Како општествено одговорна институција, Агенцијата за храна и ветеринарство (АХВ) постапи по заклучокот на Комисијата за контрола на заразните болести на Дирекцијата за заштита и спасување и отстапи на користење две автоматски дезинфекциони прскалки за возила. Станува збор за опрема за вршење на автоматска дезинфекција на возила кои се поставени на влезот и излезот на општините Дебар и Центар Жупа, каде неодамна, поради состојбата со вирусот КОВИД 19, беше прогласена кризна состојба.

Како поддршка во спроведувањето на мерките на Владата на Република Северна Македонија за борба против Корона вирусот, покрај прскалките, Агенцијата отстапи и дел од средствата за еднократна заштита, со цел обезбедување на оптимални услови за заштита на населението и непречено спроведување на мерките за заштита од вирусот. 

Деновиве, уште две автоматски прскалки за дезинфекција, АХВ ќе и отстапи и на Царинската управа.