Доколку најдете угината дива свиња ве молиме да пријавите на 0800 00 210. Следува награда од 2500 денари

Доколку најдете угината дива свиња ве молиме да пријавите на
0800 00 210
Следува награда од 2500 денари

Соопштение

Директорот Атанасов одржа состанок со францускиот амбасадор Тимоние

01.03.2018
Постои отворена можност и желба за воспоставување институционална и бизнис соработка меѓу Република Северна Македонија и Република Франција и на полето на безбедноста на храната, храната за животни и ветеринарството, но и размена на искуства кои ќе ја олеснат и интензивираат трговската размена меѓу двете земји, заклучија на денешниот работен состанок во Агенцијата за храна и ветеринарство директорот Зоран Атанасов и Кристијан Тимоние, амбасадор на Република Франција во нашава земја и претставници од Секторот за ЕУ и меѓународна соработка од Агенцијата и од француската амбасада. На состанокот беа презентирани приоритетите на Агенцијата за храна и ветеринарство и разгледани беа полињата на соработка во кои би се насочиле активностите на идната меѓународна соработка.

Почнува со работа македонскиот Систем за предупредување за небезбедна храна

01.03.2018
Од денеска почнува со работа Системот за брзо информирање и управување со небезбедна храна, храна за животни и материјали кои доаѓаат во контакт со храна, изработен по моделот на европскиот Rapid аlert system for food and feed (RASFF).

Презентирани европските искуства за новиот концепт за храна наменета за посебни категории потрошувачи

28.02.2018

Обезбедување и ефективно усогласување на Регулативата (ЕУ) бр. 609/2013 за храна наменета за доенчиња и мали деца, храна за специјални медицински цели и целосна замена на диетата (исхраната) за контрола на телесната тежина, во нов национален правилник, е цел на експертската мисија која со посредство на инструментот за претпристапна помош на Европската Комисија – TAIEX, се одржа за потребите на Секторот за храна од неживотинско потекло и членовите на Комисија за посебни видови храна при Агенцијата за храна и ветеринарство од 26 до 28 февруари.

Регистрацијата и идентификацијата на кучињата дел од приоритетите на Стратегијата за благосостојба на животните

28.02.2018
Македонија не знае колку кучиња скитници има, ниту располага со точна бројка на миленици. Општините, во чија надлежност се уличните кучиња, допрва ќе учат како да ги пребројуваат и допрва ќе формираат прифатилишта или ќе склучуваат договори со шинтерски служби.Како што најави директорот на Агенцијата за храна и ветеринарство Зоран Атанасов на денешниот брифинг со новинарите, почнуваат интензивни активности за решавање на овие два проблема, регистрирање на кучињата скитници, но и целосно идентификување на милениците со микрочипови. Со ова се очекува да се стави ред, особено во руралните средини.

Нови перспективи за јонизирачкото зрачење на храната и во Република Северна Македонија

27.02.2018
“За прв пат оваа година Агенцијата за храна и ветеринарство ќе врши задолжителни испитувања на тоа дали и која храна во Република Северна Македонија е третирана со јонизирачко зрачење, како една од технологиите за продолжување на рокот на производите, која според законските прописи во Република Северна Македонија задолжително треба да биде означено. Почнати се контролите за чаевите и зачините, од домашно производство и од увоз. Ова се дел од обврските кон Европската унија од Поглавјето 12, кои се однесуваат на прашањата дали во Република Северна Македонија има капацитети за јонизирачко зрачење на храната и дали се вршат контроли од овој тип.

ТАIEX работилница за регистрација и одобрување на објекти и оператори со храна за животни

26.02.2018
Презентација на законските барања и услови за регистрација и одобрување на објекти и оператори со храна за животни, со јасна дистинкција кој е предмет на процесот на регистрација, а кој на процес на одобрување, е темата на работилницата“Регистрација и одобрување на операторите со храна за животни”, која денес и утре во организација на Агенцијата за храна и ветеринарство и инструментот за претпристапна помош на Европската Комисија – TAIEX, се одржува во Скопје. На работилницата учествуваат претставници од Агенција од Секторот за ветеринарно јавно здравје, Секторот за инспекциски надзор и официјални ветеринари.

ЕФСА подготви извештај за болеста Чвореста кожа

23.02.2018
Европската агенција за безбедност на храна (ЕФСА) преку својата мрежа на фокални точки проследи информација за објавен научен извештај: “Болест на чвореста кожа – II. Собирање податоци и анализа” изготвен од страна на експерти од ЕФСА.

Повеќе да се инвестира во истражувања на безбедноста на храната

23.02.2018
Европската агенција за безбедност на храна (ЕФСА) преку својата мрежа на фокални точки проследи информација за објавенa заедничка изјава на ЕФСА и Советодавниот форум на ЕФСА по повод одржувањето на првото Собрание за истражување на проценка на ризик.

AХВ спроведува засилени инспекциски контроли во месарниците

23.02.2018
Агенцијата за храна и ветеринарство спроведува засилени инспекциски контроли во месарниците во земјава. Од декември досега, официјалните инспектори ги исконтролираа условите за производство, чување и трговија со месо и производи и подготовки од месо во 398 месарници.
Со контролите констатирани се недоследности кои се однесуваат на нехигиена во објектите, неспроведени мерки за дезинфекција и дезинсекција, неправилно декларирање на месото, непоседување на комерцијален документ за пратка месо.

Кралското здружение за заштита на животните од суровост од Велика Британија одржа обука за спроведување на тестот за социјализација на кучиња

21.02.2018
Директорот на Директорот на Агенцијата за храна и ветеринарство Зоран Атанасов, денес оствари работен состанок со Александра Хамонд Симан, експерт за благосостојба на животните од регионалната канцеларија на Кралското здружение за заштита на животните од суровост од Велика Британија во Хрватска. На состанокот беа објаснети основите на обуката за социјализација на кучињата за која се одржува неделава, а прецизирани беа и деталите за продолжување на соработката на Агенцијата со ова здружение.

Безбедноста на храната почнува на фармите, идентификацијата и регистрацијата на животните клучна алатка

20.02.2018
Во полн ек се активностите кои ги спроведува Агенцијата за храна и ветеринарство за добивање на дозвола за извоз на свежо свинско месо на европскиот пазар. Оваа и идната година акцент ќе се стави на зајакнување на биосигурносните мерки на фармите, а од 2020 година, како што информираше денес директорот на Агенцијата за храна и ветеринарство Зоран Атанасов на дводневната работилница за унапредување на системот за идентификација и регистрација на свињите која се одржува поддршка од инструментот за претпристапна помош на Европската Комисија – TAIEX.

TAIEX работилница за унапредување на системот за идентификација и регистрација на свињи

19.02.2018
“Подигнување на јавната свест на одгледувачите на свињи за важноста од комплетна функционалност на системот за идентификација и регистрација на свињи преку почитување на законските и подзаконските акти кои ја уредуваат оваа материја се основа за негово и унапредување на оваа сточарска гранка, како база за креирање на идни политики кои Република Северна Македонија ќе ја позиционираат од земја увозник, на земја извозник на свежо месо на европскиот и светскиот пазар. Исклучително важно е во овој систем да бидат интегрирани сите одгледувачи на овој тип животни, односно дури и оние кои одгледуваат само едно животно, за да може да се воспостави поголема контрола на болестите.

Корисниците на услуги дадоа највисоки оценки за работењето на АХВ

25.01.2018
Корисниците на услуги на Агенцијата за храна и ветеринарство (АХВ) во изминатите две години ја оценија работата на Агенција со оценки меѓу 4 и 5, покажуваат податоците од анализите за мерење на задоволството на корисниците на услуги, кои се спроведуваат во рамки на вреднување на перформансите на Системот за менаџмент со квалитет на АХВ, со цел да се утврди дали институцијата ги исполнила барањата на корисниците.

Врз основа на имплементираниот стандард ISO 9001:2015, ...

Почна вториот циклус обуки за пренесување на стекнатото знаење стекнато на меѓународните обуки

17.01.2018
Од 17 до 20 декември 2018 година, Агенцијата за храна и ветеринарство на Република Северна Македонија го спроведува вториот циклус обуки за дисеминација на знаењето и вештините стекнати за време на меѓународни обуки. На обуките ќе се обработат теми кои се однесуваат на хигиена на храна при примарно производство, проценка на ризик, хигиена на храна и флексибилност и информации поврзани со храна.

Агенцијата за храна и ветеринарство на Република Северна Македонија е институција корисник на специјализирани обуки “Подобра обука за побезбедна храна” кои ги организира Европската комисија во областа на безбедност на храната и ветеринарната политика.

AХВ го одбележа Светскиот ден на храната

14.01.2018
Во Македонија се конзумира безбедна храна. Затоа постојат и мониторинг програми, како и посебна програма за безбедност на храната поделена во посебни сегменти и сите анализи покажуваат дека јадеме квалитетна односно безбедна храна, рече директорот на Агенција за храна и ветеринарство Зоран Атанасов на промотивниот настан кој во пресрет на 16 Октомври - Светски ден на храната, се одржа денес во Веро Центар во Скопје. На настанот, компании од прехранбениот сектор ги презентираа своите производи пред граѓаните и донираа храна за СОС Детско село и пунктот за бездомни лица на Црвениот крст во Момин Поток.

АХВ подготви едукативен спот за препознавање на болестите Син јазик и Чвореста кожа

27.12.2017
Со финансиска поддршка на Организацијата за земјоделство и храна на Обединетите Нации – ФАО, Агенцијата за храна и ветеринарство, подготви едукативен видео материјал на македонски и албански јазик за препознавање на болестите Син јазик и Чвореста кожа.

Предложени мерки за средување на состојбата со уличните кучиња во општина Аеродром

22.12.2017
Прифатилиште за улични животни во рамките на Општина Аеродром, едукативни и информативни кампањи, субвенции за вдомување миленик и мрежа на „старатели“ на бездомните животни се само дел од предложените мерки на вчерашната средба со граѓанските здруженија и активисти за заштита на правата на животните.

Дополнително повлечени количини млечна храна за доенчиња на Лакталис

21.12.2017
Агенцијата за храна и ветеринарство ги информира потрошувачите за повлекување и отповикување на производот, млечна храна за доенчиња со трговско име Picot SL. и тоа производите од брендот Picot SL Celia Prema, Celia Digex -12, Celia Expert 2 со сериски броеви: 17С0013095; 17С0012806 и 170012838 по потекло од Франција, фабрика Лакталис, а увезени во Република Северна Македонија преку фирмата Промедика ДООЕЛ од Скопје.

Средношколците од Георги Димитров учеа за безбедноста на храната

21.12.2017
Агенцијата за храна и ветеринарство реализира циклус предавања на барање на средното училиште на Град Скопје ,,Георги Димитров,, на тема ,,Храна и исхрана,,. Предавањата се реализираа во рамки на соработката на Агенцијата со македонскиот образовен систем.

Инфективна анемија кај коњи се појави во Скопско

20.12.2017
Поради појава на болеста Инфективна анемија кај копитарите, кај коњи во селото Брест, во општината Чучер Сандево, директорот на Агенцијата за храна и ветеринарство Зоран Атанасов во својство на претседател, вчера попладне одржа координативен состанок со претставници од релевантни институции членки на Националниот центар за контрола на болести.