Астмата е болест која се карактеризира со епизодна опструкција на дишните патишта и хиперреактивност на дишните патишта обично придружена со воспаление на дишните патишта . Во повеќето случаи, опструкцијата на дишните патишта е реверзибилна, но кај некои астматичари, опструкцијата останува иреверзибилна. Кај голем дел од пациентите воспалението на дишните патишта е еозинофилно.

Хроничните болести поврзани со исхраната, како што се кардиоваскуларни болести, дијабетес тип 2, дебелина, црнодробни болести, некои видови на рак и забен кариес, претставуваат голем јавно здравствен проблем. Вишокот на абдоминална маст, проценет со мерење на обемот на половината, независно е поврзан со поголем ризик за метаболен синдром, дијабетес мелитус и кардиоваскуларни болести.

Правилната исхрана (нутриција) е од суштинско значење за одржување на психо-физичкото здравје на тинејџерите, за правилен раст и развој, подобра концентрација и перформанси на училиште и во спортските (атлетските) активности. Многу адолесценти трошат многу повеќе калории од нивниот потребен внес.