Доколку најдете угината дива свиња ве молиме да пријавите на 0800 00 210. Следува награда од 2500 денари

Доколку најдете угината дива свиња ве молиме да пријавите на
0800 00 210
Следува награда од 2500 денари

Бабовски одржа работен состанок со Ветеринарната комора

23.12.2020
Бабовски одржа работен состанок со Ветеринарната комора

Новиот директор на Агенцијата за храна и ветеринарство Николче Бабовски, денес оствари прва официјална средба со претседателот и претставници на Ветеринарната комора на Република Северна Македонија. Потврдена беше заложбата за развивање и унапредување на долгогодишниот партнерски однос кој го имаат воспоставено Агенцијата и Комората, како основа за обезбедување на безбедна храна и развој на сточарството во земјава. 

Разгледани беа активностите и динамиката со која ветеринарните друштва ќе треба да ги реализираат обврските согласно Годишната програма за здравствена заштита на животните во 2021 година. На состанокот се дискутираше и за состојбата во сточарството, особено во делот на здравствената заштита и благосостојбата на животните, за што, заедничка беше констатацијата дека унапредување и на овој сегмент од ветеринарната дејност, е единствено можно со соработка на државните институции и бизнис заедницата од областа на ветеринарната медицина организирана во рамки на Ветеринарната комора. 

Соработката, заклучено беше на крајот на средбата, претставува можност и за обезбедување на навремени и квалитетни услуги од страна на ветеринарните друштва.  
 

Ознаки
Категорија