микробиолошка карактеризација и проценка на ризик по животната средина од микроорганизми добиени преку синтетичка биологија

На барање на Европската комисија, Европската Агенција забезбедност на храна (ЕФСА) изготви мислење за влијанието кое примената на синтетичка биологија при производство на земјоделски производи би го имала во блиска иднина, како и тоа, дали дали примената на оваа технологија се очекува да претставува потенцијален ризик и опасност за животната средина. Покрај тоа, од ЕФСА беше побарано да направи проценка на соодветноста на постојните упатства за проценка на ризик и по потреба да извши ажурирање на истите.

Атанасов го посети рибникот Дошница

Директорот на Агенција за храна и ветеринарство Зоран Атанасов, денес го посети рибникот “Дошница” во демиркапиското село Чфлик, кој деновиве од Агенцијата за храна и ветеринарство доби одобрение да биде карантински објект за риби. Станува збор за објект каде ќе се спроведува карантин за оплодена икра од пастрмки со цел обезбедување на безбедносни услови да се одгледаат и на пазарот да се пласираат риби од видот пастрмка кои се безбедни и кои ги исполнуваат највисоките стандарди за здравствена заштита од болести кај овие животни од аквакултурата.

Измена на постојните максимално дозволени нивоа на резидуи од флуроксипир (fluroxypyr) во лук власец, листови целер, магдонос, мајчина душица, босилек и јастиви цвеќиња

На барање на Европската Комисија, Европската Агенција за безбедност на храна (ЕФСА), направи ревизија на постојните максимално дозволени нивоа на резидуи (МДН) од флуроксипир (fluroxypyr) во одредени земјоделски производи.