Codex Alimentarius | Агенција за Храна и Ветерина

Codex Alimentarius е збир на меѓународно признаени стандарди, правила на постапување, насоки и други препораки поврзани со храната, производството на храна и безбедност на храната со цел заштита на потрошувачите.

Овие стандарди се развиваат и одржуваат од страна на Комисијата на Кодекс Алиментариус (Codex Alimentarius Commission), тело основано во ноември 1961 година од страна на ФАО (Организацијата за храна и земјоделство на Обединетите нации). Кон овој проект подоцна се приклучи и Светската здравствена организација (СЗО).

Главните цели на Комисијата на Кодекс Алиментариус се заштита на потрошувачите, како и обезбедување фер практики во меѓународната трговија со храна.

Codex Alimentarius е признаен од страна на Светска трговска организација (СТО) како меѓународна референтна точка за решавање спорови кои се однесуваат на безбедност на храната и заштитата на потрошувачите. Освен стандардите за одредени видови храни, Codex Alimentarius содржи општи стандарди кои ги опфаќаат прашањата како означување на храна, хигиена на храна, додатоци во исхрана, резидуи од пестициди, итн.

Во исто време, Codex Alimentarius содржи и насоки за увоз и извоз, како и инспекција и сертификација на системите за храна.

Агенцијата за храна и ветеринарство, како контакт точка за Codex Alimentarius аплицираше на отворениот повик за поддршка од FAO/WHO Codex Trust Fund (Round 2). Апликацијата беше верификувана од повеќе институции вклучени во Codex Alimentarius од областа на безбедност на храната, помеѓу кои и Институт за јавно здравје на Република Северна Македонија, Канцеларијата на СЗО во Република Северна Македонија, претставникот на FAO за Република Северна Македонија.

Проектот ќе биде насочен кон зајакнување на капацитетите за воспоставување на оперативна национална Кодекс структура, и ефикасно вклучување на Република Северна Македонија во Кодекс системот, со активно учество во работата на Кодекс, како рамноправна членка.

Кодекс алиментариус соопштенија

Почна одржување на циклус обуки за цариниците за контрола на багаж и домашни миленици

Агенцијата за храна и ветеринарство (АХВ) денес почна со одржување на циклус стручни обуки наменети за царинските службеници за контрола на лиценциран багаж и домашни миленици на граничните премини. Активностите се реализираат во соработка со Царинската управа.

АХВ ќе се вклучи во нов регионален проект за превентива, подготвеност и одговор на пандемии на опасни заразните болести кај луѓето и животните

Директорот на Агенција за храна и ветеринарство (АХВ) д-р Оливер Миланов и претставници од АХВ, вчера одржа работен состанок со д-р Аким Али, претставник на Светска здравствена организација (СЗО) во Македонија.

Штетните последици од употребата на енергетските пијалaци во фокусот на интерес на средношколците од Струга

Употребата на енергетските пијалаци и спортската храна е темата која предизвика голем интерес и интеракција меѓу учениците од средното училиште „Нико Нестор“ во Струга.

Македонија стана дел од интегрираниот глобален систем за управување со податоци за здравјето на животните

Преку Aгенцијата за храна и ветеринарство (АХВ), Македонија, од вчера и официјално стана дел од единствената глобална платформа за управување со податоци за здравјето на животните. Таа ги интегрира информативните системи за нотификација на болестите кај животните на Европската комисија (ADIS) како центар за управување со податоците за здравјето на животните во Европската унија (ЕУ) и Светскиот информативен систем за здравје на животните (WAHIS)

Изречена времена мерка –забрана за вршење дејност на прифатилиште за бездомни кучиња

По повеќе добиени претставки и реакции од граѓани на социјалните мрежи за несоодветни услови во прифатилиштето и нехуман третман на животните, стручен тим од Агенцијата за храна и ветеринарство (АХВ) спроведе вонреден инспекциски надзор во стационар - прифатилиште за бездомни кучиња во Струмичко.

И месарниците под лупа на инспекторите на АХВ

Казни во вредност од осум илјади триста и педесет евра во денарска противвредност изрекоа инспекциските служби на Агенција за храна и ветеринарство (АХВ) на четиринаесет оператори со храна – месарници за утврдени недоследности во работењето

Во Кавадарци отворен регионалниот стационар за бездомни кучиња “Шепа”

Денес, директорот на Агенција за храна и ветеринарство Оливер Миланов, заедно со владината делегација предводена од Премиерот на Република Македонија проф. д-р Христијан Мицкоски и градоначалникот на општина Кавадарци Митко Јанчев, присуствуваше на отворањето на Регионалниот центар за згрижување на бездомни животни и ветеринарно здравство во општина Кавадарци “Шепа”.

Спроведени 617 вонредни контроли пред Велигден

Шестотини и седумнаесет вонредни контроли спроведоа инспекциските служби на Агенцијата за храна и ветеринарство (АХВ) пред велигденските празници. Кај 16 оператори со контролите утврдено е дека незадоволителни биле хигиенските барања за безбеднсот на храната и техничките услови во објектите.

АХВ спроведува вонредни засилени контроли пред Велигден

Официјалните ветеринари и инспекторите за храна на Агенцијата за храна и ветеринарство (АХВ) спроведуваат вонредни засилени контроли пред велигденските празници.

Казнета кланица поради непочитување на законски одредби за нештетно отстранување на нус производи по колење

Инспекциските служби на Агенцијата за храна и ветеринарство (АХВ), утрово спроведоа вонреден инспекциски надзор по вчера вечер објавената информација на социјалната мрежа ФБ дека струмичка кланица, преку цевка, директно испушта крв во река.