Codex Alimentarius

Codex Alimentarius е збир на меѓународно признаени стандарди, правила на постапување, насоки и други препораки поврзани со храната, производството на храна и безбедност на храната со цел заштита на потрошувачите.

Овие стандарди се развиваат и одржуваат од страна на Комисијата на Кодекс Алиментариус (Codex Alimentarius Commission), тело основано во ноември 1961 година од страна на ФАО (Организацијата за храна и земјоделство на Обединетите нации). Кон овој проект подоцна се приклучи и Светската здравствена организација (СЗО).

ЦЕЛИ

Главните цели на Комисијата на Кодекс Алиментариус се заштита на потрошувачите, како и обезбедување фер практики во меѓународната трговија со храна.
Codex Alimentarius е признаен од страна на Светска трговска организација (СТО) како меѓународна референтна точка за решавање спорови кои се однесуваат на безбедност на храната и заштитата на потрошувачите.
Освен стандардите за одредени видови храни, Codex Alimentarius содржи општи стандарди кои ги опфаќаат прашањата како означување на храна, хигиена на храна, додатоци во исхрана, резидуи од пестициди, итн.
Во исто време, Codex Alimentarius содржи и насоки за увоз и извоз, како и инспекција и сертификација на системите за храна.

Агенцијата за храна и ветеринарство, како контакт точка за Codex Alimentarius аплицираше на отворениот повик за поддршка од FAO/WHO Codex Trust Fund (Round 2). Апликацијата беше верификувана од повеќе институции вклучени во Codex Alimentarius од областа на безбедност на храната, помеѓу кои и Институт за јавно здравје на Република Северна Македонија, Канцеларијата на СЗО во Република Северна Македонија, претставникот на FAO за Република Северна Македонија.

Проектот ќе биде насочен кон зајакнување на капацитетите за воспоставување на оперативна национална Кодекс структура, и ефикасно вклучување на Република Северна Македонија во Кодекс системот, со активно учество во работата на Кодекс, како рамноправна членка.

Кодекс алиментариус соопштенија

Директорот на Агенцијата за храна и ветеринарство, г-динот Николче Бабовски, денес во Битола оствари два работни состаноци

Директорот на Агенцијата за храна и ветеринарство, г-динот Николче Бабовски, денес во Битола оствари два работни состаноци и тоа со деканот на ветеринарниот факултет во Битола, проф. д-р Никола Караболовски, и со директорот на средното земјоделско училиште, г-дин Благојче Кривевски. Во рамките на овие две посети, г-дин Бабовски со своите домаќни разговараше за капацитетите на двете образовни институции и беа разменети искуства од областа на образованието и земјоделството.

Бабовски за МИА: Граѓаните да бидат мирни, храната е безбедна

Граѓаните можат да бидат мирни. Храната што ја јадеме е безбедна. Контролите се континуирани и зајакнати, надзорот се засилува, а бројот на инспекции е зголемен, уверува директорот на Агенцијата за храна и ветеринарство (АХВ), Николче Бабовски.

До АХВ се поднесуват и бизарни претставки

Ми мириса во влез на печено месо и пржени компири, јастребот на соседот ми ги усмртува гулабите, да дојдете да го отстраните осилото од дрво во Градски парк зашто се плашиме и не можеме да се релаксираме, бездомните кучиња гласно лаат, не вознемируваат, не можеме да спиеме…

Почна најновиот циклус обуки за пренесување на стекнатото знаење од меѓународни обуки

Од 5 до 8 октомври 2021 година во Гевгелија, Агенцијата за храна и ветеринарство на Република Северна Македонија го спроведува новиот циклус обуки за дисеминација на знаењето и вештините стекнати за време на меѓународни обуки.

АХВ го одбележа 28 Септември- Светски ден на борба против беснило

Под мотото ,,Нула смртни случаи од беснило до 2030,, и “Беснилото завршува овде, со тебе” и годинава Агенцијата за храна и ветеринарство се вклучува во глобалната кампањата за одбележување на 28 септември - Светски ден за борба против беснило...

Бабовски учесник на 61 - Меѓународна конференција на месната индустрија во Златибор

Директорот на Агенција за храна и ветеринарство Николче Бабовски и Илија Георгиев, раководител на Одделението за координација и контрола на лабораториите, од 26 до 29 септември учествуваат на 61 - Меѓународна конференција на месната индустрија која се одржува во Златибор

Отповикување на Јана витамини Happy портокал од 0,5 и 1,5л

Агенцијата за храна и ветеринарство (АХВ) ги информира потрошувачите дека операторот со храна ДПТУ АВТ Интернационал, од пазарот врши отповикување на Јана витамини Happy портокал од 0,5 и 1,5л, поради утврдено присуство на етилен оксид.

Одбележување на светскиот ден против беснило- 28 септември 2021 година

Како дел од многубројните настани кои се организираат со цел одбележување на Светскот ден против беснило- 28 септември, на глобално ниво, Регионалното претставништво на ОИЕ за Европа организира вебинар

Отповикување на сладолед од кокос

Агенцијата за храна и ветеринарство (АХВ) ги информира потрошувачите дека операторот со храна АЛМА М Дооел, од пазарот врши отповикување на сладоледи БАУНТИ ЕКСТРА стапче 1х24 (51.6 гр), поради утврдено присуство на етилен оксид.

Отповикување на напиток од кокос

Агенцијата за храна и ветеринарство (АХВ) ги информира потрошувачите дека операторот со храна ТДПТГМ РУДИНЕ ММ ДОО Скопје, од пазарот врши отповикување на АЛПРО БИО КОКОСОВ НАПИТОК од 1L, поради утврдено присуство на етилен оксид.