Sektori i mbrojtjes shëndetësore dhe i mirëqenies së kafshëve e koordinon punën e Njësisë së mbrojtjes shëndetësore të kafshëve, Njësisë së mirëqenies së kafshëve, Njësisë së identifikimit dhe të regjistrimit të kafshëve dhe Njësisë së planeve për masat urgjente; merr pjesë në hartimin e ligjeve dhe të akteve nënligjore, programeve dhe akteve të tjera të fushës së veterinës; përgatit analiza, informata për gjendjen e mbrojtjes shëndetësore të kafshëve; organizon dhe realizon bashkëpunime me organet dhe sektorët e tjerë kompetentë.
1.1 Njësia e mbrojtjes shëndetësore të kafshëve i bën këto punë:
- e ndjek gjendjen e sëmundjeve te kafshët në Republikën e Maqedonisë së Veriut;
- Përgatit programe për kontrollin/eliminimin e sëmundjeve te kafshët;
- Përgatit raporte për gjendjen shëndetësore të kafshëve;
- E mirëmban sistemin kombëtar informativ epizootiologjik dhe bazat e tjera të të dhënave për mbrojtjen shëndetësore të kafshëve;
- E ndjek gjendjen e sëmundjeve të ndryshme në mbarë botën;
- Përgatit akte ligjore dhe nënligjore nga fusha e mbrojtjes shëndetësore të kafshëve;
- Bën kontrollin e faturave të dorëzuara te shoqëritë veterinare, të cilat i zbatojnë programet dhe masat e mbrojtjes shëndetësore të kafshëve;
- Bën evidencën dhe regjistrimin e shoqërive veterinare;
- Komunikon me organizatat ndërkombëtare nga fusha e mbrojtjes shëndetësore (OIE, FAO, Parlamenti Evropian në Strasburg, etj).
1.2 Njësia e mirëqenies së kafshëve i bën këto punë:
-
e ndjek gjendjen e mirëqenies së kafshëve në Republikën e Maqedonisë së Veriut;
-
Përgatit plane për avancimin e mirëqenies së kafshëve;
-
Përgatit raporte për mirëqenien e kafshëve;
-
Përgatit akte nënligjore në lidhje me mirëqenien e kafshëve;
-
Merr pjesë në përgatitjen e akteve ligjore dhe nënligjore nga fusha e mirëqenies së kafshëve;
-
Bën kontroll i faturave për aktivitetet e kryera në lidhje me mirëqenien e kafshëve;
-
Komunikon me organizatat ndërkombëtare në lidhje me mirëqenien e kafshëve shëndetësore (OIE, FAO, Parlamenti Europian në Strasburg, etj).
1.3 Njësia e identifikimit dhe e regjistrimit të kafshëve i bën këto punë:
- Identifikimin dhe regjistrimin e kafshëve;
- Regjistrimin e mbarështimeve të kafshëve dhe përditësimin e rregullt të të dhënave nga Regjistri Qendror i mbarështimeve;
- Harton plane për avancimin e sistemit për identifikimin dhe regjistrimin e kafshëve;
- Kontrollon punën e thertoreve në pjesën e IR-së, jep ndihmë dhe konsultime në lidhje me detyrimet dhe detyrat e tyre;
E ndjek punën e tregjeve të blegtorisë në pjesën e IR-së, jep konsultime dhe ndihmë teknike; - Jep mbështetje logjistike, ndihmë teknike dhe trajnim të stacioneve veterinare, thertoreve, mbarështimeve dhe palëve të tjera të përfshira;
- Përgatit dhe jep dokumente individuale për lëvizjen e kafshëve dhe kontrollon dërgimin e tyre;
- Administron bazën qendrore të të dhënave, kontrollon bazën e tërësishme të të dhënave për zhvillimin e pandërprerë të procesit të futjes së të dhënave në të;
- Organizon mbikëqyrjen e zbatimit të kontrollit të mbarështimit të kafshëve në raport me IR-në në territorin e Republikës së Maqedonisë së Veriut.
1.4 Njësia e planeve për masat urgjente i bën këto punë:
- E ndjek gjendjen e sëmundjeve veçanërisht të atyre më të rrezikshme te kafshët në Republikën e Maqedonisë së Veriut;
- Përgatit plane për masat urgjente, procedura operative, drejtime të punës dhe instruksione, formularë, lista kontrolluese, materiale informative për ngritjen e vetëdijes publike dhe materiale për përforcimin e kapaciteteve të AUV-së për sëmundjet e rrezikshme dhe të prekshme te kafshët;
- merr pjesë në ngritjen e vetëdijes publike veçanërisht për sëmundjet që janë të rrezikshme për shëndetin e kafshëve;
- Mban gjendje gatishmërie të plotë për zbatimin e planeve për masat urgjente dhe doracakët operative;
- Planifikon, organizon dhe zbaton ushtrime simulimi;
- Komunikon me institucionet e duhura në Republikën e Maqedonisë së Veriut në drejtim të zvogëlimit dhe të zhdukjes së sëmundjeve veçanërisht të rrezikshme te kafshët;
- komunikon me organizatat ndërkombëtare nga fusha e mbrojtjes shëndetësore;
- Ndjek gjendjen me prokurimin dhe shpërndarjen e pajisjeve të nevojshme për zvogëlimin ose zhdukjen e sëmundjeve veçanërisht të rrezikshme te kafshët.