Соопштение | Агенција за Храна и Ветерина

За две години, од презадолжена, АХВ прерасна во солвентна институција

Од задолжена институција со натрупани повеќегодишни финансиски долгови кои до јуни 2017 година достигнаа 498 милиони денари или околу 8,1 милиони евра, кон сточарите, ветеринарните друштва, лабораториите и другите испорачатели на услуги и состојба пред колапс на целокупниот систем за контрола на безбедноста на храната и здравствената заштита на животните, Агенцијата за храна и ветеринарство (АХВ), само за две години, прерасна во финансиски солвентна институција која редовно и навремено ги исплаќа обврските.

Ќе се унапредува соработката и со косовската Агенција за храна и ветеринарство

Интензивирање и унапредување на соработката во делот на безбедноста на храната, храната за животни и здравствената заштита на животните, договори на денешниот работен состанок директорот на Агенцијата за храна и ветеринарство Зоран Атанасов со претставници на Агенција за храна и ветеринарство на Република Косово.

Растат температурите - Заштитете ги храната и животните

На прагот сме на летото кога со порастот на температурите се зголемуваат и потенцијалните ризици од појава на труење со храна. Високите температури се потенцијална опасност и за здравјето на животните доколку за нив, навреме не се преземат мерки за обезбедување на доволни количини храна и вода за пиење.

АХВ го одбележа првиот Светски ден на безбедна храна

Во Македонија се јаде безбедна храна, а тоа го покажуваат и бројките. Во светот вкупно 600 милиони луѓе се погодени со алиментарна интоксикација, односно во просек заболува еден на десет луѓе, во Македонија минатата година се пријавени девет случаи, меѓутоа само во пет е потврден причинителот за труење со храна, а погоден биле 173 луѓе во тие инциденти.

АХВ дел од глобалното одбележување на 7 јуни - Светски ден на безбедната храна

Агенцијата за храна и ветеринарство (АХВ), како одговорна институција за безбеднoста на храната, се приклучува кон кампањата на Организацијата на Обединетите Нации која почнувајќи од оваа година, 7 Јуни ќе го одбележува како Светски ден на безбедната храна. АХВ ќе биде дел од глобалното, прво одбележување на овој ден, за кој Генералното собрание на Обединетите Нации, во декември минатата година усвои резолуција со која 7 Јуни го прогласи за Светски ден на безбедната храна.

Демант: Паушална е оценката дека нeмa напредок во евро - интерграциите за поглавјето 12

Неиздржана и паушална е изјавата на Цветан Трипуновски, член на ИК на ВМРО-ДПМНЕ, дадена на денешната прес конференција со која свесно манипулирасо јавноста обидувајќи се да ја маргинализира оценката дадена од страна на Европската комисија (ЕК) за Поглавјето 12 – Безбедност на храна, ветеринарна и фито-санитарна политика.

Во Април спроведени 15.365 инспекциски контроли

Приближно 62 тони небезбедна храна од животинско и неживотинско потекло уништиле инспекторите за храна и официјалните ветеринари во април годинава во рамки на спроведените 6.814 инспекциски надзори. Од нив најголемиот дел (4.945) се редовни, 446 контролни и 1.423 вонредни контроли.

Европската комисија со одлична оценка за АХВ за напредокот во евроинтеграциите

Европската комисија (EK), како и за 2017 година, и во овој извештај, оценувајќи ги завршените активности на Агенцијата за храна и ветеринарство за 2018 и првата половита на 2019 година, даде одлична оценка за постигнатиот напредок во евро - интеграциските процеси за Поглавјето 12 - Безбедност на храната, ветеринарна и фитосанитарна политика. Со ваквата проценка на Комисијата, Агенцијата за храна и ветеринарство се вброи меѓу петте институции во државава кои добија највисока оцена.

Обука и за прилепскиот стационар за бездомни животни

Постапките и стандардните оперативни процедури, техниките и методите на заловување на бездомни кучиња ќе бидат тема на тридневната обука која почнувајќи од денес, на барање на јавното комунално претпријатие од Прилеп кое стопанисува со прифатилиштето за бездомни животни

Презентирани искуствата на АХВ во спроведување на инспекциските контроли на граничните премини

На покана на Светската Банкарска Групација и Австриското министерството за финансии, директорот на Агенцијата за храна и ветеринарство ДВМ Зоран Атанасов, од 21 до 23 мај, во Виена Австрија, зема активно учество на Регионалниот настан за мерење на достигнувањата на агенциите кои се наоѓаaт на граничните премини.

Пред ЕФСА презентирани проектите кои се реализираат со поддршка на ЕУ

Во периодот од 21 до 23 мај 2019 година во Сараево, Босна и Херцеговина, Европската агенција за безбедност на храна го одржува 39 состанок на националните фокални точки. На маргините на состанокот се одржa и колаборативна работилница

Оглас за слободна работна позиција: Помлад експерт за законодавство (Здравствена заштита на животни)

Проектот „Подобрување на спроведувањето на законодавството за зашттита на животните, безбедноста на храна и фитосанитарното законодавство и соодветните информативни системи “ EuropeAid/139253/DH/SER/MK објавува слободна работна позиција: Помлад експерт за законодавство (Здравствена заштита на животни), 30 дена.

МИА:Ги преброивме коњите и магарињата, уште да ги чипираме

Инфективната анемија го вклучи алармот. Ако не се појавеше, пребројувањето и обележувањето на копитарите во земјава ќе почекаше – до почетокот на преговорите за членство во ЕУ, како што предвидуваа надлежните. Но, болеста не само што им го изјалови планот, туку и ја забрза целата постапка.

АХВ спроведе обука на цариниците за контрола на миленици и личен багаж на граничните премини

Стручни лица од Агенцијата за храна и ветеринарство, за потребите на Царинската управа на Република Северна Македонија, во вторникот одржаа обука за спроведување на контроли при увоз и транзит на домашни миленици за некомерцијални цели и контрола на личниот багаж при влез во нашата држава.

Кампањата за одговорно сопствеништво во кумановско Лопате

Агенцијата за храна и ветеринарство во соработка со Факултетот за ветеринарна медицина продолжуваат со реализација на активностите во рамки на едукативната регионална кампања за одговорно сопствеништво “Биди неговиот херој”.

АХВ домаќин на регионалната работилница “SIGMA проект и собирање податоци за зоонози и нивно репортирање во EFSA”

Под покровителство на Европската агенција за безбедност на храна (EFSA), денес и утре во Скопје, Агенцијата за храна и ветеринарство ќе биде домаќин на регионална работилница “SIGMA проект и собирање податоци за зоонози и нивно репортирање во EFSA”.

Во првите три месеци од годинава АХВ направи 16.578 инспекциски контроли

Инспекторите за храна и официјалните ветеринари на Агенцијата за храна и ветеринарство, во првите три месеци од годинава спроведоа вкупно 16.578 инспекциски контроли, од кои 11.761 редовни, 1.464 контролни и 3.353 вонредни контроли. За констатираните недоследности изречени се вкупно 1.769 мерки. Донесени се 1.216 решенија, спроведени се 499 едукации на операторите со храна, изречени се 5 мандатни казни и поднесени се 13 прекршочни пријави.

Директорот на АХВ Зоран Атанасов избран за член на Извршниот комитет на ЕУ ФМД

На 43 собрание на Генералното собрание на Eвропската комисија за контрола на болеста Лигавка и шап (EuFMD) при Организацијата за храна и земјоделство на Обединетите Нации – ФАО, кое на 17 и 18 април се одржа во Рим, Италија, директорот на Агенција за храна и ветеринарство, Зоран Атанасов беше избран за еден од шесте члена на Извршниот комитет на Комисијата.

АХВ ги засили инспекциските контроли пред Велигден

Во пресрет на велигденските празници и зголемената побарувачка на јајца, бои за јајца, месо и други прехранбени производи, инспекциските служби на Агенцијата за храна и ветеринарство вршат засилени контроли кај операторите со храна во производството, преработката, дистрибуцијата и продажбата на храна. Со контролите се опфатени маркетите, угостителските објекти, специјализираните продавници за јајца, како и месарниците и зелените пазари.

Демант:Штипското прифатилиште одобрено согласно законските одредби за заштита и благосостојба на животните

Aгенцијата за храна и ветеринарство остро реагира на соопштението кое денес до медиумите го испрати здружението за заштита на животните ,,Анима Мунди,, во кое неосновано се обвинува нашата институција дека спротивно на законските и подзаконските акти од областа на здравствената заштита и благосостојбата на животните издала одобрение за отворање на прифатилиште за бездомни животни во Штип.

Subscribe to Соопштение