Повеќе од 3,4 тони храна од животинско и неживотинско потекло била уништена во август годинава како небезбедна, од страна на инспекциските служби на Агенцијата за храна и ветеринарство ( АХВ) и операторите со храна. Во август биле спроведени вкупно 3.707 инспекциски контроли од кои 2.685 редовни, 294 контролни и 728 вонредни.

Aгенцијата за храна и ветеринарство подготви информација за потрошувачите за безбедно ракување и чување на храната во однос на  бактеријата Listeria monocytogenes. Листериозата е заболување кое е предизвикано од бактеријата Listeria monocytogenes. Иако заболувањето листериозата ретко се јавува, тоа честопати е сериозно, со високи цени на болнички третман и висока смртност.

Во рамки на спроведувањето на превентивните мерки за спречување на појава и ширење на болеста африканска свинска чума, со задолжително земање на мостра од секоја увозна пратка свинско месо, без оглед дали таа потекнува од региони или земји кои се слободни од болеста Африканска свинска чума, Агенцијата за храна и ветеринарство детектира присуство на  вирусот на оваа болест во замрзнато свинско месо по потекло од Шпанија.

Во соработка со науката и невладиниот сектор, Агенцијата за храна и ветеринарство ќе подготви подзаконски акт со кој ќе го уреди пласманот на пазарот и на мали количини производи од неживотинско потекло, како што се разни слатка, мармелади и преработки од зеленчук.

Во финална фаза е категоризирањето на краварските фарми, активност која Агенцијата за храна и ветеринарство ја почна минатата година, а со која се опфатени 5.747 краварски фарми кои предаваат млеко во преработувачките капацитети.