ЕФСА редовно организира тренинг активности (вежби) за подготвеност при кризи и поврзани активности за планирање, како да се одговори на можни итни ситуации. Бидејќи кризите неможе да се ограничат во границите на ЕУ, од клучно значење е да се вклучат претпристапните ЕУ земји во таквата вежба за подготвеност. Инструментот за претпристапна помош (ИПА) обезбедува финансиска и техничка помош за поддршка на реформите во регионот на проширување на ЕУ, градејќи ги капацитетите на корисниците (Албанија, Босна и Херцеговина, Косово, Црна Гора, Северна Македонија, Србија и Турција) во текот на процесот на пристапување.

За поддршка на земјите од ИПА во градењето капацитети за справување со идните кризи поврзани со храната, треба да се развие и спроведе повеќегодишна обука за подготвеност при кризи.

Целта на набавката ќе биде да обезбеди повеќегодишна обука за подготвеност при кризни ситуации преку:

• развивање на годишни планови и материјали за обука, мерки за успешност на обуката;
• организирање и спроведување на обуката на лице место, собирање повратни информации и мерење на нејзиниот успех;
• советување на ЕФСА и ИПА земјите преку давање препораки за областите на кои им е потребно дополнително подобрување во подготвеноста при кризи.

Краен рок за пријавување интерес е 2 Јануари 2024 година.

Повеќе информации за самата пред-објава на повикот, целите и очекуваните резултати од тренинг активностите, критериумите за селекција на потенцијалниот учесник можете да најдете на следниот линк: https://www.efsa.europa.eu/en/call/npefsaenrel202303-multi-annual-crisis-preparedness-exercises-food-and-feed-safety-ipa