Доколку најдете угината дива свиња ве молиме да пријавите на 0800 00 210. Следува награда од 2500 денари

Доколку најдете угината дива свиња ве молиме да пријавите на
0800 00 210
Следува награда од 2500 денари

Соопштение

Нема небезбедни морски плодови на македонскиот пазар

16.10.2018
Како контакт точка на Системот за брзо предупредување за храна и храна за исхрана на животни (РАССФ) на Европската унија, Агенцијата за храна и ветеринарство досега нема добиено нотификација за небезбедна пратка сурими ракчиња по потекло од Јапонија. Како одговорна институција за безбедноста на храната ги информираме потрошувачите дека според Системот за евиденција на влез и транзит на пратки од животинско потекло на Агенцијата за храна и ветеринарство, увоз на ваков вид производ од Јапонија не е извршен.

АХВ ја предаде донацијата во храна на СОС Детско село и на Пунктот за бездомни лица во Момин Поток

15.10.2018
Директорот на Агенција за храна и ветеринарство Зоран Атанасов, денес, на Пунктот за бездомни лица на Црвениот крст во Момин Поток и на СОС Детско село им ја предаде донацијата во храна која компаниите од прехранбениот сектор ја донираа во рамки на манифестацијата која вчера се одржа во Веро Центар по повод одбележување на 16 октомври – Светски ден на храната.

Прифатилиштата најсоодветен систем за контрола на популацијата кучиња

10.10.2018
Директорот на Агенција за храна и ветеринарство Зоран Атанасов, денес, на иницијатива на Агенцијата, во соработка со г-дин Брајан Фаулкнер, претставник на Кралското здружение за заштита на животните од суровост од Велика Британија (RSPCA), одржа состанок со претставници од Заедницата на единиците на локалната самоуправа – ЗЕЛС на кој се дискутираше за воспоставување на соодветен систем за контрола на бездомните кучиња од страна на општините.

Од утре почнува есенската кампања за вакцинација на лисиците против беснило

10.10.2018
Со авионско фрлање на вакцинални мамки, од утре, 11 Октомври, почнува тринаесеттата, есенска кампања на Агенцијата за храна и ветеринарство за вакцинација на лисиците против беснило која ќе се реализира со финансиска поддршка од Европската унија. На целата територија на Република Северна Македонија, со исклучок на населените места, водените површини и високите планински врвови заклучно со 19 Октомври, од спортските аеродроми во Скопје и Штип, ќе бидат фрлени 500 илјади вакцинални мамки.

АХВ донесе Решение за безбедносни мерки во однос на болеста африканска чума кај свињите

05.10.2018
Со цел спречување на евентуална појава и ширење на болеста Африканска свинска чума која е потврдена во соседна Бугарија, но и во други земји од Европа и регионот, Агенцијата за храна и ветеринарство донесе

Агенцијата за храна и ветеринарство го одбележа 28 септември- Светски ден на борба против беснило

29.09.2018
Агенцијата за храна и ветеринарство во соработка со Ветеринарната комора на Македонија денес пред Школка во Градски парк, организира промотивно-едукативен настан за подигнување на јавната свест за беснилото и важноста од вакцинација на домашните миленици како една од превентивните мерки за ширење на оваа болест која е опасна и за човекот.На настанот кој се организира по повод Светскиот ден на борбата против беснило кој се одбележува на 28 септември годинава е под мотото „Прати ја пораката, спаси живот“.

И годинава АХВ дел од светскaта кампања за борба против беснилото

28.09.2018
Агенцијата за храна и ветеринарство на Република Северна Македонија и оваа година се приклучува кон глобалната кампања за одбележување на Светскиот ден на борба против беснило - 28 септември. По тој повод, утре, сабота, 29 септември 2018 година, пред Школка во Градски парк, од 10:30 до 13:00 часот, Агенцијата во соработка со Ветеринарната комора на Македонија од организира промотивно – едукативен настан за подигнување на јавната свест за беснилото и важноста за вакцинација на домашните миленици како една од превентивните мерки за спречување на ширење на оваа болест која е опасна и за човекот.

АХВ има прецизна евиденција за бројот на домашни миленици

27.09.2018
Агенцијата за храна и ветеринарство, најостро ги демантира наводите изнесени во текстот “Никој не го контролира чипирањето на кучиња” објавен во вчерашното издание на дневниот весник Нова Македонија. Како повикана институција и за здравствената заштита и благосостојбата на животните, вклучително и за домашните миленици, одговорно тврдиме дека евиденција има и таа, Агенцијата за храна и ветеринарство секојдневно ја ажурира.

Бактериска загаденост на храната, причина за труењето во Виница

26.09.2018
Агенцијата за храна и ветеринарство ги доби резултатите од извршените лабораториски испитувања од страна на Центарот за јавно здравје Кочани, на земените мостри од храна – (мајонез салата и мајонез), од сендвичарницата во Виница, каде викендов се случи труење со храна. Лабораториските испитувања потврдија дека земените мостри не одговараат на Правилникот за посебните барања за безбедност на храната кои се однесуваат на микробиолошките критериуми.

На ГП Блаце пуштени во употреба нови објекти за вршње на ветеринарни и фитосанитарни контроли

25.09.2018
Агенцијата за храна и ветеринарство и Министерството за земјоделство, шумарство и водостопанство, денес на граничниот премин Блаце, ги пуштија во употреба двата нови современи објекти за вршење на ветеринарни и фитосанитарни инспекциски контроли на стоки кои се увезуваат, извезуваат или кои транзитираат низ Република Северна Македонија. Објектите се изградени со финансиска поддршка на Европската унија во рамки на Инструментот за предпристапна помош ИПА 2 2015 година, чии корисници се Агенцијата за храна и ветеринарство и Министерство за земјоделство,шумарство и водостопанство – Државен инспекторат за земјоделство, а вкупната вредност изнесува 700.000 евра.

Се чека потврда на причината за труењето со храна во Виница, првичните наоди упатуваат на бактериска загаденост

25.09.2018
Инспекциските служби на Агенцијата за храна и ветеринарство, во соработка со епидемиолог од Центарот за јавно здравје и претставници од Санитарно здравствениот инспекторат, викендов во Виница, извршија вонредна инспекциска контрола во угостителски објект – сендвичарница, по добиено известување дека има лица затруени со храна.

ОИЕ: АХВ главен известувач за регионот за препораките за примена на Стратегијата за антимикробна отпорност

21.09.2018
Разгледување и анализа на ситуацијата со здравствената состојба кај животните во регионот во периодот 2017-2018 година, со посебен акцент на состојбата со присуството на болестите Африканска свинска чума, Чума кај малите преживари, Авијарна инфлуенца и болестите кај водените животни, беа дел од темите на 28 Конференција на ОИЕ – Регионална комисија за Европа, која од 17 до 21 септември се одржа во Тбилиси, Грузија. На конференцијата учествуваа 42 земји членки на ОИЕ од регионот, вклучително и Република Северна Македонија.

АХВ одржа работен состанок со Групацијата на одгледувачи на свињи

20.09.2018
Зајакнување на контролите за заштита на домашните свињарски фарми од болеста Африканска свинска чума, која е веќе присутна во некои земји од регионот, спроведување на мерката донесена од страна на Владата на Република Северна Македонија за увоз на замрзнато свинско месо за преработка и акредитираните методи за испитување на замрзнато свинско месо се темите на кои на денешниот работен состанок разговараше заменик директорот на Агенцијата за храна и ветеринарство, Фирус Мемед со претставници од Групацијата на производители на свинско месо при Стопанската комора на Македонија.

АХВ и ОПМ го издадоа шесттиот е- билтен Потрошувачите и храната

18.09.2018
Организацијата на потрошувачите на Македонија и Агенцијата за храна и ветеринарство го издадоа шестиот број на е-билтенот „Потрошувачите и храната“. Билтенот се подготвува и издава во рамки на Програмата за заштита на потрошувачите за 2018-та година. Во шесттиот број на е- билтенот можете да прочитате како најлесно да најдете органска храна во Република Северна Македонија со помош на апликацијата Органски свет.

ЕФСА подготви едукативен анимиран филм за Африканска чума кај свињите

14.09.2018
Европската агенција за безбедност на храна - ЕФСА, подготви едукативен анимиран филм со практични совети за препознавање на симптомите болеста Африканска свинска чума, за превентивните мерки кои треба да се преземат со цел спречување на нејзина појава и ширење, за симптомите по кои болеста може да се препознае.

Македонија прв пат ќе тестира има ли храна третирана со јонизирачко зрачење

14.09.2018
Агенцијата за храна и ветеринарство, за прв пат, ќе врши испитувања дали на македонскиот пазар има храна третирана со јонизирачко зрачење, согласно Мониторинг програма за безбедност на храна. Испитувањата ќе се вршат во Интегрираната лабораторија за примена на јонизирачки зрачења при Факултетот за електротехника и информациски технологии.

Се зајакнуваат биосигурносните мерки на свињарските фарми

14.09.2018
Се зајакнуваат биосигурносните мерки на фармите со свињи во државава, а паралелно се спроведува и процесот на нивно категоризирање со цел утврдување на степенот на ризик и проценка дали и колку се спроведуваат мерките за здравствена заштита и благосостојба на животните. Ова го најави директорот на Агенцијата за храна и ветеринарство Зоран Атанасов при посетата на свињарската фарма ,,Агро софт,, од Велес, потенцирајќи дека ова е 78 категоризирана фарма за одгледување на свињи од евидентираните 90 со последниот попис кој го спроведе Агенцијата.

Науката, институциите и операторите со храна дебатираа за ГМО

11.09.2018
Од генетски модифицираните организми регистрирани во светски рамки, досега не е евидентиран ниту еден штетен случај врз здравјето на луѓето, рече денеска директорот на Агенцијата за храна и ветеринарство Зоран Атанасов на трибината „ГМО, ГМО-Храна И ГМО-храна за исхрана на животни“, која ја организираше Здружението за земјоделство и прехранбена индустрија при Стопанската комора на Македонија во соработка со Агенцијата за храна и ветеринарство.

AХВ досега евиденрира 9.200 домашни миленици кучиња и мачки

10.09.2018
Во базата на податоци на ветеринарно информативниот систем на Агенцијата за храна и ветеринарство досега се евидентирани 9.200 домашни миленици. Агенцијата ги потсетува сопствениците на миленици дека во тек е кампањата за микрочипирање на милениците - кучиња и мачки, за што Агенцијата обезбеди 100 илјади бесплатни микрочипови.

АХВ утврди присуство на ГМО храна и во Македонија

08.09.2018
При реализација на Програмата за мониторирање на безбедноста на храната во Република Северна Македонија, Агенцијата за храна и ветеринарство откри две пратки со производи позитивни на ГМО, објави на денешната прес конференција директорот на Агенција за храна и ветеринарство Зоран Атанасов.