Во организација на Агенцијата за храна и ветеринарство и TAIEX инструментот на Европската комисија од 10 до 13 декември 2024 година во Скопје се одржа Експертска мисија за Принципи на хармонизација на ЕУ легислативата со националното законодавство во однос на ветеринарно медицински препарати. 

Целта на оваа експертска мисија е да обезбеди експертиза за усогласување на националното законодавство со европското законодавство во однос на ветеринарно медицинските препарати (ВМП). Тековните напори се насочени кон создавање на нов закон кој ќе го подобри националното законодавство и ќе го усогласи со новата РЕГУЛАТИВА (ЕУ) 2019/6. Со оваа експертска мисија се доби увид во ова ново ажурирано законодавство на ЕУ кое ги регулира ветеринарните медицински препарати, а од студиите на случај од земјите-членки на ЕУ за тоа како овие правила ефективно се применуваат во пракса.

Главни теми кои се обработуваа во текот на експертската мисија беа:

1. Разгледување и разјаснување на самата ЕУ Регулатива 2019/6- предмет, опсег и дефиниции;
2. Овластување за ставање во промет на ВМП: вовед во законодавството на ЕУ, Барање за Досие и сл.;
3. Резиме на карактеристиките на производот, Означување и Упатство за пакување;
4. Pharmacovigilance, Варијации, Пост-маркетинг авторизација, Хомеопатски ВМП и сл.;
5. Производство, увоз и извоз на ВМП;
6. Клинички испитувања, набавка и користење на ВМП, Клчасификација и користење на ВМП;
7. Инспекција и контрола на ВМП.