Корисниците на услуги на Агенцијата за храна и ветеринарство (АХВ) во изминатите две години ја оценија работата на Агенција со оценки меѓу 4 и 5, покажуваат податоците од анализите за мерење на задоволството на корисниците на услуги, кои се спроведуваат во рамки на вреднување на перформансите на Системот за менаџмент со квалитет на АХВ, со цел да се утврди дали институцијата ги исполнила барањата на корисниците.

Врз основа на имплементираниот стандард ISO 9001:2015, ...

Од 17 до 20 декември 2018 година, Агенцијата за храна и ветеринарство на Република Северна Македонија го спроведува вториот циклус обуки за дисеминација на знаењето и вештините стекнати за време на меѓународни обуки. На обуките ќе се обработат теми кои се однесуваат на хигиена на храна при примарно производство, проценка на ризик, хигиена на храна и флексибилност и информации поврзани со храна.

Агенцијата за храна и ветеринарство на Република Северна Македонија е институција корисник на специјализирани обуки “Подобра обука за побезбедна храна” кои ги организира Европската комисија во областа на безбедност на храната и ветеринарната политика.

Во Македонија се конзумира безбедна храна. Затоа постојат и мониторинг програми, како и посебна програма за безбедност на храната поделена во посебни сегменти и сите анализи покажуваат дека јадеме квалитетна односно безбедна храна, рече директорот на Агенција за храна и ветеринарство Зоран Атанасов на промотивниот настан кој во пресрет на 16 Октомври - Светски ден на храната, се одржа денес во Веро Центар во Скопје. На настанот, компании од прехранбениот сектор ги презентираа своите производи пред граѓаните и донираа храна за СОС Детско село и пунктот за бездомни лица на Црвениот крст во Момин Поток.

Со финансиска поддршка на Организацијата за земјоделство и храна на Обединетите Нации – ФАО, Агенцијата за храна и ветеринарство, подготви едукативен видео материјал на македонски и албански јазик за препознавање на болестите Син јазик и Чвореста кожа.

Прифатилиште за улични животни во рамките на Општина Аеродром, едукативни и информативни кампањи, субвенции за вдомување миленик и мрежа на „старатели“ на бездомните животни се само дел од предложените мерки на вчерашната средба со граѓанските здруженија и активисти за заштита на правата на животните.

Агенцијата за храна и ветеринарство ги информира потрошувачите за повлекување и отповикување на производот, млечна храна за доенчиња со трговско име Picot SL. и тоа производите од брендот Picot SL Celia Prema, Celia Digex -12, Celia Expert 2 со сериски броеви: 17С0013095; 17С0012806 и 170012838 по потекло од Франција, фабрика Лакталис, а увезени во Република Северна Македонија преку фирмата Промедика ДООЕЛ од Скопје.

Агенцијата за храна и ветеринарство реализира циклус предавања на барање на средното училиште на Град Скопје ,,Георги Димитров,, на тема ,,Храна и исхрана,,. Предавањата се реализираа во рамки на соработката на Агенцијата со македонскиот образовен систем.

Поради појава на болеста Инфективна анемија кај копитарите, кај коњи во селото Брест, во општината Чучер Сандево, директорот на Агенцијата за храна и ветеринарство Зоран Атанасов во својство на претседател, вчера попладне одржа координативен состанок со претставници од релевантни институции членки на Националниот центар за контрола на болести.

Агенцијата за храна и ветеринарство доби известување од компанијата увозник на производите од француски “Лакталис”, дека од пазарот во Република Северна Македонија превентивно е повлечен производот детска храна за доeнчиња - Целија Експерт 2, со сериски број 17Ц0012838.

Во периодот од 7 до 8 декември 2017 година, директорот на Агенцијата за храна и ветеринарство, г-дин Зоран Атанасов, заедно со министерот за земјоделство, шумарство и водостопанство, г-дин Љупчо Николовски, и директорот на Агенцијата за финансиска поддршка во земјоделството и руралниот развој, г-дин Николче Бабовски, беа во официјалната посета на Загреб, Република Хрватска.

Во периодот од 5 до 6 декември 2017 година, директорот на Агенцијата за храна и ветеринарство, г-дин Зоран Атанасов, учествуваше на 66 состанок на мрежата на национални координатори на Европската агенција за безбедност на храна (ЕФСА).

Официјален ветринар на Агенцијата за храна и ветеринарство излеле на лице место веднаш по нападот од куче во кој завчера во скоската населба Аеродром беа повредени неколку лица. Од страна на екипите на стационарот Вардариште во текот на вчерашниот ден кучето е заловено и ставено во карантин. Извршен е клинички преглед на кучето и истото ќе остане под официјалн надзор во наредниве 15 дена во кои ќе се следи неговото однесување и евентуалното појавување на знаци на болеста беснило.

Агенцијата за храна и ветеринарство апелира до одгледувачите на живина да преземат превентивни мерки за да го намалат ризикот од појава или пренесување на болеста Авијарна инфлуенца, која веќе е присутна во некои од соседните и земјите од регионот. Следејќи ја состојбата со оваа болест, од страна на Агенцијата, зајакнати се активниот и пасивниот надзор, а засилени се и контролите на граничните премини при увоз на живина, месо и нус производи од месо од живина.

Повеќе од 200 експерти и професионалци од областа на исхраната, здравството, образованието, социјалната заштита и земјоделството се состануваат од вчера во Будимпешта. Тие имаат едно нешто заедничко: уверувањето дека локалните, националните, регионалните и глобалните системи за храна би можеле да придонесат многу повеќе за да го подобрат начинот на исхрана на луѓето.

Земјите во Европа и Централна Азија бележат напредок во намалувањето на преваленцијата на недоволна исхранетост, но околу 14,3 милиони жени и мажи во регионот сè уште не добиваат храна што им е потребна, а неправилната исхрана е во пораст, се истакнува во извештајот на Организацијата на храна и земјоделство на Обединетите нации (ФАО) објавен на 4.12.2017 година.

Врз основа на член 40 став (8) од Законот за ветеринарно здравство („Службен весник на Република Северна Македонија“ бр. 113/07, 24/11, 136/11, 123/12, 154/15 и 53/16) Агенцијата за храна и ветеринарство објавува јавен повик за покажување на интерес за вршење на активности од јавен интерес од областа на здравствена заштита на животните.

Европската агенција за безбедност на храна неодамна го објави годишниот извештај за активностите кои ги има спроведено во 2016 година во однос на ризиците кои се појавуваат, и истиот е достапен на следниот линк

Со цел унапредување на здравјето и подигнување на свеста на најмладата група граѓани – децата за прашања поврзани со безбедноста на храната и исхраната и реализирање на правото на едукација кое го имаат граѓаните на нашата држава, вклучително и децата, Агенцијата за храна и ветеринарство подготви и почна со реализација на Програмата за едукација на децата од предучилишна возраст во Република Северна Македонија.

Директорот на Агенцијата за храна и ветеринарство Зоран Атанасов, вчера, се обрати на свечената академија која се одржа во рамки на одбележувањето на јубилејот „90 години ветеринарна наука и едукација во Македонија” на Факултетот за ветеринарна медицина од Скопје. Одбележувањето на јубилејот е по повод основањето на првата ветеринарна научна и едукативна институција во Македонија, Ветеринарно одделение во рамки на Хигиенскиот завод во Скопје основан 1927 година, од кој подоцна настанува Ветеринарниот институт кој, пак, од 2004 година работи во рамки на Факултетот за ветеринарна медицина – Скопје.

Реализиран е првиот извоз на производи од риба на пазарот на соседна Грција, по ставањето на Република Северна Македонија на листата земји чии објекти се одобрени за извоз на ваков тип производи на пазарот во Европската унија во септември годинава. Компанијата “Метро”од Скопје, која денес ја посети директорот на Агенција за храна и ветеринарство Зоран Атанасов, деновиве го реализира првиот извоз на производи од риба на пазарот во соседна Грција, по добивањето на одобрението од страна на Европската комисија.