Доколку најдете угината дива свиња ве молиме да пријавите на 0800 00 210. Следува награда од 2500 денари

Доколку најдете угината дива свиња ве молиме да пријавите на
0800 00 210
Следува награда од 2500 денари

Codex Alimentarius

ЗА CODEX
СООПШТЕНИЈА
ПРОЕКТИ

Codex Alimentarius е збир на меѓународно признаени стандарди, правила на постапување, насоки и други препораки поврзани со храната, производството на храна и безбедност на храната со цел заштита на потрошувачите.

Овие стандарди се развиваат и одржуваат од страна на Комисијата на Кодекс Алиментариус (Codex Alimentarius Commission), тело основано во ноември 1961 година од страна на ФАО (Организацијата за храна и земјоделство на Обединетите нации). Кон овој проект подоцна се приклучи и Светската здравствена организација (СЗО).

Главните цели на Комисијата на Кодекс Алиментариус се заштита на потрошувачите, како и обезбедување фер практики во меѓународната трговија со храна.

Codex Alimentarius е признаен од страна на Светска трговска организација (СТО) како меѓународна референтна точка за решавање спорови кои се однесуваат на безбедност на храната и заштитата на потрошувачите. Освен стандардите за одредени видови храни, Codex Alimentarius содржи општи стандарди кои ги опфаќаат прашањата како означување на храна, хигиена на храна, додатоци во исхрана, резидуи од пестициди, итн.

Во исто време, Codex Alimentarius содржи и насоки за увоз и извоз, како и инспекција и сертификација на системите за храна.

Агенцијата за храна и ветеринарство, како контакт точка за Codex Alimentarius аплицираше на отворениот повик за поддршка од FAO/WHO Codex Trust Fund (Round 2). Апликацијата беше верификувана од повеќе институции вклучени во Codex Alimentarius од областа на безбедност на храната, помеѓу кои и Институт за јавно здравје на Република Северна Македонија, Канцеларијата на СЗО во Република Северна Македонија, претставникот на FAO за Република Северна Македонија.

Проектот ќе биде насочен кон зајакнување на капацитетите за воспоставување на оперативна национална Кодекс структура, и ефикасно вклучување на Република Северна Македонија во Кодекс системот, со активно учество во работата на Кодекс, како рамноправна членка.
 

Кодекс алиментариус соопштенија

Правилник за директно снабдување и за храната од неживотинско потекло
Во соработка со науката и невладиниот сектор, Агенцијата за храна и ветеринарство ќе подготви подзаконски акт со кој ќе го уреди пласманот на пазарот и на мали количини производи од неживотинско потекло, како што се разни слатка, мармелади и преработки од зеленчук.
Два проценти од краварските фарми класифицирани во прва категорија
Во финална фаза е категоризирањето на краварските фарми, активност која Агенцијата за храна и ветеринарство ја почна минатата година, а со која се опфатени 5.747 краварски фарми кои предаваат млеко во преработувачките капацитети.
Потпишан договор за соработка со бугарскиот Центар за проценка на ризик
Првите луѓе на Агенцијата за храна и ветеринарство и бугарскиот Центар за проценка на ризик во синџирот на исхрана, Зоран Атанасов и Георги Георгиев, денес потпишаа меморандум за соработка меѓу двете институции.
Престанува вакцинацијата на свињите против класична чума
Агенцијата за храна и ветеринарство (АХВ), од денес ја прекинува вакцинацијата на свињите против болеста класична свинска чума, како дел од сетот превентивни активности, кои ги презеде во изминативе две години, со цел создавање услови за добивање на дозвола за извоз на домашно свежо свинско месо на европскиот и светскиот пазар, каде расте и побарувачката и цената на овој тип месо.
АХВ поднесе кривична пријава против сопственикот на ресторанот „Мир“
Поднесена кривична пријава против сопственикот на сопственикот на ресторанот „Мир“ во прилепското село Ораовец кој е лоциран на вештачкото езеро.
Со едукација и забава одбележан Светскиот ден на борба против беснило
Агенцијата за храна и ветеринарство (АХВ) и годинава се вклучи во глобалното одбележување на Светскиот ден на борба против беснило - 28 септември.
АХВ изврши вонредна инспекциска контрола во Гевгелија
Инспекциските служби на Агенцијата за храна и ветеринарство на 20.09.2019 година во Гевгелија, спроведоа вонредна  контрола кај 5 оператори со храна – 4 маркети и 1 месарница.
Во сабота во Градски парк АХВ ќе го одбележи Светскиот ден на борба против беснило
Агенцијата за храна и ветеринарство и годинава се вклучи во глобалното одбележување на Светскиот  ден на борба против беснило - 28 септември, кој ќе се одбележи под мотото “Беснилото завршува овде”.
Учениците од “Браќа Миладиновци” дел од кампањата за одбележување на Светскиот ден на борба против беснило
За основите како да се биде одговорен сопственик, како да е однесуваме кон милениците, колку пати дневно и како да ги храниме, дали и колку често да ги носиме на ветеринар, што значи благосостојбата на милениците, но и како да бидеме одговори и совесни граѓани водејќи сметка и за бездомните животни, се дел од прашањата  на кои во предавањето се осврна универзитетскиот професор од Факултетот за ветеринарна медицина Пламен Тројачанец.
Одржана Експертска мисија за посебните барања за безбедност на природната минерална вода, изворската вода и друга пакувана вода
Во организација на Агенцијата за храна и ветеринарство и TAIEX инструментот на Европската комисија од 23-24 септември 2019 година во Скопје се одржа Експертска мисија за посебните барања за безбедност на природната минерална вода, изворската вода и друга пакувана вода со која претседаваше прим. д-р Ленче Јовановска, а како експерти од ЕУ учествуваа Г-ѓа Ilona Drulyte од Литванија и Г-дин Evangelius Mourelatos од Грција.