На 20 јануари 2018 година во Берлин, Германија се одржа десеттиот Глобален форум за храна и земјоделство на кој учествуваше и г-дин Љупчо Николовски, Министер за земјоделство, шумарство и водостопанство. На Глобалниот форум учествуваат вкупно 69-те делегации на министри кои до генералниот директор на Светската организација за здравствена заштита на животните (ОИЕ) и Организацијата за храна и земјоделство (ФАО) доставија документ со предлози за преземање активности во насока на дефинирање иднината на поодржливо, одговорно и ефикасно сточарско производство.

Во Комуникето се наведени активности кои треба да се спроведат со цел да се овозможи обликување на иднината на сточарството и истото е предадено на д-р Моник Елоит, генерален директор на ОИЕ, и г-дин Жозе Грацијано да Силва, генерален директор на ФАО,

Беше јасно укажана потребата да се подобри здравствената заштита на животните и нивната благосостојба, со четири основни области: превенција и контрола на болести, управување со благосостојба на животните, борба против антимикробна резистентност и градење на капацитетите.
Во контекст на проекцијата на зголемената побарувачка за храна од животинско потекло во многу региони во светот, поради зголемување на населението, доволен пристап до ветеринарни услуги и подобрено управување во врска со здравствената заштита и благосостојбата на животните, може да доведе до зголемување на глобалното производство на животни со околу 20%.
Дополнително, сточарското производство, кое може да има еколошки значајни влијанија врз почвата, водата и воздухот придонесува кон климатските промени, исто така е под влијание на климатските промени. Поради тоа, од исклучителна важност е контролата на појавата или повторната појава на болести кај животните.
За таа цел, Комуникето ја изразува намерата на министрите да ги поддржат Националните ветеринарни служби во развојот на политиките и стратегиите, со цел да се имплементираат и подобрат ефективните и ефикасните мерки за спречување, контрола и искоренување на болести. Исто така, ги потсетува земјите на нивната обврска неодложно да ги пријават во ОИЕ епидемиите на болести кај животните и да ја поддржат модернизацијата на Светскиот информативен систем за здравствена заштита на животните (WAHIS +).
На состанокот беа потврдени Глобалните програми за болести кај животните, како што се заедничките стратегии на ОИЕ и ФАО за искоренување на чума кај мали преживари и лигавка и шап, како и заедничкиот акциски план на ОИЕ, СЗО и ФАО за искоренување на беснило.
Во оваа прилика министрите повикаа на засилена меѓународна соработка, особено за поефикасна национална и прекугранична контрола на болести кај животните, особено во рамки на Глобалната рамка за прогресивна контрола на прекуграничните болести на животните (GF TAD), заеднички основана од ФАО и ОИЕ.