Соработката на Агенцијата за храна и ветеринарство на Република Северна Македонија со Европската агенција за безбедност на храна, како и посветеноста во насока на следење на глобалните трендови чија цел е заштита на јавното здравје и здравствената заштита на животните, резултираше со приклучување на Агенцијата за храна и ветеринарство на Република Северна Македонија во конзорциумот кој го спроведува SIGMA проектот.

Република Северна Македонија, претставувана од Агенцијата за храна и ветеринарство е првата земја која не е членка на Европската унија, која беше официјално поканета да се приклучи во конзорциумот и рамноправно да учествува во неговото спроведување, давајќи свој придонес за успешна имплементација на проектот.

Конзорциумот е формиран со цел да се обезбеди научна и техничка поддршка на Европската комисија во процесот на спроведување епидемиолошка анализа на појавата на болести кај животните (Африканска чума кај свињите, Јазлеста кожа кај говедата и Авијарна инфлуенца) и проценката на податоците од спроведените надзори во однос на Echinococcus multilocularis и Авијарната инфлуенца.

Првата фаза на проектот се состоеше од идентификација и мапирање на националните органи надлежни за податоците поврзани со популација на животните и болестите кај животните со акцент за болестите кои се опфатени со проектот.

Врз основа на пополнетите прашалници и комуникацијата помеѓу одговорните лица од СИГМА конзорциумот и Агенцијата за храна и ветеринарство, изработен е технички извештај кој е објавен на веб страната на ЕФСА, а текстот на иститот може да се прочита на следниот линк

https://efsa.onlinelibrary.wiley.com/doi/abs/10.2903/sp.efsa.2020.EN-1833