Доколку најдете угината дива свиња ве молиме да пријавите на 0800 00 210. Следува награда од 2500 денари

Доколку најдете угината дива свиња ве молиме да пријавите на
0800 00 210
Следува награда од 2500 денари

Учениците од “Браќа Миладиновци” дел од кампањата за одбележување на Светскиот ден на борба против беснило

26.09.2019
Учениците од “Браќа Миладиновци” дел од кампањата за одбележување на Светскиот ден на борба против беснило

„Кучето да ти ја помириса раката, дури потоа да му пријдеш и да го погалиш,но, прво да побараш дозвола од сопственикот за да му пријдеш на кучето. Милениците редовно да се хранат, да се внимава на нивната хигиена и на нивното здравје, зошто ако тие се здрави, здрави ќе бидат и нивните сопственици. Дом и среќа треба да им се пружи и на бездомните животни, кон кои сите треба внимателно да се однесуваме. “ Ова се дел од размислувањата на петтоодделенците од основното училиште “Браќа Миладиновци”, за кои денес, претставници од Агенцијата за храна и ветеринарство и од Факултетот за ветеринарна медицина одржаа едукативен час за одговорно сопствеништво. Станува збор за активности кои ги реализира Агенцијата за храна и ветеринарство во рамки на одбележувањето на 28 септември, Светски ден  за борба против беснило. 

За основите како да се биде одговорен сопственик, како да е однесуваме кон милениците, колку пати дневно и како да ги храниме, дали и колку често да ги носиме на ветеринар, што значи благосостојбата на милениците, но и како да бидеме одговори и совесни граѓани водејќи сметка и за бездомните животни, се дел од прашањата  на кои во предавањето се осврна универзитетскиот професор од Факултетот за ветеринарна медицина Пламен Тројачанец. Тој на петтоодделенците од ова основно училиште им ги објасни обврските кои ги имаат сопствениците на миленици, вклучително и вакцинирањето против беснило, како да препознаат кога миленикот, особено кучињата се расположени за играње и сакаат да комуницираат,но и кога и како да го избегнат контактот со нив кога ќе препознаат дека тие се вознемирени. 

На децата им беше поделен промотивен материјал за одговорно сопствеништво кој го подготви Агенцијата за храна и ветеринарство. Активностите на Агенцијата за храна и ветеринарство за одбележување на Светскиот ден  за борба против беснило продолжуваат во сабота, кога под мотото “Беснилото завршува овде”, од 11.30 до 13.30 часот кај Школка во Градски парк, ќе се одржи промотивно - едукативен настан за граѓаните за подигнување на јавната свест за превенција и опасност од болеста беснило.

Ознаки
Категорија