На 9 април 2021 претставници од АХВ  и експертите на проектот одржаа онлајн работилница за операторите со храна на тема Законодавството во однос на додатоци на исхрана и здравствени и нутритивни тврдења. 

Во рамките на проектот Подобрување на спроведувањето на законодавството за здравствена заштита на животните, безбедноста на храна и фитосанитарното законодавство и соодветните информативни системи , на 8ми, 12ти и 14ти април 2021 беа реализирани обуки на тема официјални контроли за нус производи од животинско потекло.

Во рамки на проектот „Подобрување на спроведувањето на законодавството за здравствена заштита на животните, безбедноста на храна и фитосанитарното законодавство и соодветните информативни системи“ во периодот од 1-ви до 3-ти декември се одржа обука за Нутритивните и здравствените тврдења и додатоците на исхрана.

Во рамките на проектот, на 12 и 13 ноември 2020 во просториите на МЗШВ беше одржана дводневна работилница на тема: Здравје на растенија - процена на ризик од штетници и планови за итни мерки.

Во текот на обуката на 2, 3 и 4 ноември 2020, се направи преглед на Законодавството на ЕУ за материјали кои доаѓаат во контакт со храна, општите и посебни барања за пуштање во промет и означување, изјави за усогласеност, како и примери за добрата производна пракса – системот за аудит (ревизија) и контролни листи. 

Во рамките на проектот Подобрување на спроведувањето на законодавството за здравствена заштита на животните, безбедноста на храна и фитосанитарното законодавство и соодветните информативни системи финансиран од ЕУ,беше подготвена Комуникациска стратегија и  кампања за подигнување на јавната свест за заштита и благосотојба на работни коњи.

На 10 и 11 август се одржа дводневна работилница каде беше презентиран и разгледуван нацрт Законот за вршење на официјални контроли. Нацрт законот беше изготвен како една од активностите во рамките на проектот “Подобрување на спроведувањето на законодавството за здравствена заштита на животните, безбедноста на храна и фитосанитарното законодавство и соодветните информативни системи”.

Со помош на Активноста 6.5.1 од проектот ИПА 2015 г. Спроведување на општите начела за ИУШ, со МЗШВ и локалните експерти се разговараше за можна рамка за дејствување со цел да се постигне одржлива употреба на пестициди, како би се идентификувале можностите за развој на соодветни мерки, што во пракса ќе доведе до стимулирање и воведување на интегрирано управување со штетници (ИУШ) и органско земјоделско производство.

Во рамките на Активноста 6.2.1  од проектот ИПА 2015 година Подготовка на проценка на ризик од штетници и утврдување на превентивни мерки што треба да се преземат против ширење на штетници,  работната група за здравје на растенија дискутираше за неколку инсекти, габи, нематоди, бактерии и вируси, за кои се смета дека постои закана за влез на територијата на Северна Македонија преку увезени растенија и растителни производи и кои може да причинат штети на растечките растенија домаќини. Ваквите организми се наведени како карантински штетници на листата со штетници, растенија, растителни производи и други предмети (Службен весник бр. 65/10) со посебна ознака (*), затоа што на времето не биле регулирани од ЕУ.

Врз основа на Активноста 6.1.1 од проектот ИПА 2015 година  „Ажурирање на здравствениот статус на растенијата во земјата“, во моментов се разгледува усвоеното законодавство, за да се усогласи со законодавството на ЕУ барем во еден дел, со кој се регулираат најопасните штетни организми.