Како еден од основоположниците на Агенцијата за храна и ветеринарство со своето богато искуство таа повеќе од 25 години придонесува за развојот на ветеринарната дејност во Република Северна Македонија.

Таа е долгогодишен раководител на Секторот за евроинтеграции и меѓународна соработка одоговорна за координирање и раководење на процесот на евроинтеграции во областа на Поглавјето 12 - безбедност на храната, ветеринарната и фитосанитарната политика, како и за развивање и обединување на политиките поврзани со процесот на усогласувањето на националното законодавство кон законодавството на Европската унија.

Исто така таа е главна точка за комуникација со институциите на Европската Унија од областа на безбедност на храната, храната за животни, ветеринарната и фитосанитарната политика.

Дополнително, раководи со активностите поврзани со управување на проекти, соработка со меѓународни организации и тела како координација на странска помош во процесот на меѓународната и билатералната соработка.