Доколку најдете угината дива свиња ве молиме да пријавите на 0800 00 210. Следува награда од 2500 денари

Доколку најдете угината дива свиња ве молиме да пријавите на
0800 00 210
Следува награда од 2500 денари

Во септември уништени 11,3 тони небезбедна храна

05.11.2019
Во септември уништени 11,3 тони небезбедна храна

Повеќе од 4,6 тони небезбедна храна уништиле инспекциските служби на Агенцијата за храна и ветеринарство во септември годинава. Дополнително, операторите со храна, во истиот временски приод уништиле уште 6,6 тони небезбедна храна.

За констатираните недоследности со вкупно извршените 4.655 инспекциски контроли (3.106 редовни, 440 контролни и 1.109 вонредни), официјалните ветеринари и инспекторите за храна на Агенцијата, во септември изрекле 714 мерки. Од нив, 433 решенија со кои било наложено отстранување на недоследностите, 254 едукации на оператори со храна, а, изречени биле и 4 парични казни . 
Инспекциските служби поднеле и пет прекршочни и една кривична пријава за утврдените недоследности од поголем обем.

За извоз на  храна од животинско потекло, официјалните ветеринари во овој временски период издале 260, а инспекторите за храна 303 сертификати за безбедност, за пласман на храна на странските пазари.  Инспекторите за храна ни официјалните ветеринари на граничните премини, во септември годинава не издале забрана за увоз на пратки со храна, ниту од животинско, ниту од неживотинско потекло, а како небезбедни, немало ниту поништени пратки од увоз.
 

Категорија