
Постои ли колкава е опасноста по здравјето, особено на младите од прекумерна употреба на додатоци во исхраната, колку протеини е потребно да се внесат дневно за добро здравје, има ли и колкава е опасноста од употребата на енергетски пијалаци и нивната злоупотреба со мешање со алкохол, колку треба да си возрасен за да употребуваш храна наменета за спортисти, што се адитиви во храната? Ова се дел на прашањата упатени до седумдесеттина ученици од трета година од гимназијата Јахја Кемал во Скопје, каде денес, тим од Агенцијата за храна и ветеринарство (АХВ) одржа едукативно предавање за безбедноста и означувањето на храната, важноста од балансирана исхрана и опасностите кои може да ги предизвика неконтролираната употреба на спортска храна, енергетски пијалаци се по популарните препарати за слабеење и други видови на храна кои се наменети за посебна категорија граѓани.

На денешната едукативна работилница, која се реализира во рамки на Програмата на Владата за заштита на потрошувачите, промовирана беше и кампањата на Европската Агенција за безбедност на храната (EFSA) – Безбедно за јадење ( Safe2eat), во која годинава, заедно со уште 22 земји, учествува и нашата држава. Агенцијата за храна и ветеринарство како дел од кампања Safe2Eat, во наредниов период активностите ќе ги насочи кон зголемување на довербата на потрошувачите за безбедноста на храната, а, преку темите на кои годинава ќе се фокусира преку голем број на активности, акцент ќе биде ставен на темите кои се однесуваат на додатоците во исхраната, безбедното ракување со храна, здравствените тврдења и влијанието на храната врз здравјето на граѓаните.
Интерактивно, во соработка со сите чинители вклучени во системот за безбедност на храна, почнувајќи од потрошувачите, преку институциите, науката, владиниот и невладиниот сектор, во петтата година од реализацијата, кампањата на EFSA која во земјава ќе ја реализира Агенцијата за храна и ветеринарство на потрошувачите ќе им обезбеди јасни, научно поддржани факти за безбедноста на храната и совети, со единствена цел тие да избираат храна како информирани потрошувачи.